NIkhil Spy Movie : విభిన్నమైన కథలను ఎంచుకుంటూ తనకంటూ ఒక ప్రత్యేకమైన మార్కెట్ ని అతి తక్కువ సమయం లోనే ఏర్పాటు చేసుకున్న హీరో ఎవరైనా ఉన్నారా అంటే అది నిఖిల్ అని చెప్పొచ్చు.ఆయన నుండి ఒక సినిమా విడుదల అవుతుంది అంటే, కచ్చితంగా థియేటర్స్ లో చూడాలి అనే ఒపీనియన్ ఆడియన్స్ లో నెలకొంది.
అలాంటి అద్భుతమైన సబ్జక్ట్స్ తో అసలు ఈ కోణం లో కూడా ఆలోచించి సినిమాలు తీస్తారా అనేంతలా ఆయన స్క్రిప్ట్ సెలక్షన్ ఉంటుంది. రీసెంట్ గానే కార్తికేయ 2 చిత్రం తో పాన్ ఇండియా మొత్తం మోతమోగిపోయ్యే రేంజ్ బ్లాక్ బస్టర్ ని అందుకున్న ఆయన, ఇప్పుడు రీసెంట్ గా స్పై అనే చిత్రం తో మన ముందుకు రాబోతున్నాడు. ఈ సినిమాకి సంబంధించిన టీజర్ విడుదలైనప్పుడు ఆడియెన్ మైండ్ ఒక్కసారిగా బ్లాక్ అయ్యింది. నేతాజీ సుభాష్ చంద్ర బోస్ అస్థికలు ఏమయ్యాయి, అనే దాని పై ఇన్వెస్టిగేషన్ చేస్తూ ఈ సినిమాని చిత్రీకరించారు.
ఈ చిత్రం ఈ నెల 29 వ తారీఖున విడుదల అవ్వబోతున్న సంగతి తెలిసిందే, ఈ సందర్భంగా ఈ చిత్రానికి సంబంధించిన ఒక క్రేజీ న్యూస్ బయటకి వచ్చింది. ఈ సినిమాలో ఒక ముఖ్యమైన పాత్ర కోసం దగ్గుపాటి రానా ని సంప్రదించింది అట మూవీ టీం,ఆయన వెంటనే ఒప్పుకొని, రీసెంట్ గానే తన పార్ట్ కి సంబంధించిన షూటింగ్ లో కూడా పాల్గొన్నాడు. ఈరోజే ఆయన పాత్ర కి సంబంధించిన డబ్బింగ్ కార్యక్రమాలు కూడా పూర్తి చేసాడు. ఈ సినిమాలో ఆయనది చిన్న పాత్రే అయ్యినప్పటికీ, ఎంతో బలమైన ఇంప్యాక్ట్ క్రియేట్ చేసే పాత్ర అని, కచ్చితంగా ఆడియన్స్ మైండ్ బ్లాస్ట్ అయ్యే రేంజ్ లోనే ఆయన పాత్ర ఉంటుందని సమాచారం.
త్వరలోనే ఈ పాత్ర కి సంబంధించిన టీజర్ ని కూడా విడుదల చేయబోతున్నారట. రానా పాన్ ఇండియా రేంజ్ లో మంచి క్రేజ్ ఉందనే విషయం అందరికీ తెలిసిందే,ఈ సినిమా పాన్ ఇండియా లెవెల్ లో విడుదల అవ్వబోతుంది కాబట్టి రానా ఫేమ్ ఈ చిత్రానికి ఉపయోగపడుతుందని అనుకుంటుంది మూవీ టీం.
