Tecno Camon 50 Ultra 5G: టెక్నో (Tecno) కంపెనీ నుంచి సరికొత్త ప్రీమియం స్మార్ట్ఫోన్ భారత మార్కెట్లోకి రావడానికి సిద్ధమైంది. ప్రీమియం లుక్ తో పాటు ఏఐ ఫీచర్లు కలిగిన ఈ ఫోన్ గురించి సమాచారం ఇప్పటికే లీక్ కావడంతో దీనిపై ఆసక్తి పెరిగింది. దీంతో దీనిని దక్కించుకోవడానికి చాలా మంది వినియోగదారులు రెడీగా ఉన్నట్లు సోషల్ మీడియా ద్వారా తెలుస్తోంది. మరి ఈ ఫోన్ ఎలా ఉండబోతుందో చూద్దాం.. లాంచ్ తేదీ మరియు అమెజాన్ లభ్యత:
Tecno నుంచి Camon 50 Ultra 5G జూలై 17, మధ్యాహ్నం 12 గంటలకు అధికారికంగా విడుదల కానుంది. ఆ తర్వాత దీనిని ప్రముఖ ఈ-కామర్స్ ప్లాట్ఫారమ్ అమెజాన్ ద్వారా కొనుగోలు చేయొచ్చు. ఈ ఫోన్ చాలా ప్రీమియం లుక్తో డిజైన్ చేసింది. దీని కోసం ప్రత్యేకంగా ‘సిల్క్-ఫ్లో’ డిజైన్ టెక్నాలజీని ఉపయోగించారు. ఇది చేతిలో పట్టుకున్నప్పుడు మంచి గ్రిప్, స్లిమ్ మరియు స్టైలిష్ లుక్ ఇస్తుంది. ఈ మొబైల్ భారత్లో నెబ్యులా టైటానియం , సైప్రస్ గ్రీన్ , మిస్టీ పర్పుల్ అనే మూడు ఆకర్షణీయమైన రంగులలో లభించనుంది. అంతేకాకుండా నీరు, ధూళి నుంచి రక్షణ కోసం IP69 రేటింగ్స్ కూడా ఉన్నాయి.
ఈ స్మార్ట్ఫోన్ 6.78 అంగుళాల AMOLED కర్వ్డ్ డిస్ప్లేతో వస్తోంది. 1.5K రిజల్యూషన్ తో పాటు 144Hz రిఫ్రెష్ రేట్ ఉండడం వల్ల స్మూత్ స్క్రోలింగ్ చేసుకోవచ్చు. అవుట్డోర్లో స్క్రీన్ స్పష్టంగా కనిపించేలా 4,500 నిట్స్ గరిష్ట బ్రైట్నెస్ను కలిగి ఉంటుంది. పవర్ఫుల్ పర్ఫార్మెన్స్ కోసం ఇందులో మీడియాటెక్ డైమెన్సిటీ 7400 ఆల్టిమేట్ ఆక్టా-కోర్ చిప్సెట్ను అమర్చారు.
‘Sees It All’ అనే కాన్సెప్ట్తో ఫోటోగ్రఫీ ప్రియుల కోసం ఈ ఫోన్ను తీసుకొస్తున్నారు. దీని వెనుక భాగంలో ట్రిపుల్ కెమెరా సెటప్ ఉంది. ఇందులో 50MP ప్రైమరీ కెమెరా , 50MP టెలిఫోటో లెన్స్, 8MP అల్ట్రా వైడ్ యాంగిల్ కెమెరా ఉన్నాయి. అలాగే సెల్ఫీల కోసం ముందు భాగంలో 50MP ఆటోఫోకస్ కెమెరా ఇచ్చారు. ఇందులో ఫోటోలను అందంగా మార్చే AI Photo Enhancement వంటి ఇంటెలిజెంట్ ఫీచర్లు హైలైట్గా నిలవనున్నాయి.
ఈ ఫోన్లో రోజంతా ఛార్జింగ్ బ్యాకప్ ఇచ్చేలా 6,500mAh భారీ బ్యాటరీని అందించారు. ఇది 45W ఫాస్ట్ ఛార్జింగ్కు సపోర్ట్ చేస్తుంది. సినిమా, మ్యూజిక్ లవర్స్ కోసం మెరుగైన సౌండ్ క్వాలిటీని అందించేలా స్టీరియో స్పీకర్లతో పాటు డాల్బీ అట్మోస్ ఆడియో సపోర్ట్ను కూడా ఇందులో చేర్చారు. భారత మార్కెట్లో దీని ఖచ్చితమైన ధర మరియు ఆఫర్ల వివరాలు జూలై 17 లాంచ్ రోజున వెల్లడవుతాయి.
