Oppo K15s ప్రముఖ స్మార్ట్‌ఫోన్ బ్రాండ్ ఒప్పో (Oppo) తన K15 సిరీస్‌లో మరో రెండు కొత్త స్మార్ట్‌ఫోన్లను చైనా మార్కెట్లో విడుదల చేసింది. Oppo K15s, Oppo K15x పేర్లతో వచ్చిన ఈ రెండు ఫోన్లు ప్రధానంగా భారీ బ్యాటరీ, 120Hz డిస్‌ప్లే, వేగవంతమైన ఛార్జింగ్, మన్నికైన డిజైన్‌పై దృష్టి పెట్టాయి. వీటిలో Oppo K15s ఏకంగా 8,000mAh బ్యాటరీతో రావడం విశేషం. మరోవైపు K15xలో 6,500mAh బ్యాటరీని అందించారు. రెండు ఫోన్లలోనూ 45W SuperVOOC ఫాస్ట్ ఛార్జింగ్ సపోర్ట్ ఉంది.
Oppo K15s ధర ఎంత?
చైనాలో Oppo K15s ధర 6GB RAM + 128GB స్టోరేజ్ వేరియంట్‌కు CNY 1,699గా నిర్ణయించారు. భారత కరెన్సీలో ఇది సుమారు రూ.24,300. ఇక 8GB RAM + 256GB స్టోరేజ్ మోడల్ ధర CNY 1,999గా ఉంది. ఇది దాదాపు రూ.28,600కు సమానం. Shadow Grey, Wind Trail Purple కలర్ ఆప్షన్లలో ఈ ఫోన్ లభిస్తుంది.
Oppo K15x ధర 6GB + 128GB వేరియంట్‌కు CNY 1,399 (సుమారు రూ.20,000) నుంచి ప్రారంభమవుతుంది. 6GB + 256GB మోడల్ ధర CNY 1,699 (సుమారు రూ.24,300). Glacier White, Prism Purple రంగుల్లో ఈ ఫోన్ అందుబాటులో ఉంటుంది.
Oppo K15s స్పెసిఫికేషన్లు
Oppo K15sలో 6.57 అంగుళాల Full HD+ AMOLED డిస్‌ప్లే ఉంది. ఇది 120Hz రిఫ్రెష్ రేట్, 1,400 నిట్స్ వరకు పీక్ బ్రైట్‌నెస్, 240Hz టచ్ శాంప్లింగ్ రేట్‌కు సపోర్ట్ చేస్తుంది. ఫోన్‌లో MediaTek Dimensity 6360 MAX ప్రాసెసర్‌ను ఉపయోగించారు. దీనికి 6GB LPDDR4X RAM, 256GB వరకు UFS 2.2 స్టోరేజ్ జత చేశారు.
కెమెరా విషయానికి వస్తే.. వెనుకవైపు 50MP మెయిన్ కెమెరా, ముందు భాగంలో 8MP సెల్ఫీ కెమెరా ఉన్నాయి. వెనుక కెమెరాతో 1080p వీడియోను 60fps వరకు రికార్డ్ చేయవచ్చు.
ఈ ఫోన్‌లోని ప్రధాన ఆకర్షణ 8,000mAh బ్యాటరీ. దీనికి 45W SuperVOOC ఫాస్ట్ ఛార్జింగ్ సపోర్ట్ ఉంది. ఇన్-డిస్‌ప్లే ఫింగర్‌ప్రింట్ సెన్సార్, ఫేస్ అన్‌లాక్ వంటి ఫీచర్లు కూడా ఉన్నాయి.
Oppo K15x ఫీచర్లు
Oppo K15xలో 6.75 అంగుళాల HD+ LCD డిస్‌ప్లేను అందించారు. ఇది 120Hz రిఫ్రెష్ రేట్, 240Hz టచ్ శాంప్లింగ్‌కు సపోర్ట్ చేస్తుంది. MediaTek Dimensity 6300 చిప్‌సెట్‌తో పనిచేసే ఈ ఫోన్‌లో 6GB RAM, 256GB వరకు స్టోరేజ్ లభిస్తుంది.
కెమెరా పరంగా 13MP మెయిన్ రియర్ కెమెరా, 5MP ఫ్రంట్ కెమెరా ఉన్నాయి. బ్యాటరీ సామర్థ్యం 6,500mAh కాగా, 45W SuperVOOC ఛార్జింగ్ సపోర్ట్ ఉంది. USB Type-C పోర్ట్‌తో పాటు 3.5mm హెడ్‌ఫోన్ జాక్‌ను కూడా అందించారు. సైడ్-మౌంటెడ్ ఫింగర్‌ప్రింట్ సెన్సార్ ఇందులో ఉంది.
ప్రస్తుతం ఈ రెండు ఫోన్లు చైనా మార్కెట్లో మాత్రమే విడుదలయ్యాయి. భారత్‌లో వీటి విడుదలకు సంబంధించి ఒప్పో నుంచి అధికారిక సమాచారం వెలువడాల్సి ఉంది.
