New Bank Rules : ప్రపంచ వ్యాప్తంగా 2025–26 నూతన ఆర్థిక సంవత్సరం(New Financial Year) ఏప్రిల్ 1 నుంచి ప్రారంభమైంది. ఈ సందర్భంగా దేశంలోని బ్యాంకులు కొన్ని నిబంధనలు మార్చాయి. ఆర్థిక రంగంలో కీలక మార్పులు అమలులోకి వచ్చాయి. ఇవి ప్రజల రోజువారీ లావాదేవీలపై ప్రభావం చూపనున్నాయి. యూపీఐ(UPI) చెల్లింపులు, బ్యాంక్ ఖాతాల్లో కనీస బ్యాలెన్స్, ఏటీఎం రుసుముల్లో సవరణలు జరిగాయి.
Also Read : మార్చి 2025: డిజిటల్ పేమెంట్స్లో ఇండియా సరికొత్త రికార్డు..
యూపీఐలో కొత్త రూల్స్
నేషనల్ పేమెంట్స్ కార్పొరేషన్ ఆఫ్ ఇండియా (NPCI) యూపీఐ వినియోగదారుల భద్రత కోసం కొత్త నిబంధనలను అమలు చేసింది. డీయాక్టివేట్ అయిన మొబైల్ నంబర్లకు లింక్ అయిన యూపీఐ ఐడీ(UPI ID)లను నిష్క్రియం చేయనున్నారు. చాలా కాలంగా ఉపయోగంలో లేని నంబర్లతో లావాదేవీలు చేసే వారు తమ బ్యాంక్ వివరాలను ఏప్రిల్(April) 1 లోపు అప్డేట్ చేయాలని సూచించారు. ఫోన్పే(Phone pay), గూగుల్ పే, పేటీఎం వంటి థర్డ్–పార్టీ యాప్లు కూడా ఈ రూల్ ప్రకారం నిష్క్రియ నంబర్లను దశలవారీగా తొలగిస్తాయి, దీనివల్ల అక్రమ లావాదేవీలను నియంత్రించడం సులభమవుతుంది.
మినిమం బ్యాలెన్స్ నిబంధనలు..
దేశవ్యాప్తంగా పలు బ్యాంకులు సేవింగ్స్(Savings), కరెంట్(Current) ఖాతాల్లో కనీస బ్యాలెన్స్ పరిమితులను సవరించాయి. స్టేట్ బ్యాంక్ ఆఫ్ ఇండియా (SBI), పంజాబ్ నేషనల్ బ్యాంక్ (PNB), కెనరా బ్యాంక్ వంటి ప్రభుత్వ బ్యాంకులు ఈ మార్పులను అమలు చేస్తున్నాయి. కనీస బ్యాలెన్స్(Minimum balance) నిల్వ ఉంచని ఖాతాదారుల నుంచి పెనాల్టీలు వసూలు చేయనున్నాయి, ఇది కస్టమర్లు తమ ఖాతాలను క్రమం తప్పకుండా పరిశీలించేలా చేయవచ్చు.
ఏటీఎం రుసుముల్లో సవరణ
రిజర్వ్ బ్యాంక్ ఆఫ్ ఇండియా(RBI) ఏటీఎం లావాదేవీల రుసుములకు సంబంధించిన మార్గదర్శకాలను సవరించింది. ఇతర బ్యాంక్ ఏటీఎం(ATM)లలో నెలకు ఉచిత ఉపసంహరణల సంఖ్య మూడుకు తగ్గింది, గతంలో ఇది ఎక్కువగా ఉండేది. ఈ పరిమితిని దాటితే, ప్రతి లావాదేవీకి రూ.20 నుంచి రూ.25 వరకు ఛార్జీ విధించనున్నారు. ఈ మార్పు డిజిటల్(Digital) లావాదేవీలను ప్రోత్సహించడంతో పాటు ఏటీఎం నిర్వహణ ఖర్చులను భర్తీ చేయడానికి ఉద్దేశించినది.
ఈ కొత్త నిబంధనలు ఆర్థిక భద్రతను పెంచడంతో పాటు బ్యాంకింగ్ వ్యవస్థలో క్రమశిక్షణను తీసుకురానున్నాయి.
Also Read : SBI వినియోగదారులు బీ అలర్ట్..ఆ సేవలు బంద్!
