BSNL latest offers 2025: ప్రభుత్వ టెలికాం సంస్థ బీఎస్ఎన్ఎల్ తన కస్టమర్లను ఆకర్షించడానికి ఎప్పటికప్పుడు కొత్త ఆఫర్లు తీసుకొస్తూ ఉంటుంది. ఇప్పుడు కంపెనీ తన రూ.197 ప్లాన్లో పెద్ద మార్పులు చేసింది. ఈ ప్లాన్ వాలిడిటీ, బెనిఫిట్స్లో పెద్ద మార్పు తీసుకొచ్చింది. ఈ ప్లాన్ ఇప్పుడు ఎక్కువ వాలిడిటీతో పాటు డేటా, కాలింగ్, ఎస్ఎంఎస్ బెనిఫిట్స్ అందిస్తుంది. రూ.200 లోపు ధరలో వచ్చే ఈ రీఛార్జ్ ప్లాన్తో ఏయే బెనిఫిట్స్ లభిస్తాయో, ఇందులో వచ్చిన పెద్ద మార్పు ఏమిటో వివరంగా తెలుసుకుందాం.
Also Read: యవ్వనంలోకి రాగానే ఈ 5 విషయాలను నేర్చుకోవాలి.. ఎందుకంటే?
పాత బెనిఫిట్స్:
గతంలో రూ.197 ప్లాన్తో రోజుకు 2 జీబీ హై-స్పీడ్ డేటా, అన్లిమిటెడ్ వాయిస్ కాలింగ్, రోజుకు 100 ఎస్ఎంఎస్లు లభించేవి. ఈ ప్లాన్ 70 రోజుల వాలిడిటీతో వచ్చినా, బెనిఫిట్స్ మాత్రం కేవలం 15 రోజులకే వర్తించేవి. తక్కువ ధరలో ఎక్కువ కాలం సిమ్ యాక్టివ్గా ఉంచుకోవాలనుకునే వారికి ఈ ప్లాన్ నచ్చేది. అయితే, ఇప్పుడు ఈ ప్లాన్లో వచ్చే బెనిఫిట్స్ పూర్తిగా మారిపోయాయి.
కొత్త బెనిఫిట్స్:
ఈ ప్లాన్లో ఇప్పుడు 4 జీబీ డేటా, 100 ఎస్ఎంఎస్లు, 300 నిమిషాల వాయిస్ కాలింగ్ బెనిఫిట్ లభిస్తుంది. అయితే, ముఖ్యమైన మార్పు ఏమిటంటే, ఈ బెనిఫిట్స్ గతంలో 15 రోజులకు కాకుండా ఇప్పుడు మొత్తం 54 రోజుల పాటు లభిస్తాయి. ఇది సిమ్ యాక్టివ్గా ఉంచుకుంటూనే లిమిటెడ్ కాలింగ్, డేటా కోరుకునే వారికి మంచి ఆఫర్.
జియో రూ.198 ప్లాన్:
జియో తన రూ.198 ప్లాన్తో రోజుకు 2 జీబీ డేటా, కాలింగ్, రోజుకు 100 ఎస్ఎంఎస్లు అందిస్తుంది. అయితే, రిలయన్స్ జియో ఈ ప్లాన్ కేవలం 14 రోజుల వాలిడిటీ మాత్రమే ఇస్తుంది. ఈ ప్లాన్తో జియో టీవీ, జియో AI క్లౌడ్ స్టోరేజ్ బెనిఫిట్ కూడా లభిస్తుంది.
ఎయిర్టెల్ రూ.199 ప్లాన్:
ఎయిర్టెల్ దగ్గర రూ.197 ప్లాన్ లేదు, కానీ కంపెనీ రూ.199 ప్రీపెయిడ్ ప్లాన్ను అందిస్తుంది. ఈ ప్లాన్తో 28 రోజుల వాలిడిటీతో కేవలం 2 జీబీ హై-స్పీడ్ డేటా, అన్లిమిటెడ్ వాయిస్ కాలింగ్, రోజుకు 100 ఎస్ఎంఎస్లు లభిస్తాయి. అంతేకాదు, ఈ ప్లాన్ కొన్ని అదనపు బెనిఫిట్స్ కూడా అందిస్తుంది. అవి 30 రోజులకు ఒకసారి ఉచిత హెలోట్యూన్, 12 నెలల పాటు పెర్ప్లెక్సిటీ ప్రో AI బెనిఫిట్, ఎయిర్టెల్ ఎక్స్ట్రీమ్, స్పామ్ అలర్ట్స్.
Also Read: మీ రీల్స్ పిచ్చి పాడుగానూ.. బంగారం లాంటి బెంజ్ కారును ఇలా చేశారు ఏంట్రా
బీఎస్ఎన్ఎల్ రూ.197 ప్లాన్లో వచ్చిన మార్పులు, ముఖ్యంగా డేటా, కాలింగ్ వినియోగం తక్కువగా ఉండి ఎక్కువ రోజులు సిమ్ వాలిడిటీ కోరుకునే వారికి ఉపయోగకరంగా ఉంటాయి. ఇతర కంపెనీల రూ.200 లోపు ప్లాన్లతో పోలిస్తే, బీఎస్ఎన్ఎల్ ప్లాన్ వాలిడిటీ విషయంలో మంచి ఆప్షన్గా నిలుస్తుంది.
