Balayya: నందమూరి బాలకృష్ణ బోయపాటి దర్శకత్వంలో తెరకెక్కిన సినిమా అఖండ. డిసెంబరు 2న విడుదలకు సిద్ధమైన ఈ సినిమా టీజర్.. ట్రైలర్, సాంగ్స్ ప్రేక్షకులను అమితంగా ఆకట్టుకున్నాయి. ఈ క్రమంలోనే సినిమాపై భారీగా అంచనాలు నెలకొన్నాయి.
ఓవైపు సినిమాలతో అలరిస్తూనే.. మరోవైపు, డిజిటల్ ప్లాట్ఫామ్పైనా తన సత్తా చాటుతున్నారు బాలయ్య. ప్రముఖ ఓటీటీ సంస్థ ఆహా వేదికగా అన్స్టాపబుల్ షోలో వ్యాఖ్యాతగా వ్యవహరిస్తున్నారు బాలయ్య. ఇప్పటికే రెండు ఎపిసోడ్లు పూర్తి చేసుకున్న ఆయన.. మంచి రెస్పాన్స్ అందుకున్నారు. తొలి ఎపిసోడ్లో మోహన్ బాబును గెస్ట్గా పిలవగా.. రెండో ఎపిసోడ్లో నేచురల్ స్టార్ నానిని పిలిపించి షోకు గ్లామర్ లుక్ తీసుకొచ్చారు.
ఇప్పుడు ఇదే అన్స్టాపబుల్ జోరుతో మూడో ఎపిసోడ్కు రెడీ అవుతున్నారు బాలయ్య. అయితే, ఇటీవలే ఆయన భుజానికి సర్జరీ కావడంతో.. షోకు చిన్న బ్రేక్ తీసుకున్నట్లు తెలుస్తోంది. త్వరలోనే కోలుకుని.. షూటింగ్లో పాల్గొననున్నట్లు తెలుస్తోంది.
షో నెక్ట్ గెస్ట్ ఎవరన్న విషయంపై చర్చలు నడుసున్నాయి. ఈ క్రమంలోనేన నవ్వుల సింహం బ్రహ్మానందం తర్వాత గెస్ట్గా హాజరుకానున్నట్లు తెలుస్తోంది. గత కొంత కాలంగా ఆయన సినిమాలకు దూరంగా ఉన్నారు. చివరగా జాతిరత్నాలు సినమాలో చిన్న పాత్ర పోషించారు. కాగా, త్వరలోనే పంచతంత్ర, రంగమార్తాండ సినిమాలతో ప్రేక్షకుల ముందుకు రానున్నారు. ఈ క్రమంలోనే ఆయన ఈ షోకు రానున్నట్లు సమాచారం. అయితే ఈ విషయంపై అధికారికంగా ప్రకటన రావాల్సి ఉంది. మరోవైపు బాలయ్య హీరోగా రానున్న అఖండ డిసెంబరు 2న ప్రేక్షకుల ముందుకు రానున్న సంగతి తెలిసిందే.
Web Title: Brahmanandam will next guest to the unstoppable show
Get Latest Telugu News, Andhra Pradesh News , Entertainment News, Election News, Business News, Tech , Career and Religion News only on oktelugu.com
