Prashna Ravan Case: ఏపీలో మతం మాటున జరుగుతున్న పరిణామాలు ఆందోళన కలిగిస్తున్నాయి. ముఖ్యంగా ఇటీవల ఓ సభలో ప్రశ్న రావణ్ చేసిన వ్యాఖ్యలు సభ్య సమాజం తలదించుకునేలా ఉన్నాయి. పవన్ కళ్యాణ్ పై ఆయన చేసిన అనుచిత వ్యాఖ్యలు జుగుప్సాకరంగా ఉన్నాయి. అయితే మతం మాటున, రాజకీయాల మాటున చేసే వ్యాఖ్యలు మరింత శ్రుతిమిస్తుండడంతో పోలీస్ శాఖ స్పందించింది. ప్రశ్న రావణుని అరెస్టు చేసింది. ఒక కేసులో బెయిల్ లభిస్తుంటే.. మరో కేసులో అరెస్ట్ చేస్తోంది. దీంతో కేసులతో ఉక్కిరి బిక్కిరి అవుతున్నారు ప్రశ్న రావణ్. అయితే ప్రభుత్వ వ్యూహం ఏంటో తెలియదు కానీ ఒక వ్యూహాత్మక లోపం మాత్రం ఈ విషయంలో బయటపడుతోంది.
* కేసుల మీద కేసులు..
ప్రశ్న రావణ్ తప్పు చేశారని పోలీసులు భావిస్తున్నారు. అందుకే అరెస్టులు చేస్తున్నారు. తమ అధినేత పవన్ కళ్యాణ్ పై అనుచిత వ్యాఖ్యలు చేస్తున్నారంటూ జనసైనికులు ఆయనపై మండిపడుతున్నారు. దాడులు చేస్తున్నారు. కోడిగుడ్లు రువ్వుతున్నారు. అయితే ఆయన చేసిన వ్యాఖ్యలు అంతలా తీవ్రంగా ప్రభావం చూపుతున్నాయి. దానిని ఎవరు సమర్ధించలేరు కూడా. కానీ ఆయనకు బెయిల్ లభిస్తుందటమే.. ఆయనపై నమోదవుతున్న.. నమోదు చేస్తున్న కేసులు పై అనుమానాలు వ్యక్తం అవుతున్నాయి. అయితే వ్యక్తుల కంటే ఆయన వ్యవస్థలపై మాట్లాడారు. మనుషుల నమ్మకాలపై మాట్లాడారు. హిందూ దేవుళ్ళతో పాటు దేవతలపై అనుచిత వ్యాఖ్యలు చేశారు. వాటిపై ఫిర్యాదులు చేసి.. ఆ కేసుల్లో రావణ్ ను అరెస్టు చేసి కోర్టులో ప్రవేశపెడితే మంచి ఫలితమే ఉంటుంది. ఈ విషయంలో కోర్టులు కూడా సీరియస్ గా వ్యవహరించే ఛాన్స్ ఉంటుంది.
* వాటిపై ఫిర్యాదు చేస్తేనే..
ప్రశ్న రావణ్ హిందూ దేవుళ్ళతో పాటు దేవతలపై అనుచిత వ్యాఖ్యలు చేశారు. వాటికి సంబంధించిన వీడియోలు సోషల్ మీడియాలో విపరీతంగా వైరల్ అవుతున్నాయి. ఎప్పుడైతే దళిత క్రైస్తవ సభలో పవన్ కళ్యాణ్ పై ప్రశ్న రావణ్ అనుచిత వ్యాఖ్యలు చేయడం.. అవి వివాదాస్పదం కావడంతో.. రావణ్ గతంలో చేసిన వ్యాఖ్యలకు సంబంధించిన వీడియోలు సోషల్ మీడియాలో విపరీతంగా వైరల్ అయ్యాయి. హిందూ సమాజం కూడా ఆయనపై తీవ్ర ఆగ్రహంతో ఉంది. పైగా కేంద్ర ప్రభుత్వం నడిచే బిజెపి అనుబంధ సంస్థలు గా ఉన్న ఆర్ఎస్ఎస్, విశ్వహిందూ పరిషత్ రంగంలోకి దిగి.. హిందూ సంఘాల ప్రతినిధులతో కేసులు పెట్టిస్తే అవి న్యాయస్థానాల్లో నిలబడతాయి కూడా. కానీ చంద్రబాబును తిట్టాడనో.. పవన్ కళ్యాణ్ పై రెచ్చిపోయాడనో కేసులు పెడితే అవి న్యాయస్థానాల్లో నిలబడవు. అందుకే ఆ విఫల ప్రయత్నం నుంచి సఫల ప్రయత్నంలోకి మారాలంటే హిందూ దేవుళ్ళపై, దేవతలపై ఆయన చేసిన వ్యాఖ్యలను ఆసరాగా తీసుకొని ఫిర్యాదులు చేస్తే మంచి ఫలితం ఉంటుంది.
