KK Survey: కేకే సర్వే అధినేత కిరణ్ 2024 లో ఏపీలో జరిగిన అసెంబ్లీ ఎన్నికలకు సంబంధించి అక్యురేట్ ఫలితాలను వెల్లడించారు. తద్వారా ఆయన ఒక్కసారిగా వార్తల్లో వ్యక్తిగా నిలిచారు. ఆ తర్వాత ఆయన సర్వేల కిరణ్ గా మారిపోయారు. 2024 ఎన్నికల్లో ఏపీ రాష్ట్రంలో మినహా.. దేశంలో మిగతా ప్రాంతాలలో జరిగిన ఎన్నికల విషయంలో ఆయన చేసిన సర్వేలు వాస్తవానికి దూరంగా నిలిచాయి. దీంతో అప్పటినుంచి ఆయన చెబుతున్న ఫలితాల మీద జనాలకు అంతగా ఆసక్తి లేకుండా పోయింది.
2024 ఎన్నికల్లో ఏపీలో తన జోస్యం ఫలించిన తర్వాత సర్వేల ద్వారా కిరణ్ దేశంలో జరిగిన ఎన్నికలపై తనదైన విశ్లేషణ చేసేవారు. చిత్రచిత్రమైన నెంబర్లు ఇచ్చేవారు. సోషల్ మీడియాలో హంగామా సృష్టించేవారు. అయితే ఏదైనా సరే దీపం ఉండగానే ఇల్లు వెలుగుతుంది. దీపం ఆగిపోతే ఇల్లు చీకటిగా మారుతుంది. తన సర్వే ఫలితాలు వరుసగా ఎదురు తంతును నేపథ్యంలో కొండేటి కిరణ్ అలియాస్ కిరణ్ కీలక నిర్ణయం తీసుకున్నారు.
సోషల్ మీడియాలో ఓట్ల శాతం
.. సీత లెక్కలు అంటూ కిరణ్ తెర వెనుక గాలి మేడలు కట్టేవారు. అయితే ఇప్పుడు రాజకీయాల్లోకి వస్తున్నారు. అయితే ఈయన ఏ రాజకీయ పార్టీలో చేరడం లేదు. కులాలకు.. మతాలకు అతీతంగా ఉండే రాజకీయ సంస్థను ఏర్పాటు చేస్తున్నట్లు ఆయన ప్రకటించారు. దీనికి ఆయన ఏకం అనే పేరు పెట్టారు. స్థానిక సంస్థల నుంచి మొదలుపెడితే సార్వత్రిక ఎన్నికల వరకు అభ్యర్థులను పోటీలో దించుతామని ప్రకటించారు..
గతంలో కిరణ్ 2024 ఎన్నికల ఫలితాన్ని అంచనా వేసి ఒక్కసారిగా సెలబ్రిటీ అయిపోయారు. ఆ తర్వాత తాను గుర్తింపును క్యాష్ చేసుకోవడానికి సోషల్ మీడియాలో.. పొలిటికల్ విభాగాలలో అనేక రకాలుగా ప్రయత్నాలు చేశారు.. సర్వే పేరుతో ఆయన చెప్పిన అనేక విషయాలు తలకిందులు అయిపోయాయి. చివరికి మొన్నటికి మొన్న జరిగిన జూబ్లీహిల్స్ ఉప ఎన్నికల్లో కూడా ఈయన చెప్పిన లెక్కలు మరో ఆరా మస్తాన్ ను తలపించాయి. ఇక ఆయన విశ్వసనీయత గురించి రకరకాల ప్రశ్నలు వస్తున్న నేపథ్యంలో.. ప్రజలు పట్టించుకునే పరిస్థితిలో లేరని కిరణ్ భావించారు. అందువల్ల నేరుగా ఆయన పార్టీ లేదా రాజకీయ వేదికను తీసుకొస్తున్నట్లు ప్రకటించారు.
ఆంధ్రప్రదేశ్ రాష్ట్రంలో స్థానిక సంస్థల ఎన్నికలు అంటే మామూలు విషయం కాదు. గ్రూపు తగాదాలు ఉంటాయి. భారీగా ఆర్థిక వనరులు కష్టపడాల్సి ఉంటుంది. బలమైన కేడర్ అవసరం. అలాంటి చోట ఏకం అనే వేదికను సృష్టించడం ఒకరకంగా మంచిదే అయినప్పటికీ.. ఈ పేరుతో గ్రామాలలో అభ్యర్థులను నిలపడం సాధ్యమేనా.. కిరణ్ మాట నమ్మి ఎంతమంది వస్తారు.. గ్రామాలలో సర్వేలు పనిచేయవు. అలాంటప్పుడు పార్టీ యంత్రాంగాన్ని నడపడం.. ఎన్నికల ఖర్చులు భరించడం అంత ఈజీ కాదు.. సర్వేల సోది నుంచి ఏకం అనే వ్యవస్థను కిరణ్ మొదలు పెట్టినప్పటికీ.. ఇప్పటికే క్రెడిబిలిటీ కోల్పోయిన నేపథ్యంలో ఏకం అనే వ్యవస్థ ఏ స్థాయిలో నిలబడుతుంది అనేది ఒక రకంగా మిలియన్ డాలర్ల క్వశ్చన్.
