AP DSC 2025 Merit List: ఆంధ్రప్రదేశ్ డిస్ట్రిక్ట్ సెలక్షన్ కమిటీ (డీఎస్సీ) ఫలితాలు ఇటీవల విడుదలయ్యాయి. తాజాగా సెలెక్టెడ్ లిస్ట్ను ప్రభుత్వం ప్రకటించింది. ఇందులో అభ్యర్థులలో కొందరు అసాధారణ ప్రతిభ కనబర్చారు. ఒక్కో అభ్యర్థి ఒకటి, రెండు కాకుండా ఏకంగా నాలుగైదు పోస్టులకు ఎంపికయ్యారు.
Also Read: ఈ కానిస్టేబుల్ నిత్య పెళ్లికొడుకు.. చివరకు 13 ఏళ్ల బాలికను కూడా వదలలేదు!
ఐదు పోస్టులు కొట్టిన మెహతాజ్..
కడప జిల్లా పోరుమామిళ్లకు చెందిన మెహతాజ్ ఈ డీఎస్సీలో అసాధారణ ప్రదర్శన కనబరిచారు. ఆమె సెకండరీ గ్రేడ్ టీచర్ (ఎస్జీటీ), స్కూల్ అసిస్టెంట్ (ఎస్ఏ) తెలుగు, సోషల్, ట్రైన్డ్ గ్రాడ్యుయేట్ టీచర్ (టీజీటీ) తెలుగు, సోషల్ విభాగాల్లో మొత్తం ఐదు పోస్టులకు ఎంపికయ్యారు. ఈ విజయం ఆమె బహుముఖ ప్రతిభ, అంకితభావాన్ని స్పష్టం చేస్తుంది. ఒకే అభ్యర్థి ఐదు విభాగాల్లో అర్హత సాధించడం డీఎస్సీ చరిత్రలోనే అరుదైన సంఘటన.
సోదరి కూడా సక్సెస్..
మెహతాజ్ సోదరి రేష్మ కూడా తక్కువేమీ కాదు. ఆమె నాలుగు స్కూల్ అసిస్టెంట్ పోస్టులకు ఎంపికై, తమ కుటుంబం విద్యారంగంలో అసాధారణ సామర్థ్యాన్ని ప్రదర్శించింది. ఒకే కుటుంబం నుంచి ఇద్దరు సోదరీమణులు ఇంత ఉన్నత స్థాయిలో విజయం సాధించడం విద్యార్థులకు స్ఫూర్తిదాయకం.
ఇతర జిల్లాల్లోనూ ప్రతిభ..
కడపతోపాటు ఉమ్మడి చిత్తూరు, పశ్చిమ గోదావరి, ప్రకాశం జిల్లాల నుంచి కూడా అభ్యర్థులు బహుళ పోస్టులకు అర్హత సాధించారు. చిత్తూరు జిల్లాకు చెందిన మోహన్, పశ్చిమ గోదావరి జిల్లాకు చెందిన వెంకటకృష్ణ, ప్రకాశం జిల్లా కనిగిరికి చెందిన హర్షిత నాలుగు విభాగాల్లో అర్హత సాధించారు. ఈ అభ్యర్థులు వివిధ సబ్జెక్టులలో, విభాగాల్లో తమ సామర్థ్యాన్ని నిరూపించుకున్నారు. ఈ అభ్యర్థుల విజయం వెనుక సమర్థవంతమైన సన్నద్ధత, కఠినమైన అధ్యయనం ఉన్నాయి. బహుళ సబ్జెక్టులలో పరీక్షలకు సిద్ధపడేందుకు సమయ నిర్వహణ, అంకితభావం అవసరం.
