World’s biggest house : ‘అంబానీ’ అందలానికే మనం ఆశ్చర్యపోయాం. కానీ అంబానీని మించిన సౌకర్యాలతో ఒకాయన ఇంటిని నిర్మించుకున్నారు. ఇప్పట్లో కట్టింది కాదు. అప్పుడెప్పుడో కట్టింది. అంబానీ ఇంటినే తలదన్నే ఇల్లు ఇది. ప్రపంచంలోనే ఇది అతిపెద్ద ఇల్లు. ఈ ఇల్లు ఎక్కడుంది? ఎవరు నిర్మించారు? దీని ప్రత్యేకత ఏంటన్నది తెలుసుకుందాం.
భారతీయ బిలియనీర్ ముఖేష్ అంబానీ, అతని కుటుంబం నివసిస్తున్న ఇల్లు ‘యాంటిలియా’ ఇప్పటివరకూ అతిపెద్దది ఖరీదైనది అని మనం అనుకుంటుంటాం. మొత్తం ప్రపంచంలోనే అత్యంత ఖరీదైన గృహాలలో ఒకటిగా ఇది ప్రసిద్ధి చెందింది. అంబానీ కుటుంబానికి చెందిన యాంటిలియా విలాసవంతమైన కోటగా మొదటి ర్యాంక్ను దేశంలో కలిగి ఉంది. ప్రపంచంలోనే అతిపెద్ద ఇల్లు బ్రూనై సుల్తాన్ కు ఉంది. దీనిని ‘ఇస్తానా నూరుల్ ఇమాన్ అని పిలుస్తారు.
‘ఇస్తానా నూరుల్ ఇమాన్ ప్యాలెస్’ బ్రూనై సుల్తాన్ హస్సనల్ బోల్కియా యొక్క అధికారిక నివాసంగా ఉంది. అతను బ్రూనై ప్రధాన మంత్రి కూడా. బోల్కియా దేశానికి సుల్తాన్గా పట్టాభిషేకం చేసినప్పటి నుండి చాలా దశాబ్దాలుగా ఈ ప్రపంచంలోనే అతిపెద్ద ఇంట్లో నివసిస్తున్నారు.
‘ఇస్తానా నూరుల్ ఇమాన్’ ప్యాలెస్ ఎంతో విశాలమైన క్యాంపస్. చదరపు విస్తీర్ణం పరంగా ప్రపంచంలోనే అతిపెద్ద ఇల్లుగా పరిగణించబడుతుంది, ఇది ముఖేష్ అంబానీ యొక్క యాంటిలియా , భారతదేశంలోని అతిపెద్ద ఇల్లు అయిన లక్ష్మీ విలాస్ ప్యాలెస్ కంటే కూడా పెద్దది కావడం విశేషం.
ముఖేష్ అంబానీ యాంటిలియా దాదాపు 4 లక్షల చదరపు అడుగుల విస్తీర్ణంలో ఉండగా, గుజరాత్లోని లక్ష్మీ విలాస్ ప్యాలెస్ 8 లక్షల చదరపు అడుగుల చదరపు అడుగుల విస్తీర్ణంలో ఉంది. అయితే బ్రూనై సుల్తాన్ ప్యాలెస్ అయిన ‘ఇస్తానా నూరుల్ ఇమాన్’ దాదాపు 2.2 మిలియన్ చదరపు అడుగుల విస్తీర్ణంలో ఉండడం విశేషం. అందుకే ఇది ప్రపంచంలోనే అతిపెద్ద ఇల్లుగా పరిగణించబడుతోంది.
ఇస్తానా నూరుల్ ఇమాన్ అర్థం ఏంటంటే కాంతి , విశ్వాసం యొక్క ప్యాలెస్.ఈ ప్యాలెస్ లో భారీగా పచ్చిక, బంగారు గోపురాలు , భారీ గాజు తలుపులు ఉన్నాయి. ప్రపంచంలోనే పెద్ద భవనాలైన బకింగ్హామ్ ప్యాలెస్, లౌవ్రే , ఫర్బిడెన్ సిటీలను మించి బ్రూనై ప్యాలెస్ ప్రపంచంలోనే అతిపెద్ద ప్యాలెస్గా గిన్నిస్ బుక్ ఆఫ్ వరల్డ్ రికార్డ్స్లో కూడా చోటు దక్కించుకుంది.
బ్రూనై సుల్తాన్ కు చెందిన 1960 నుండి ఈ ప్యాలెస్లో నివసిస్తున్నాడు. 7000 లగ్జరీ కార్లను ఈ సుల్తాన్ ఇందులోనే కలిగి ఉన్నాడు. ఈ కార్ల విలువ 5 బిలియన్ డాలర్లు. ఇది భారత కరెన్సీలో రూ.41,600 కోట్లు కావడం గమనార్హం.
ఈ ప్యాలెస్ విలువ సుమారు రూ. 11,600 కోట్లు కాగా, బ్రూనై సుల్తాన్ మొత్తం నికర విలువ రూ. 2.49 లక్షల కోట్లు అని సమాచారం.
