Pakistan: భారత సైన్యం లాహోర్, కరాచీ, రావల్పిండి తదితర ప్రాంతాలపై నిర్వహించిన డ్రోన్ దాడులను అడ్డుకోవడంలో పాకిస్థాన్ విఫలమైందని ఆ దేశ రక్షణ మంత్రి ఖవాజా ఆసిఫ్ అంగీకరించారు. ఆపరేషన్ సిందూర్లో భాగంగా భారత్ 25 డ్రోన్లను పంపగా, పాక్ ఎయిర్ డిఫెన్స్ వ్యవస్థ పూర్తిగా కుప్పకూలిందని ఆయన పార్లమెంట్లో వెల్లడించారు. “మా రక్షణ వ్యవస్థను భారత్ తీవ్రంగా దెబ్బతీసింది. గోప్యత కారణంగా మరిన్ని వివరాలు చెప్పలేను,” అని ఆసిఫ్ స్పష్టం చేశారు. ఈ వైఫల్యం పాక్ సైనిక సామర్థ్యంపై తీవ్ర ప్రశ్నలను లేవనెత్తింది, ముఖ్యంగా లాహోర్లోని ఎయిర్ డిఫెన్స్ సిస్టమ్ నిష్క్రియం కావడం ఆందోళన కలిగించింది.
Also Read: పాక్ కు మరో బ్లాక్ డే.. వణికిపోతున్న ప్రజలు
ప్రధానిపై విమర్శలు
పాకిస్థాన్ ప్రధానమంత్రి షహబాజ్ షరీఫ్, సైనిక నాయకత్వంపై అంతర్గత విమర్శలు తీవ్రమయ్యాయి. ప్రతిపక్ష పీటీఐ ఎంపీలు ప్రభుత్వాన్ని “చేతగానిది” అంటూ ధ్వజమెత్తారు. ఒక ఎంపీ షహబాజ్ను “పిరికిపంద” అని విమర్శిస్తూ, యుద్ధాన్ని ఎదుర్కోలేక బంకర్లో దాక్కున్నారని ఆరోపించిన వీడియో వైరల్గా మారింది. సీనియర్ ఎంపీ, రిటైర్డ్ మేజర్ తాహిర్ ఇక్బాల్ పార్లమెంట్లో కన్నీళ్లతో మాట్లాడిన వీడియో కూడా దేశంలోని నిరాశను ప్రతిబింబిస్తోంది. ఈ విమర్శలు పాక్ నాయకత్వంపై ప్రజల నమ్మకం క్షీణించినట్లు సూచిస్తున్నాయి.
అంతర్గత ఒత్తిళ్లు..
భారత సైన్యం దాడులతో పాకిస్థాన్ తీవ్ర ఒత్తిడిని ఎదుర్కొంటోంది. ఆపరేషన్ సిందూర్ కింద భారత్ పాక్లోని తొమ్మిది ఉగ్ర స్థావరాలను ధ్వంసం చేసింది, ఇందులో ఇస్లామాబాద్ సమీపంలో షహబాజ్ నివాసం దగ్గర కూడా దాడులు జరిగాయని వార్తలు వెల్లడించాయి. దీంతో షహబాజ్ సురక్షిత స్థానానికి తరలిపోయినట్లు సమాచారం. ఇదే సమయంలో, బలూచిస్థాన్ లిబరేషన్ ఆర్మీ (BLA), తెహ్రీక్-ఇ-తాలిబన్ దాడులు పాక్ సైన్యాన్ని కుదేలు చేస్తున్నాయి. ఇటీవలి తాలిబన్ దాడిలో 20 మంది పాక్ సైనికులు మరణించారు, ఇది దేశ భద్రతా వైఫల్యాన్ని మరింత బహిర్గతం చేసింది.
అంతర్జాతీయ ఒత్తిడి..
పాకిస్థాన్ రక్షణ వైఫల్యాలు అంతర్జాతీయ దృష్టిని ఆకర్షిస్తున్నాయి. అమెరికా, రష్యా, చైనా వంటి దేశాలు ఈ అణు శక్తి సంక్షోభ ప్రాంతంలో శాంతిని కోరుతున్నాయి. అమెరికా లాహోర్ కాన్సులేట్ తమ సిబ్బందిని షెల్టర్లో ఉండమని ఆదేశించింది. అంతర్గతంగా, పాక్ ప్రజలు, ఎంపీలు భారత దాడులు, బీఎల్ఎ, తాలిబన్ దాడులతో భయాందోళనలో ఉన్నారు. రావల్పిండిలోని క్రికెట్ స్టేడియం దెబ్బతినడం, విమానాశ్రయాల మూసివేత వంటివి దేశంలో గందరగోళాన్ని సూచిస్తున్నాయి.
భారత డ్రోన్ దాడులు, బీఎల్ఎ, తాలిబన్ దాడులతో పాకిస్థాన్ అన్ని వైపుల నుంచి ఒత్తిడిని ఎదుర్కొంటోంది. రక్షణ మంత్రి ఖవాజా ఆసిఫ్ ఎయిర్ డిఫెన్స్ వై6423 ఫల్యాన్ని అంగీకరించడం, పార్లమెంట్లో షహబాజ్పై విమర్శలు దేశంలోని అస్థిరతను బహిర్గతం చేస్తున్నాయి. ఈ సంక్షోభం పాక్ నాయకత్వం ఎలా స్పందిస్తుందనే దానిపై ఆసక్తి నెలకొంది.
“We didn’t intercept Indian drones as it would have given away our defence positions”
This isn’t parody, this is scene from Pakistani parliament
Pakistani parliament is funnier than parody pic.twitter.com/7zWbzXzyKA
— BALA (@erbmjha) May 9, 2025
