Dostani with Trump: టెస్లా, స్పేస్ఎక్స్ సీఈవో, ప్రపంచ టెక్ దిగ్గజం ఎలాన్ మస్క్ సంపదలో 25 శాతం, అంటే సుమారు 113 బిలియన్ డాలర్లు (రూ.9 లక్షల కోట్లు) క్షీణించినట్లు బ్లూమ్బర్గ్ నివేదిక వెల్లడించింది. అమెరికా అధ్యక్షుడు డొనాల్డ్ ట్రంప్తో సన్నిహిత సంబంధాలు, ఆ తర్వాత ఉద్రిక్తతల నేపథ్యంలో ఈ ఆర్థిక నష్టం జరిగినట్లు తెలుస్తోంది. ఈ నివేదికపై ఎలాన్ మస్క్ ‘వర్త్ ఇట్’ అంటూ స్పందించడం చర్చనీయాంశమైంది.
అమెరికా అధ్యక్ష ఎన్నికల సమయంలో డొనాల్డ్ ట్రంప్కు బలమైన మద్దతుదారుగా నిలిచిన ఎలాన్ మస్క్, ట్రంప్ విజయంలో కీలక పాత్ర పోషించారు. ట్రంప్ ప్రభుత్వం ఏర్పడిన అనంతరం, ఫెడరల్ వ్యయాలను క్రమబద్ధీకరించే లక్ష్యంతో ఏర్పాటైన డిపార్ట్మెంట్ ఆఫ్ గవర్నమెంట్ ఎఫిషియెన్సీ (DOGE)కి సలహాదారుగా నియమితులయ్యారు. వ్యయ తగ్గింపు చర్యలను దూకుడుగా అమలు చేయడంలో మస్క్ కీలకంగా వ్యవహరించారు.
Read Also: ఏకకాలంలో అటు అమెరికాను ఇటు పాకిస్తాన్ని దెబ్బ కొట్టిన మోడీ చతురత
మస్క్–ట్రంప్ మధ్య ఉద్రిక్తతలు
ఇటీవల ట్రంప్ ప్రతిపాదించిన ’వన్ బిగ్ బ్యూటిఫుల్ బిల్’ను మస్క్ తీవ్రంగా విమర్శించడం, దానికి సంబంధించిన అభిశంసన చర్యలను సూచించడంతో ఇరువురి మధ్య ఉద్రిక్తతలు తలెత్తాయి. దీనికి ప్రతిస్పందనగా, మస్క్ సంస్థలతో ప్రభుత్వ ఒప్పందాలను రద్దు చేస్తామని ట్రంప్ హెచ్చరించారు. అంతేకాక, వ్యక్తిగత చర్చల్లో మస్క్ను ’మాదకద్రవ్యాలకు బానిస’ అని ట్రంప్ వ్యాఖ్యానించినట్లు వార్తలు వచ్చాయి. ఇంకా, మస్క్ సిఫారసు చేసిన నాసా చీఫ్ జారెడ్ ఐజాక్మన్ నామినేషన్ను ట్రంప్ ఉపసంహరించుకోవడం వారి సంబంధాలపై మరింత ఒత్తిడిని చూపింది.
సంపద క్షీణతపై మస్క్ స్పందన
బ్లూమ్బర్గ్ నివేదిక ప్రకారం, ట్రంప్ ప్రభుత్వంలో సలహాదారుగా పనిచేసిన కాలంలో మస్క్ సంపదలో గణనీయమైన నష్టం జరిగింది. ఈ విషయాన్ని జేడీ వాన్స్ న్యూస్ (@JDVanceNewsX) అనే ఎక్స్ యూజర్ షేర్ చేయగా, మస్క్ ’వర్త్ ఇట్’ అని కామెంట్ చేశారు. ఈ స్పందన ఆయన నిబద్ధతను, రాజకీయ ఒత్తిళ్లను లెక్కచేయకుండా తన సూత్రాలకు కట్టుబడి ఉండే వైఖరిని సూచిస్తోంది.
రాజకీయ కల్లోలంలో ఈౖఎఉ
మస్క్ నేతత్వంలోని ఈౖఎఉ చొరవ ఫెడరల్ వ్యయాలను తగ్గించడంలో ప్రారంభంలో ప్రశంసలు అందుకున్నప్పటికీ, ట్రంప్తో ఉద్రిక్తతల కారణంగా రాజకీయ వివాదంలో చిక్కుకుంది. మస్క్ బహిరంగ విమర్శలు, ట్రంప్ తిరిగి ఇచ్చిన హెచ్చరికలు ఈ చొరవ భవిష్యత్తుపై ప్రశ్నలను లేవనెత్తాయి.
ఎలాన్ మస్క్ సంపదలో భారీ క్షీణత, ట్రంప్తో తలెత్తిన ఉద్రిక్తతలు రాజకీయ, ఆర్థిక వర్గాల్లో చర్చనీయాంశమయ్యాయి. అయినప్పటికీ, ’వర్త్ ఇట్’ అన్న మస్క్ వ్యాఖ్య ఆయన తన నిర్ణయాలపై ఉన్న నమ్మకాన్ని, స్థిరత్వాన్ని ప్రతిబింబిస్తోంది.
