RRR Oscar Dream: ఆస్కార్… ప్రతి సినిమా ప్రముఖుడి కల. అంతర్జాతీయ సినిమా వేదికపై ఆస్కార్ ని ముద్దాడడం అరుదైన గౌరవం. ఆ కలను రాజమౌళి సాకారం చేశారు. ఆర్ ఆర్ ఆర్ మూవీలోని నాటు నాటు సాంగ్ కి సంగీతం అందించిన కీరవాణి, సాహిత్యం సమకూర్చిన చంద్రబోస్ ఆస్కార్ అవార్డు అందుకున్నారు. ఒరిజినల్ సాంగ్ విభాగంలో దిగ్గజ చిత్రాలను వెనక్కు నెట్టి ఆర్ ఆర్ ఆర్ ఆస్కార్ సొంతం చేసుకుంది. ఒక భారతీయ సినిమాకు ఆస్కార్ అనేది ఎన్నటికీ చేరుకోలేని లక్ష్యంగా ఉండేది. మరి అది మన చెంతకు చేరేందుకు పెద్ద తతంగమే జరిగింది.
ఆర్ ఆర్ ఆర్ చిత్రానికి భారత దేశం నుండి అధికారిక ఆస్కార్ ఎంట్రీ దక్కలేదు. దీంతో జనెరల్ కేటగిరీలో ఆస్కార్ కి అప్లై చేశారు. లాస్ ఏంజెల్స్ లో ఇంగ్లీష్ సబ్ టైటిల్ తో రెండు వారాలకు పైగా థియేటర్స్ లో ప్రదర్శించిన బడిన ఏ చిత్రమైనా ఆస్కార్ నామినేషన్స్ కి అప్లై చేసుకోవచ్చు. ఆ విధంగా 15 కేటగిరీలో ఆర్ ఆర్ ఆర్ మేకర్స్ ఆస్కార్ కి అప్లై చేసుకున్నారు. వాటి నుండి ఒక్క ఒరిజినల్ సాంగ్ విభాగానికి నామినేషన్ దక్కింది.
ఆర్ ఆర్ ఆర్ గోల్డెన్ గ్లోబ్ అవార్డు అందుకోవడంతో ఆశలు బలపడ్డాయి. మనకు ఆస్కార్ తెచ్చే సత్తా నాటు నాటు సాంగ్ కి ఉందన్న విశ్వాసం పెరిగింది. అనుకున్నట్లే నాటు నాటు ఆస్కార్ గెలుచుకుని ప్రతి భారతీయుడు గర్వపడేలా చేసింది. ఆర్ ఆర్ ఆర్ చిత్రాన్ని ఆస్కార్ వరకు తీసుకెళ్లేందుకు రాజమౌళి కృషి అద్భుతం. ఇండియన్ సినిమాలకు ప్రపంచవ్యాప్తంగా గుర్తింపు లేదు. ఈ క్రమంలో అమెరికాలో దీన్ని పెద్ద ఎత్తున ప్రమోట్ చేయాల్సి వచ్చింది.
పలు అంతర్జాతీయ సినిమా వేదికలపై ప్రదర్శించారు. ఆ విధంగా హాలీవుడ్ ప్రముఖులు, ఆస్కార్ మెంబర్స్ దృష్టిలో పడేలా చేశారు. ఈ క్రమంలో ఆర్ ఆర్ ఆర్ కొన్ని అరుదైన అవార్డ్స్ సొంతం చేసుకుంది. ఆర్ ఆర్ ఆర్ కి ఆస్కార్ అనగానే రాజమౌళి, ఎన్టీఆర్, రామ్ చరణ్, కీరవాణి పేర్లు వినిపిస్తున్నాయి.
అయితే వీరందరికి కంటే ముందు ప్రేమ్ రక్షిత్ గురించి మాట్లాడుకోవాలి. తెర వెనుక హీరో మాత్రం ఆయనే. నాటు నాటు సాంగ్ కి మైమరిపించే స్టెప్స్ క్రియేట్ చేసి ఆ పాటకు ఎనలేని ప్రాచుర్యం కల్పించారు. ఆయన డిజైన్ చేసిన యూనిక్ స్టెప్స్ కి ఎన్టీఆర్, రామ్ చరణ్ అద్భుతమైన పర్ఫార్మన్స్ ఇచ్చారు. ఆర్ ఆర్ ఆర్ కి ఆస్కార్ వచ్చిందంటే.. అందులో ప్రేమ్ రక్షిత్ కొరియోగ్రఫీ పాత్ర ఎంతగానో ఉంది.
#RRRMovie composer M. M. Keeravani accepts the original song #Oscar for “Naatu Naatu” and graces the audience with a tune of his own. https://t.co/hxuR41IpLt pic.twitter.com/t4pbTwAE1M
— Los Angeles Times (@latimes) March 13, 2023
