Monique Jeremiah: అద్దెకు తీసుకోవడం అంటే సాధారణంగా ఇల్లు, వాహనం వంటివి గుర్తుకు వస్తాయి. కానీ, మంచంలో సగం స్థలాన్ని అద్దెకు ఇవ్వడం గురించి ఎప్పుడైనా విన్నారా? ఈ వినూత్న ఆలోచనతో ఆస్ట్రేలియాకు చెందిన ఓ మహిళ నెలకు రూ.54 వేలు సంపాదిస్తోంది. ‘హాట్ బెడ్డింగ్‘ అనే కొత్త ట్రెండ్ ద్వారా ఆమె ఈ ఆర్థిక విజయాన్ని సాధిస్తోంది.
ఉపాయం ఉన్నోడు ఉపాసం ఉండడు అంటారు పెద్దలు. ఈ సామెతకు అచ్చంగా సరిపోతోంది ఈ ఆస్ట్రేలియా మహిళ. హాట్ బెడ్డింగ్ పేరుతో తన పక్కను షేర్ చేసుకుంటోంది. హఆట్ బెడ్డింగ్ అంటే.. ఒకే మంచంలో సగం స్థలాన్ని ఇతరులతో పంచుకునే వినూత్న ఆర్థిక వ్యూహం. ఈ పద్ధతిలో, ఒక వ్యక్తి తన మంచంలో సగం స్థలాన్ని అద్దెకు ఇస్తాడు, దీని ద్వారా అదనపు ఆదాయాన్ని పొందుతాడు. ఈ ట్రెండ్ను ప్రారంభించిన 38 ఏళ్ల మోనిక్ జెరెమియా, ఆస్ట్రేలియాలోని క్వీన్స్లాండ్కు చెందిన మహిళ, తన మంచం సగం స్థలాన్ని నెలకు 985 ఆస్ట్రేలియన్ డాలర్లు (సుమారు రూ.54,000)కు అద్దెకు ఇస్తోంది. ఈ వ్యవహారంలో ఎటువంటి భావోద్వేగ లేదా శారీరక సంబంధాలు ఉండవని, కేవలం మానసిక సాంగత్యం ఆధారంగా ఇద్దరు వ్యక్తులు ఒకే మంచంపై నిద్రించవచ్చని ఆమె నమ్ముతుంది.
Also Read: రేషన్ అమ్ముకుంటున్నారా? ఇక మీకు రేషన్ కార్డ్ కట్!
హాట్ బెడ్డింగ్ ఆలోచన ఎలా పుట్టింది?
మోనిక్ జెరెమియా ఈ ఆలోచన 2020లో కరోనా మహమ్మారి సమయంలో పొందింది. ఆ సమయంలో ఆమె ఉద్యోగం కోల్పోయి, ఒంటరిగా జీవనం సాగిస్తూ ఆర్థిక ఇబ్బందులను ఎదుర్కొంది. ఆమె మొదటి క్లయింట్ తనకు సుపరిచితుడు కావడంతో, ఈ ప్రయోగం సులభంగా ప్రారంభమైంది. ఈ విధానం రూమ్ షేరింగ్తో సమానమని, స్పష్టమైన నియమాలు, పరస్పర గౌరవం ఉంటే ఎలాంటి సమస్యలు రావని ఆమె చెబుతోంది. ఈ ఆలోచన ఆమెకు కష్ట సమయంలో ఆర్థిక స్థిరత్వాన్ని అందించడమే కాక, ఒక స్మార్ట్ ఆదాయ మార్గంగా మారింది.
హాట్ బెడ్డింగ్ నియమాలు, ప్రయోజనాలు
హాట్ బెడ్డింగ్ విజయవంతం కావాలంటే, స్పష్టమైన నియమాలు, ఒప్పందాలు కీలకం. కొన్ని ముఖ్య నియమాలు.
పరస్పర గౌరవం: ఇరు పక్షాలు ఒకరి గోప్యతను గౌరవించాలి.
శారీరక సంబంధాలు నిషేధం: ఈ వ్యవహారం కేవలం స్థలం భాగస్వామ్యం కోసం మాత్రమే.
స్పష్టమైన ఒప్పందం: అద్దె ధర, సమయం, ఇతర షరతులు ముందుగానే నిర్ణయించబడతాయి.
ప్రయోజనాలు:
ఆర్థిక లాభం: మోనిక్ నెలకు రూ.54 వేలు సంపాదిస్తూ, ఆర్థిక స్వాతంత్య్రాన్ని పొందుతోంది.
సామాజిక సాంగత్యం: ఒంటరితనం తగ్గడంతో మానసిక ఆరోగ్యానికి మేలు.
సౌలభ్యం: ఇంట్లో ఉన్న స్థలాన్ని ఉపయోగించడం ద్వారా అదనపు ఖర్చులు లేకుండా ఆదాయం.
సవాళ్లు, విమర్శలు
హాట్ బెడ్డింగ్ అనేది వివాదాస్పద ఆలోచన కూడా. కొన్ని సవాళ్లు..
గోప్యత ఆందోళనలు: అపరిచిత వ్యక్తితో మంచం పంచుకోవడం అందరికీ సౌకర్యంగా అనిపించకపోవచ్చు.
సురక్షిత ఆందోళనలు: క్లయింట్ నేపథ్య పరిశీలన అవసరం.
సామాజిక విమర్శలు: ఈ పద్ధతిని కొందరు నైతికంగా సరికాదని భావిస్తారు.
మోనిక్ ఈ సవాళ్లను ఎదుర్కొనేందుకు క్లయింట్లను జాగ్రత్తగా ఎంపిక చేస్తుంది మరియు స్పష్టమైన ఒప్పందాలను ఏర్పరుస్తుంది. ఆమె ఈ పద్ధతిని సాపియోసెక్సువల్ వ్యక్తులకు (మానసిక సాంగత్యాన్ని ఇష్టపడేవారు) మరింత అనుకూలమైనదిగా భావిస్తుంది.
గ్లోబల్ ట్రెండ్గా హాట్ బెడ్డింగ్
హాట్ బెడ్డింగ్ ఆస్ట్రేలియాలో మొదలైనప్పటికీ, ఇది ఇతర దేశాల్లో కూడా ఆసక్తిని రేకెత్తిస్తోంది. ఆర్థిక ఇబ్బందులు, గృహ సంక్షోభం, ఒంటరితనం వంటి సమస్యలు పెరుగుతున్న నగరాల్లో ఈ ట్రెండ్ ప్రజాదరణ పొందే అవకాశం ఉంది. ఉదాహరణకు, యూరప్, అమెరికా వంటి ప్రాంతాల్లో రూమ్ షేరింగ్, కో–లివింగ్ వంటి భావనలు ఇప్పటికే సాధారణం. హాట్ బెడ్డింగ్ ఈ ధోరణికి ఒక అడుగు ముందుకు వేసినట్లు కనిపిస్తోంది.
భారతదేశంలో హాట్ బెడ్డింగ్ సాధ్యమేనా?
భారతదేశంలో హాట్ బెడ్డింగ్ ఆలోచన సాంస్కృతిక, సామాజిక కారణాల వల్ల సవాలుగా ఉండవచ్చు. గోప్యత, సురక్షితం, సాంప్రదాయ విలువలు ఈ ట్రెండ్ను స్వీకరించడంలో అడ్డంకులుగా ఉండవచ్చు. అయితే, మెట్రో నగరాల్లో యువత మధ్య షేరింగ్ ఎకానమీ పెరుగుతున్న నేపథ్యంలో, భవిష్యత్తులో ఇటువంటి వినూత్న ఆలోచనలు పరిమిత స్థాయిలో ఆదరణ పొందే అవకాశం లేకపోలేదు.
Also Read: అమరావతి విషయంలో చంద్రబాబును భయపెడుతున్న ఆంధ్రజ్యోతి ఆర్కే!
