Ariana Vieira Passed Away: మిస్ వెనిజులా అరియానా వైరా.. మరణానంతరం తన అంత్యక్రియలు ఏ విధంగా నిర్వహించాలని వివరిస్తూ.. ఇటీవల సరదాగా వీడియో తీసి సోషల్ మీడియాలో పోస్టు చేసింది. ఇది పోస్టు చేసిన రెండు నెలలకే అందాల సుందరికి అంత్యక్రియలు నిర్వహించాల్సి వచ్చింది. వీడియో తీసిన తర్వాత కారు ప్రమాదానికి గురయ్యింది. గాయాల నుంచి కోలుకున్న అనంతరం గుండెపోటుతో మరణించింది.
సోషల్ మీడియాలో యాక్టివ్గా..
మిస్ వెనిజులా అరియానా వైరా(26) సోషల్ మీడియాలో చురుగ్గా ఉండేవారు. ఉదయం నుంచి రాత్రి నిద్రపోయే వరకు తాను చేసే పనులను, ఆలోచనలను, అభిప్రాయాలను పంచుకుంటూ ఉండేది. రెండు నెలల క్రితం సరదాగా తాను చనిపోతే అంత్యక్రియలు ఎలా చేస్తే బాగుంటుందో వివరిస్తూ ఒక వీడియో చేసింది. ‘నేను చనిపోతే నా అంత్యక్రియల కోసం దీన్ని రికార్డ్ చేసుకుంటున్నాను. ఎందుకంటే ఇలాంటివి నా దగ్గర నుంచి ఎవరూ తీసుకోరు’ అంటూ రాసుకొచ్చింది.
జూలై 13న యాక్సిడెంట్..
అరియానా వీడియో పోస్టు చేసిన కొన్ని రోజుల్లోనే ప్రమాదానికి గురయ్యింది. జులై 13న ఓర్లాండ్ ప్రాంతంలో జరిగిన కారు ప్రమాదంలో ఆమె తీవ్రంగా గాయపడింది. కొన్నాళ్లు ఆసుపత్రిలో చికిత్స తీసుకుని కొంత కోలుకుంది. చివరికి గుండెపోటుతో మృతి చెందింది. ప్రస్తుతం ఆమె చేసిన పోస్టు సోషల్ మీడియాలో చర్చనీయాంశంగా మారింది. వైరా చాలా రోజులుగా పనిచేయడం వల్ల అలసిపోయిందని.. అందుకే డ్రైవింగ్ చేస్తుండగా నిద్రలోకి జారుకోవడంతో ప్రమాదం జరిగిందని ఆమె తల్లి వివియన్ ఓచోవా స్థానిక మీడియాకు ఇచ్చిన ఇంటర్వ్యూలో తెలిపారు. డొమినికన్ రిపబ్లిక్లో అక్టోబరులో జరగనున్న ‘‘మిస్ లాటిన్ అమెరికా ఆఫ్ ది వరల్-2023’’ పోటీలో వైరా తన దేశానికి ప్రాతినిధ్యం వహించాల్సి ఉంది.
