Mahesh Babu Foundation: ‘ఊరు మనకు చాలా ఇచ్చింది… తిరిగి ఇచ్చేయాలి, లేదంటే లావైపోతాం’ శ్రీమంతుడు మూవీలో హీరోయిన్ శృతి హాసన్ చెప్పే ఈ డైలాగ్ బాగా ప్రాచుర్యం పొందింది. ఉపకారానికి పరోపకారం చేయడం అవసరమని దానర్థం. ఆ విధంగా వెండితెర సూపర్ స్టార్స్ కూడా ఈ సమాజానికి చాలా రుణపడి ఉన్నారు. వారు అనుభవించే స్టార్డం, నేమ్, ఫేమ్, లగ్జరీలు అన్నీ అభిమానులు ఇచ్చినవే. ఎలాంటి సంబంధం లేకపోయినా నచ్చిన హీరోని కుటుంబ సభ్యుడిగా అభిమానులు ఫీల్ అవుతారు. ఆయన కోసం పోరాడతారు. అంతగా అభిమానించే జనాలకు తిరిగి సహాయం చేయడం హీరోల సామాజిక బాధ్యత.
టాలీవుడ్ స్టార్ హీరోలందరూ ఏదో ఒక రూపంలో సమాజానికి బాసటగా నిలుస్తున్నారు. వారిలో మహేష్ బాబు ముందు వరుసలో ఉంటారు. ఆయన చిన్నపిల్లలకు ప్రాణదానం చేసే బాధ్యత తీసుకున్నారు. ఏళ్లుగా చిన్నారులకు గుండె ఆపరేషన్స్ చేయిస్తున్నారు. ఈ విషయం చాలా కాలం గోప్యంగా ఉండి పోయింది. పబ్లిసిటీ ఇష్టపడని మహేష్ తన ఫౌండేషన్ ద్వారా హార్ట్ సమస్యలతో బాధపడుతున్న చిన్నారులకు వైద్యం చేయిస్తున్నాడు. దీని కోసం ప్రముఖ ఆసుపత్రులతో ఆయన చేయి కలిపారు.
ఇప్పటి వరకు వందల మంది చిన్నారులకు మహేష్ బాబు హార్ట్ ఆపరేషన్స్ చేయించారు. ఈ సేవలు మరింతగా విస్తరించేందుకు మహేష్ అధికారిక వెబ్సైట్ ప్రారంభించారు. న్యూ ఇయర్ సందర్భంగా maheshbabufoundation.org ఏర్పాటు చేశారు. ఈ విషయాన్ని సితార సోషల్ మీడియా వేదికగా వెల్లడించారు. ఇక నాన్న మహేష్ సామాజిక సేవలో తాను కూడా భాగం అవుతానన్న సితార ఈ నెల పాకెట్ మనీ మహేష్ బాబు ఫౌండేషన్ కి డొనేట్ చేస్తున్నట్లు తెలియజేసింది. అలాగే ఆసక్తి ఉన్నవారు తమ వంతు సహాయం చేయవచ్చని వెల్లడించారు.
కాగా మహేష్ ఏపీ, తెలంగాణా రాష్ట్రాల్లో రెండు గ్రామాలను దత్తత తీసుకుని అభివృద్ధి చేశారు. తమ సొంత ఊరు బుర్రిపాలెంతో పాటు తెలంగాణాలోని సిద్దాపురం గ్రామాన్ని మహేష్ దత్తత తీసుకోవడం జరిగింది. తన సంపాదనలో సామాజిక సేవకు కొంత కేటాయించి మహేష్ తన మంచి మనసులు చాటుకుంటున్నారు. మరోవైపు ఆయన ఎస్ఎస్ఎంబి 28 షూట్ కోసం సిద్ధం అవుతున్నారు. త్వరలో దర్శకుడు త్రివిక్రమ్ లాంగ్ షెడ్యూల్ ప్లాన్ చేశారు. పూజా హెగ్డే హీరోయిన్ గా నటిస్తున్న ఈ చిత్రాన్ని సూర్యదేవర నాగ వంశీ నిర్మిస్తున్నారు. థమన్ సంగీతం అందిస్తున్నారు.
In our endeavour to create a world where children survive and thrive, we are happy to be launching our official website this New Year! https://t.co/jY6B4gXMPd
For the children…to the children ❤️#MBFoundation wishes you all a happy new year 2023!@urstrulymahesh pic.twitter.com/MdOhnee1sr
— Mahesh Babu Foundation (@MBfoundationorg) January 1, 2023
