Allu Arjun- Sandeep Reddy Vanga: అల్లు అర్జున్ క్రేజీ ప్రాజెక్ట్ తో ఫ్యాన్స్ ని మెస్మరైజ్ చేశారు. సడన్ గా బాలీవుడ్ బడా నిర్మాణ సంస్థలో మూవీ ప్రకటించారు. టి సిరీస్ అధినేత భూషణ్ కుమార్ అల్లు అర్జున్ తో మూవీ చేస్తున్నట్లు అధికారిక ప్రకటన చేశారు. మరో విశేషం ఏమిటంటే ఈ చిత్ర దర్శకుడు సందీప్ రెడ్డి వంగా కావడం. అర్జున్ రెడ్డి మూవీతో ఒక్కసారిగా వెలుగులోకి వచ్చిన సందీప్ రెడ్డి వంగా బంపర్ ఛాన్స్ కొట్టేశారు. ఏకంగా ఐకాన్ స్టార్ తో ఆఫర్ పట్టేశాడు. ప్రస్తుతం ఆయన రన్బీర్ కపూర్ హీరోగా యానిమల్ చిత్రం చేస్తున్నారు. ఈ చిత్రానికి భూషణ్ కుమార్ నిర్మాతగా ఉన్నారు. వరుసగా సందీప్ రెడ్డికి ఆయన టి సిరీస్ బ్యానర్లో ఆఫర్ ఇచ్చారు.
ఈ సడన్ సర్ప్రైజ్ ఫ్యాన్స్ కి గూస్ బంప్స్ కలిగించింది. సందీప్ రెడ్డి మంచి ట్రాక్ రికార్డు కలిగి ఉన్నారు. అర్జున్ రెడ్డి చిత్రంతో పాటు ఆ చిత్ర హిందీ రీమేక్ కబీర్ సింగ్ తో ఆయన రికార్డ్స్ బద్దలు కొట్టారు. షాహిద్ కపూర్ కెరీర్లో భారీ హిట్ గా కబీర్ సింగ్ నిలిచింది. ఇక ఆయన తెరకెక్కిస్తున్న యానిమల్ మూవీ మీద కూడా భారీ అంచనాలున్నాయి. ఈ క్రమంలో అల్లు అర్జున్ తో మూవీ ప్రకటించడం మొత్తం దేశాన్ని ఆకర్షించింది.
అయితే సందీప్ రెడ్డి వంగా నెక్స్ట్ ప్రభాస్ తో మూవీ చేయనున్నారు. ఆయన స్పిరిట్ టైటిల్ తో ఓ ప్రాజెక్ట్ ప్రకటించడం జరిగింది. మరోవైపు అల్లు అర్జున్ పుష్ప 2 షూటింగ్ పూర్తి చేస్తున్నారు. అనంతరం ఆయన త్రివిక్రమ్ దర్శకత్వంలో ఒక చిత్రం చేస్తారని సమాచారం. ఈ లోపు సందీప్ రెడ్డి వంగా ప్రభాస్ తో స్పిరిట్ కంప్లీట్ చేస్తారు. బహుశా 2025 లో సందీప్ రెడ్డి వంగా-అల్లు అర్జున్ మూవీ సెట్స్ పైకి వెళ్లే సూచనలు కలవు. అల్లు అర్జున్ మూవీలో సందీప్ రెడ్డి వంగా నిర్మాణ భాగస్వామిగా కూడా ఉన్నారు.
ఇక పుష్ప 2 పై అంచనాలు ఉన్నాయి. మొదటి భాగం సక్సెస్ నేపథ్యంలో సీక్వెల్ పెద్ద ఎత్తున తెరకెక్కిస్తున్నారు. బడ్జెట్ రూ. 300 కోట్లకు పైమాటే. వైజాగ్ షెడ్యూల్ పూర్తి చేసుకున్న పుష్ప 2 ప్రస్తుతం హైదరాబాద్ లో షూటింగ్ జరుపుకుంటుంది. లేటెస్ట్ షెడ్యూల్ నందు విలన్ రోల్ చేస్తున్న ఫహాద్ ఫాజిల్ జాయిన్ కానున్నారట. రష్మిక మందాన హీరోయిన్ గా నటిస్తుండగా మైత్రీ మూవీ మేకర్స్ నిర్మిస్తున్నారు. దేవిశ్రీ సంగీతం అందిస్తున్నారు.
Brace yourselves for this massive collaboration between three powerhouses of India – Producer Bhushan Kumar, Director Sandeep Reddy Vanga and superstar Allu Arjun.@alluarjun @imvangasandeep #BhushanKumar #KrishanKumar @VangaPranay @VangaPictures #ShivChanana @NeerajKalyan_24 pic.twitter.com/xis8mWSGhl
— T-Series (@TSeries) March 3, 2023
