KTR: కంచ గచ్చిబౌలి భూముల వివాదం.. కేటీఆర్‌ ఆరోపణలు.. ఐసీఐసీఐ క్లారిటీ!

KTR: హైదరాబాద్‌ సెంట్రల్‌ యూనివర్సిటీ (HCU) సమీపంలోని 400 ఎకరాల కాంచా గచ్చిబౌలి భూమి వివాదం తెలంగాణ రాజకీయాల్లో కొత్త చర్చను రేపింది. ఈ భూమి అటవీ నిర్మూలన ఆరోపణలతో మొదలైన వివాదం, ఇప్పుడు ఆర్థిక కుంభకోణం ఆరోపణలతో మరింత తీవ్రమైంది. బీఆర్‌ఎస్‌ నాయకుడు కేటీ రామారావు (KTR) ఈ విషయంలో ముఖ్యమంత్రి రేవంత్‌ రెడ్డిపై తీవ్ర ఆరోపణలు చేస్తూ ICICI బ్యాంక్‌ను కూడా ఇరికించారు. అయితే, KTR ఆరోపణలకు ICICIబ్యాంక్‌ వెంటనే స్పందించింది. స్పష్టమైన వివరణ ఇచ్చింది.

Also Read: తిరుమల గోశాలలో ఘోరం.. ఖండించిన నారా లోకేష్.. నిజానిజాలివీ

రూ. 10,000 కోట్ల కుంభకోణం?
హైదరాబాద్‌ సెంట్రల్‌ యూనివర్సిటీ సమీపంలోని 400 ఎకరాల భూమి అటవీ భూమిగా ఉందని, దాన్ని రాష్ట్ర ప్రభుత్వం అక్రమంగా తనఖా పెట్టి ICICI బ్యాంక్‌ నుంచి రూ.10 వేల కోట్ల రుణం పొందిందని KTR ఆరోపించారు. ఈ లావాదేవీలో ముఖ్యమంత్రి రేవంత్‌రెడ్డి కీలక పాత్ర పోషించారని, ఇది ఒక ఆర్థిక మోసమని ఆయన పేర్కొన్నారు. ఈ ఆరోపణలను తీవ్రంగా తీసుకున్న ఓఖీఖ, రిజర్వ్‌ బ్యాంక్‌ ఆఫ్‌ ఇండియా (RBI) గవర్నర్‌కు లేఖ రాసి దర్యాప్తు జరపాలని కోరతానని కూడా ప్రకటించారు. ఈ భూమి తెలంగాణ రాష్ట్ర పారిశ్రామిక మౌలిక సదుపాయాల సంస్థ (TSIIC)కి చెందినది కాదని, అయినప్పటికీ దాన్ని తనఖా పెట్టడం ద్వారా అక్రమ లావాదేవీ జరిగిందని ఆయన వాదించారు.

‘‘మేం రుణం ఇవ్వలేదు’’
ఓఖీఖఆరోపణలు చేసిన కొన్ని గంటల్లోనే ICICI బ్యాంక్‌ ఒక అధికారిక ప్రకటన విడుదల చేసింది. ఈ భూమి విషయంలో తాము ఎటువంటి తనఖా రుణం ఇవ్వలేదని, TSIIC తమ వద్ద ఎలాంటి భూమిని తనఖా పెట్టలేదని బ్యాంక్‌ స్పష్టం చేసింది. ‘‘TSIIC బాండ్‌ జారీ నుండి వచ్చిన డబ్బును స్వీకరించడానికి, వడ్డీ సేవలకు సంబంధించి మేము కేవలం ఖాతా బ్యాంక్‌గా వ్యవహరించాము. మేము ఎటువంటి రుణం మంజూరు చేయలేదు,’’ అని ICICI బ్యాంక్‌ తమ ప్రకటనలో పేర్కొంది. ఈ స్పందనతో KTRఆరోపణలు గాలిలో కలిసిపోయాయని రాజకీయ విశ్లేషకులు అంటున్నారు.

రాజకీయ లబ్ధి కోసమేనా?
KTR ఆరోపణలు రాజకీయ లాభం కోసం చేసినవిగా కొందరు భావిస్తున్నారు. గత ఎన్నికల్లో బీఆర్‌ఎస్‌ ఓటమి తర్వాత, కాంగ్రెస్‌ ప్రభుత్వంపై విమర్శలు చేస్తూ పార్టీని బలోపేతం చేసేందుకు KTR ప్రయత్నిస్తున్నారని విశ్లేషకులు అంటున్నారు. అయితే, ICICIబ్యాంక్‌ యొక్క స్పష్టమైన ఖండనతో ఈ ఆరోపణలు బలహీనమయ్యాయి. ఈ ఘటన KTRకు రాజకీయంగా ఇబ్బందికరంగా మారే అవకాశం ఉందని కొందరు అభిప్రాయపడుతున్నారు. ఈ వివాదంపై రేవంత్‌ రెడ్డి లేదా కాంగ్రెస్‌ నాయకుల నుండి ఇంకా అధికారిక స్పందన రానప్పటికీ, ఈ అంశం తెలంగాణ రాజకీయాల్లో మరింత వేడెక్కే సూచనలు కనిపిస్తున్నాయి.

దర్యాప్తు జరుగుతుందా?
KTR తన ఆరోపణలను RBI తో సహా కేంద్ర సంస్థలకు తీసుకెళ్తానని ప్రకటించారు. అయితే, ICICI బ్యాంక్‌ ఇప్పటికే తమ వైఖరిని స్పష్టం చేయడంతో, ఈ ఆరోపణలపై దర్యాప్తు జరిగే అవకాశం తక్కువగా కనిపిస్తోంది. ఈ భూమి విషయంలో TSIIC లేదా రాష్ట్ర ప్రభుత్వం తీసుకున్న చర్యలపై సుప్రీం కోర్టు నిఘా ఉంచిన నేపథ్యంలో, ఈ వివాదం ఇంకా కొనసాగే అవకాశం ఉంది. ఈ అంశంపై రాజకీయ పార్టీలు ఎలాంటి వ్యూహాలు అనుసరిస్తాయో చూడాలి.