Petrol vs Diesel Pollution: ఎయిర్ క్వాలిటీ మేనేజ్మెంట్ కమిషన్ (CAQM) నోటీసు తర్వాత, దేశ రాజధానిలోని పెట్రోల్ పంపులు జూలై 1, 2025 నుంచి EOL పూర్తి చేసుకున్న వాహనాలకు ఇంధనం ఇవ్వడం నిలిపివేసాయి. ఢిల్లీలో వాహనాల వల్ల కలిగే కాలుష్యాన్ని నియంత్రించడానికి ఈ చర్య తీసుకున్నారు. 10 సంవత్సరాల కంటే పాత డీజిల్ వాహనాలు, 15 సంవత్సరాల కంటే పాత పెట్రోల్ వాహనాలను ఢిల్లీలో నిషేధించారు. ఈ ఆదేశాలను NGT తెలిపింది. 2018లో, NGT ఈ నిర్ణయాన్ని సుప్రీంకోర్టు సమర్థించింది.
భారతదేశంలో 10 ఏళ్ల డీజిల్, 15 ఏళ్ల పెట్రోల్ కార్లను నిషేధించాలనే ఆలోచన వాయు కాలుష్యాన్ని ఎదుర్కోవడం, శుభ్రమైన ప్రత్యామ్నాయాలను ప్రోత్సహించాల్సిన అవసరం నుంచి వచ్చింది. 2023లో, కేంద్ర రవాణా మంత్రి నితిన్ గడ్కరీ 2027 నాటికి భారతదేశంలోని ప్రధాన నగరాల్లో డీజిల్ వాహనాలను నిషేధించాలని ప్రతిపాదించారు. ముఖ్యంగా పది లక్షల కంటే ఎక్కువ జనాభా ఉన్న నగరాల్లో డీజిల్ వాహనాలను నిషేధించాలని నితిన్ గడ్కరీ ప్రతిపాదించారు.
డీజిల్ ఇంజిన్ కారులో కాలుష్యాన్ని వ్యాపింపజేస్తుంది. అయితే ఈ డీజిల్ ఇంజిన్ కార్లు పెట్రోల్ ఇంజిన్ల కంటే త్వరగా కాలుష్యానికి హానికరం అవుతాయట. అంటే కొన్ని సంవత్సరాల తర్వాత ఈ కార్లు పెట్రోల్ కార్ల కంటే ఎక్కువ కాలుష్యాన్ని వ్యాపింపజేస్తాయి. ఈ కారణంగా, డీజిల్ ఇంజన్లు 10 సంవత్సరాలు, పెట్రోల్ ఇంజిన్ కార్లు 15 సంవత్సరాలు రోడ్డుపై నడపడానికి అనుమతిస్తున్నారు.
Also Read: వామ్మో ఢిల్లీ.. కేంద్రం మరోసారి సీరియస్.. ఎందుకో తెలుసా..?
10, 15 సంవత్సరాల పరిమితి ఎందుకు?
డీజిల్ వాహనాలు సాధారణంగా పెట్రోల్ వాహనాల కంటే ఎక్కువ హానికరమైన కణ పదార్థం నైట్రోజన్ ఆక్సైడ్లను (NOx) విడుదల చేస్తాయి. ముఖ్యంగా పాత డీజిల్ ఇంజన్లు కాలుష్య నియంత్రణ సాంకేతికతలు లేకపోవడం వల్ల గణనీయంగా ఎక్కువ కాలుష్య కారకాలను విడుదల చేస్తాయి. వాహనాలు పాతబడే కొద్దీ, వాటి ఇంజిన్ సామర్థ్యం తగ్గుతుంది. ఉద్గార నియంత్రణ వ్యవస్థలు పనిచేయకపోవచ్చు. ఇది వాటిని మరింత కాలుష్యకారకంగా మారుస్తుంది.
పెట్రోల్ కంటే డీజిల్ ఎక్కువ హానికరం
పెట్రోల్, డీజిల్ రెండూ పెట్రోలియం అనే పదార్థం నుంచి వస్తాయి. కానీ రెండింటి మధ్య ప్రధాన వ్యత్యాసం వాటి శుద్ధి ప్రక్రియలో ఉంటుంది. పెట్రోల్ ను ఎక్కువ శుద్ధి చేస్తారు. దీని కారణంగా పెట్రోల్ ఖరీదైనది. పర్యావరణానికి సాపేక్షంగా తక్కువ హానికరం. మరోవైపు, డీజిల్ శుద్ధి ప్రక్రియ భిన్నంగా ఉంటుంది. తక్కువ శుద్ధి చేస్తారు. అందుకే ఇది చౌకైనది. కానీ ఇది పర్యావరణానికి మరింత ప్రమాదకరమైనదిగా పరిగణిస్తారు కూడా. పాత డీజిల్ వాహనాలు BS-III లేదా BS-IV అనుసరిస్తాయి. ఇవి నేటి BS-VI ప్రమాణాల కంటే చాలా తక్కువ ప్రభావవంతంగా ఉంటాయి. కాలక్రమేణా, వాహనాల ఇంజన్లు, కాలుష్య నియంత్రణ వ్యవస్థలు క్షీణిస్తాయి. ఇది వాటి ఉద్గారాలను పెంచుతుంది.
డీజిల్ కార్లు ఎక్కువ NO2 ను విడుదల చేస్తాయి. డీజిల్ ఇంజిన్ల నుంచి వెలువడే ఉద్గారాలు కాలుష్యానికి ప్రధాన కారణం. అనేక నివేదికల ప్రకారం, డీజిల్ కార్లు పెట్రోల్ ఇంజిన్ల కంటే ఎక్కువ నైట్రోజన్ డయాక్సైడ్ (NO2) ను విడుదల చేస్తాయి. డేటా ప్రకారం, డీజిల్ ఇంజన్లు పెట్రోల్ ఇంజిన్ల కంటే నాలుగు రెట్లు ఎక్కువ నైట్రోజన్ డయాక్సైడ్, 22 రెట్లు ఎక్కువ ప్రమాదకరమైన కణాలను విడుదల చేస్తాయి. ఇది చాలా ప్రమాదకరం. డీజిల్ నుంచి వచ్చే ఈ ఉద్గారాలు వాయు కాలుష్యాన్ని పెంచుతాయి. దీనితో పాటు, డీజిల్లో ఉండే సల్ఫర్ సల్ఫర్ డయాక్సైడ్ (SO2) ను కూడా ఉత్పత్తి చేస్తుంది. ఇది పర్యావరణానికి మరొక పెద్ద ముప్పు.
జూలై 1, 2025 నుంచి, ఢిల్లీలో 10 సంవత్సరాల కంటే పాత డీజిల్ వాహనాలు, 15 సంవత్సరాల కంటే పాత పెట్రోల్ వాహనాలకు ఇంధనం ఇవ్వరు. అవి ఎక్కడ నమోదు చేయబడినా సరే. పెట్రోల్ పంపుల వద్ద ఆటోమేటిక్ నంబర్ ప్లేట్ రీడర్ (ANPR) కెమెరాలను ఏర్పాటు చేశారు. తద్వారా అటువంటి వాహనాలను గుర్తించి ఇంధనాన్ని తిరస్కరించవచ్చు. దీని తరువాత, ఈ నియమం ఇతర NCR నగరాల్లో దశలవారీగా అమలు చేస్తారట. వాహనాలను వాయు కాలుష్యానికి ప్రధాన వనరుగా చూస్తారు. ఢిల్లీ వంటి నగరాల్లో, వాహనాల వల్ల కలిగే కాలుష్యం మొత్తం వాయు కాలుష్యంలో ఎక్కువ భాగం. ఉదాహరణకు, ఢిల్లీలో 51% కంటే ఎక్కువ కాలుష్యం వాహనాల వల్ల సంభవిస్తుంది.
Also Read: World Most Polluted Cities 2022: ప్రపంచంలోనే అత్యంత కాలుష్య నగరాల జాబితా.. ఢిల్లీ ఫస్ట్
స్క్రాపేజ్ పాలసీని ప్రోత్సహించడం ప్రభుత్వం వెహికల్ స్క్రాపేజ్ పాలసీని ప్రోత్సహిస్తోంది. దీని కింద, పాత, కాలుష్య కారకాల వాహనాలను స్క్రాప్ చేయమని ప్రోత్సహిస్తారు. పర్యావరణ అనుకూల కొత్త వాహనాల కొనుగోలుకు ప్రోత్సాహకాలు అందిస్తారు. ఫిట్నెస్ పరీక్షలో విఫలమైనట్లు తేలిన 15 సంవత్సరాల కంటే పాత వాణిజ్య వాహనాలు, 20 సంవత్సరాల కంటే పాత ప్రైవేట్ వాహనాలను స్క్రాప్ చేయడం తప్పనిసరి. ఈ వాహనాలను స్క్రాప్ చేయగల రిజిస్టర్డ్ స్క్రాపింగ్ సౌకర్యాల నెట్వర్క్ను ప్రభుత్వం ఏర్పాటు చేసింది.
ప్రజారోగ్యంపై ప్రభావం వాయు కాలుష్యం శ్వాసకోశ వ్యాధులు, గుండె జబ్బులు, క్యాన్సర్ వంటి తీవ్రమైన ఆరోగ్య ప్రభావాలను కలిగి ఉంటుంది. పాత డీజిల్ వాహనాలను రిటైర్ చేయడం ద్వారా, ప్రజల ఆరోగ్యాన్ని కాపాడటం, వారికి స్వచ్ఛమైన గాలిని అందించడం ప్రభుత్వం లక్ష్యంగా పెట్టుకుంది. సంక్షిప్తంగా, 10 సంవత్సరాలలో డీజిల్ వాహనాలను రిటైర్ చేయాలనే నిర్ణయం ప్రధానంగా వాయు కాలుష్యాన్ని నియంత్రించడం, ప్రజారోగ్యాన్ని కాపాడటం, పాత, మరింత కాలుష్య కారకాలైన వాహనాలను రోడ్ల నుంచి తొలగించడం ద్వారా కొత్త వాహనాల వాడకాన్ని ప్రోత్సహించడం వంటి మంచి చేకూరుతుంది.
Disclaimer: ఈ సమాచారం కేవలం అవగాహన కోసం మాత్రమే అందిస్తున్నాము. దీన్ని Oktelugu.com నిర్ధారించదు. ఈ సూచనలు పాటించే ముందు నిపుణుల సలహాలు తీసుకోగలరు.
