Earth spinning faster: ఒకప్పుడ భూమి వేగం నార్మల్ గా ఉండేది. కానీ ఇప్పుడు సాధారణంగా లేదు. మన భూమి ఇప్పుడు గతంలో కంటే వేగంగా తిరుగుతోందని శాస్త్రవేత్తలు కనుగొన్నారు. ఈ మార్పు చాలా సూక్ష్మంగా ఉందట. కానీ ప్రభావం పెద్దదిగా ఉంటుంది. భూమి ఒక భ్రమణాన్ని పూర్తి చేయడానికి దాదాపు 86,400 సెకన్లు పడుతుంది. అంటే, ఒక రోజు. కానీ ఈ సమయం పూర్తిగా స్థిరంగా లేదు. కాలానుగుణంగా, దానిలో సూక్ష్మమైన మార్పులు సంభవిస్తున్నాయి. ఈ రోజుల్లో భూమి వేగం కొన్ని మిల్లీసెకన్లు పెరిగింది. దీని కారణంగా, రోజులు తగ్గుతున్నాయి. ఈ ధోరణి కొనసాగితే, 2029 నాటికి మనం సమయ గణనను మార్చాల్సి రావచ్చని శాస్త్రవేత్తలు అంటున్నారు.
Also Read: రెండు వారాల్లో 900 భూకంపాలు.. జపాన్ లోనే అత్యధికంగా భూకంపాలు ఎందుకు వస్తాయి? ఏంటా కథ?
ఇప్పటివరకు, భూమి వేగం తగ్గినప్పుడు, అణు గడియారాలకు లీప్ సెకండ్‌ను జోడించేవారు. కానీ ఇప్పుడు మొదటిసారిగా, లీప్ సెకండ్‌ను తొలగించాల్సి రావచ్చు. ఇది చరిత్రలో మొదటిసారి జరుగుతుంది. సమయం నుంచి ఒక సెకనును తొలగించడం సాంకేతికంగా ఒక పెద్ద సంఘటనగా పరిగణిస్తారు. శాస్త్రవేత్తల ప్రకారం, ఈ మార్పు సామాన్యుల దినచర్యను ప్రభావితం చేయదు. కానీ సమయ గణనకు ఇది చాలా ముఖ్యం.
ఈ అతి తక్కువ రోజులు ఎప్పుడు వస్తాయి?
2025లో కొన్ని రోజులను చాలా తక్కువ రోజులుగా శాస్త్రవేత్తలు గుర్తించారు.
-9 జూలై 2025
-22 జూలై 2025
-5 ఆగస్టు 2025
ఈ తేదీలలో భూమి అత్యంత వేగంగా తిరుగుతుంది. ఆగస్టు 5న, కూడా ఈ మార్పు కనిపిస్తుందట. అయితే ఆ రోజు 1.51 మిల్లీసెకన్లు తక్కువగా ఉంటుందని అంచనా. ఈ తేడా సామాన్యులకు అర్థం కాకపోవచ్చు. ఇంపాక్ట్ చూపించకపోవచ్చు. కానీ శాస్త్రీయ ప్రపంచానికి, ఇది ఒక పెద్ద మార్పు.
పూర్వం భూమి కదలిక ఎలా ఉండేది?
లక్షలాది సంవత్సరాల క్రితం, భూమి వేగం నేటి వేగం కంటే చాలా భిన్నంగా ఉండేది. డైనోసార్ల కాలంలో, పగలు కేవలం 23 గంటలు మాత్రమే ఉండేవి. ఈ సమయం కాంస్య యుగం వరకు పెరిగింది. కానీ అది నేటి కంటే కొంచెం తక్కువగా ఉండేది. అయితే భూమిపై 25 గంటలు ఉండే రోజు వస్తుందని శాస్త్రవేత్తలు నమ్ముతారు. కానీ దానికి 200 మిలియన్ సంవత్సరాలు పడుతుంది.
భూమి వేగం ఎందుకు పెరిగింది?
ఈ ప్రశ్నకు సమాధానం ఇంకా స్పష్టంగా అర్థం అవడం లేదట. శాస్త్రవేత్తలకు కొన్ని సిద్ధాంతాలు ఉన్నాయి. కానీ ఖచ్చితమైన కారణం ఇప్పటికీ పరిష్కారం కాలేదు. కొన్ని కారణాలు పరంగా ఇది జరుగుతుంది అంటున్నారు. అవేంటంటే:
– భూమి తిరిగి పుంజుకోవడం (హిమానీనదం కరిగిన తర్వాత)
– సముద్ర ప్రవాహాలు లేదా వాతావరణ పీడనంలో మార్పులు
– భూకంపాలు లేదా అంతర్గత ప్లేట్ కదలికలు
భూమి కేంద్రంలో కదలిక
మాస్కో స్టేట్ యూనివర్శిటీ పరిశోధకుడు లియోనిడ్ జోటోవ్ 2022 లో దీనిపై ఒక అధ్యయనం చేశారు. ‘ఇది రావడాన్ని ఎవరూ చూడలేదు’ అని కూడా ఆయన అంగీకరించారు. అతని ప్రకారం, బహుశా భూమి కరిగిన బాహ్య కేంద్రంలో జరుగుతున్న కార్యకలాపాలు దీనికి కారణం కావచ్చు.
లీప్ సెకండ్ ఎందుకు అవసరం?
భూమి భ్రమణ వేగానికి, అణు గడియారాల సమయానికి మధ్య వ్యత్యాసం ఉంది. అందుకే లీప్ సెకన్లను అప్పుడప్పుడు యాడ్ చేస్తుంటారు. ఇప్పటివరకు ఈ సెకన్లు యాడ్ చేశారు. కానీ భూమి ఈ వేగంతో తిరుగుతూ ఉంటే, వాటిని తగ్గించాల్సి రావచ్చు. 2029 లో, అణు సమయం నుంచి ఒక సెకనును తొలగించాల్సిన మొదటి సమయం రావచ్చు.
Also Read: మనం జీవిస్తున్న భూమికి ఎన్ని ఏళ్లో తెలుసా?
ఇది మన జీవితాలను ప్రభావితం చేస్తుందా?
చేయదు. ఇది పూర్తిగా సాంకేతిక ప్రక్రియ అని శాస్త్రవేత్తలు అంటున్నారు. మన మొబైల్ ఫోన్లు లేదా మన గడియారాలు ప్రభావితం కావు. ఇంటర్నెట్ లేదా ఉపగ్రహ వ్యవస్థలో ఎటువంటి అంతరాయం ఉండదు. కానీ మనం అత్యంత స్థిరమైన విషయంగా భావించే సమయం కూడా భూమి కదలిక ద్వారా ప్రభావితమవుతుందని గుర్తుంచుకోవడం ముఖ్యం.
Disclaimer : ఈ సమాచారం కేవలం అవగాహన కోసం మాత్రమే అందిస్తున్నాము. దీన్ని Oktelugu.com నిర్ధారించదు. ఈ సూచనలు పాటించే ముందు నిపుణుల సలహాలు తీసుకోగలరు.
