South Africa vs New Zealand T20 Match Highlights: లెక్క సరిపోయింది. దారుణమైన ఓటమికి బదులు తీరిపోయింది. హోరాహోరీ కాదు..పూర్తి ఏకపక్షంగా సాగింది.. సౌతాఫ్రికా బౌలింగ్ అలా ఉంది మరి.. నిప్పులు చెరిగే బంతులు వేసిన సౌతాఫ్రికా బౌలర్లు న్యూజిలాండ్ ప్లేయర్లకు చుక్కలు చూపించారు. ఏమాత్రం కోలుకోకుండా అదరగొట్టారు. ఫలితంగా న్యూజిలాండ్ అత్యల్ప స్కోరుకు పరిమితం కావాల్సి వచ్చింది. అంతే కాదు, ఏడు వికెట్ల తేడాతో దారుణమైన ఓటమిని మూటకట్టుకోవాల్సి వచ్చింది.
ఐదు టీ20 మ్యాచ్ సిరీస్ లో భాగంగా న్యూజిలాండ్ సౌతాఫ్రికాలో ఫర్యటిస్తోంది. ఇందులో భాగంగా మౌంట్ మాగనూయి లో ఆదివారం తొలి టీ20 మ్యాచ్ నిర్వహించారు. ఈమ్యాచ్ లో ముందుగా న్యూజిలాండ్ బ్యాటింగ్ చేసింది. సౌతాఫ్రికా బౌలర్ల దూకుడు ముందు తల వంచింది. ఓపెన్లర్లు కాన్వే(1), టామ్ లాథమ్(7), టిమ్ రాబిన్ సన్(6), నిక్ కేలీ(2), జాకబ్స్(10), సాంట్నర్(15) ఇలాటాప్ ప్లేయర్లు దారుణంగా విఫలమయ్యారు.
నీషం(26) టాప్ స్కోరర్ గా నిలిచాడు,చివర్లో మెక్ కోన్హీ(15)మెరుపులు మెరిపించడంతో కివీస్ ఆమాత్రమైనా స్కోర్ చేయగలిగింది. సౌతాఫ్రికా బౌలర్లలో మోకీనా మూడు, కోయేట్జీ, బార్ట్ మన్, కేశవ్ మహారాజ్ తలా రెండు వికెట్లు పడగొట్టారు. రెండు పరుగులకే తొలి వికెట్ కోల్పోయింది న్యూజిలాండ్.. ఇక ఏ దశలో కూడా కోలుకోలేకపోయింది. 14 పరుగుల వద్ద రెండు, 20 పరుగులవద్దమూడు, 21 పరుగుల వద్ద నాలుగు, 36 పరుగుల వద్ద ఐదు, 54 పరుగుల వద్దఆరు, 80 పరుగులవద్ద ఏడు, 83 పరుగుల వద్ద 8, 86 పరుగుల వద్ధ 9, 91 పరుగుల వద్ద పదో వికెట్ కోల్పోయింది.
అనంతరం ఛేజింగ్ మొదలు పెట్టిన సౌతాఫ్రికా16.4 ఓవర్లలో మూడు వికెట్లు కోల్పోయి లక్ష్యాన్ని ఛేదించింది. సౌతాఫ్రికా ఓపెనర్ టోనీ డీ జోర్జీ (2) విఫలమైనప్పటికీ మరో ఓపెనర్ కన్నోర్ ఏస్తెర్ హుజెన్(45) ఆకట్టుకున్నాడు. ఇతడికి జాసోన్ స్మిత్(10), డియాన్ ఫోరెస్టర్ (16)సహకరించారు. న్యూజిలాండ్ బౌలర్లలోజాకరీ ఫోక్స్ , జెమీసన్, సాంట్నర్ తలా ఒక వికెట్ సాధించారు.
టీ20 వరల్డ్ కప్ సెమీఫైనల్ మ్యాచ్ లో సౌతాఫ్రికాను న్యూజిలాండ్ ఓడించింది. ఫైనల్ టీమిండియా చేతిలో కివీస్ ఓటమిపాలైంది. న్యూజిలాండ్ ను ఓడించడం ద్వారా టీ20 వరల్డ్ కప్ లో సెమీఫైనల్ ఓటమికి సౌతాఫ్రికా బదులు తీర్చుకున్నట్టయింది. రెండు జట్లలో కూడా సమర్థవంతమైన ప్లేయర్లు లేరు. ద్వితీయ శ్రేణి ప్లేయర్లతోనే రెండు జట్లూ రంగంలోకి దిగాయి.
