Salil Arora No Look Six: వందల వికెట్లు.. అద్భుతమైన విజయాలు.. తోపు బ్యాటర్లు కూడా తలవంచారు. పరుగులు తీయడం కాదు కదా.. వికెట్ కాపాడుకుంటే గొప్ప అని భావించారు. ఆ స్థాయిలో బౌలింగ్ వేసిన అతడి పేరు బుమ్రా. అత అతడికి ఫార్మాట్ తో సంబంధం లేదు. మైదానంతో సంబంధం లేదు. ఆటగాళ్లతో కూడా సంబంధం లేదు. అద్భుతానికి మించి బౌలింగ్ చేస్తాడు. వికెట్లను అత్యంత వేగంగా తీస్తాడు. అందువల్లే అతడిని ఈ కాలపు అద్భుతం అని పిలుస్తుంటారు.
ఆ స్థాయిలో బౌలింగ్ వేసే బుమ్రా ప్రస్తుత ఐపిఎల్ లో తేలిపోతున్నాడు. ధారాళంగా పరుగులు ఇస్తున్నాడు. కనీసం వికెట్లు కూడా తీయలేకపోతున్నాడు. అతడు ఇలా బౌలింగ్ చేయడం పట్ల తోటి బౌలర్లు మాత్రమే కాదు, అభిమానులు కూడా ఆవేదన వ్యక్తం చేస్తున్నారు. బంతిని అనేక విధాలుగా తిప్పి వేసే బుమ్రా ఇలా మారిపోవడం పట్ల నిర్వేదం వ్యక్తం చేస్తున్నారు.. నిజంగా బౌలింగ్ వేస్తోంది బుమ్రానేనా అని అనుకుంటున్నారు..
హైదరాబాద్ జట్టుతో జరిగిన మ్యాచ్ లో బుమ్రా అత్యంత దారుణంగా బౌలింగ్ వేసాడు. నాలుగు ఓవర్లలో 54 పరుగులు ఇచ్చాడు. వాస్తవానికి అతని బౌలింగ్ స్థాయికి ఇలాంటి పరుగులు ఇవ్వడం నిజంగానే ఆశ్చర్యాన్ని కలిగిస్తోంది. బంతి మీద ఏమాత్రం పట్టు సాధించలేకపోయాడు. ముఖ్యంగా సలీల్ ఆరోరా లాంటి ఆటగాడు కూడా బుమ్రా బౌలింగ్లో సిక్సర్ కొట్టాడు. అది కూడా నెవర్ బిఫోర్ అన్నట్టుగా.. అతడి బౌలింగ్ లో సిక్సర్ కొట్టిన ఆరోరా.. కనీసం బంతి వైపు కూడా చూడలేదు.. భీకరమైన బుమ్రా ఇలా సిక్సర్ కొట్టడం పట్ల ఆరోరా మీద ప్రశంసలు కురుస్తున్నాయి.
బుమ్రా బౌలింగ్లో అంతకుముందు హెడ్ కూడా బీభత్సంగా బ్యాటింగ్ చేశాడు. సిక్సర్లు, ఫోర్లు కొట్టి అదరగొట్టాడు. ఆ తర్వాత క్లాసెన్ కూడా అదే స్థాయిలో ఆడాడు.. చివరికి ఆరోరా కూడా బీభత్సంగా బ్యాటింగ్ చేసి సంచలనం సృష్టించాడు.. అతడు కొట్టిన సిక్సర్ కు సంబంధించిన వీడియో ఇప్పుడు సోషల్ మీడియాను ఊపేస్తోంది..
NO LOOK SIX BY SALIL ARORA vs BUMRAH
– One of the best shots in IPL 2026. pic.twitter.com/x9dOpL9EUS
— Johns. (@CricCrazyJohns) April 29, 2026
