Matthew Hayden: మాథ్యూ హెడెన్.. ఆస్ట్రేలియా జట్టుకు ఒకప్పుడు బీభత్సమైన ఓపెనింగ్ బ్యాటర్. గిల్ క్రిస్ట్ తో కలిసి అప్పట్లో ఇతడు సృష్టించిన సంచలనాలు అన్నీ ఇన్నీ కావు. దూకుడుకు పర్యాయపదంగా.. వేగానికి కొలమానంగా బ్యాటింగ్ చేసేవాడు. అందువల్లే ఆస్ట్రేలియా అద్భుతమైన విజయాలు సాధించి.. ట్రోఫీలు అందుకునేది. ఇతడు జట్టులో ఉన్నంతవరకు ఓటములు దరిదాపులోకి వచ్చేవి కాదు. ఇతడి బ్యాటింగ్ స్టైల్ చూసి ప్రత్యర్థి బౌలర్లు వణికి పోయేవారు. అయితే అటువంటి హిడెన్ ఇప్పుడు వార్తల్లో వ్యక్తిగా నిలిచాడు. క్రికెట్ కు రిటైర్మెంట్ ప్రకటించినప్పటికీ.. అతడు వార్తల్లో వ్యక్తిగా నిలవడానికి ఒక కారణం ఉంది.
త్వరలోనే కంగారు, ఇంగ్లీష్ జట్ల మధ్య యాషెస్ సిరీస్ మొదలవుతుంది. నవంబర్ నుంచి ఈ మెగా టోర్నీ షురూ అవుతుంది. ఈ టోర్నీ ప్రారంభానికి ముందు రెండు జట్లకు సంబంధించిన దిగ్గజ ఆటగాళ్లు నోరు పారేసుకోవడం మొదలు పెట్టాడు. దీనిని ఆస్ట్రేలియా ఆటగాడు హెడెన్ మొదలు పెట్టాడు. త్వరలో జరిగే యాషెస్ సిరీస్లో ఇంగ్లాండ్ ఆటగాడు రూట్ సెంచరీ చేస్తాడని.. ఒకవేళ అతడు గనుక సెంచరీ చేయకపోతే తాను మెల్ బోర్న్ క్రికెట్ మైదానంలో నగ్నంగా నడుస్తానని సవాల్ విసిరాడు..
హెడెన్ ఆల్ ఓవర్ బార్ ది క్రికెట్ అనే పాడ్ కాస్ట్ షో లో పాల్గొన్నాడు. ఈ క్రమంలో యాషెస్ టోర్నీ గురించి ప్రస్తావన వచ్చింది. ఈ టోర్నీకి సంబంధించి ఆల్ టైం జట్టులో రూట్ పేరు లేకపోవడం పట్ల హెడేన్ ఆగ్రహం వ్యక్తం చేశాడు.. ఫ్యాబ్ 4 లో రూట్ ఎవరికీ అందనంత ఎత్తులో ఉన్నాడని.. అటువంటి వ్యక్తిని దూరం పెట్టడం సరికాదని హెడెన్ పేర్కొన్నాడు. అంతటితోనే అతడు ఆగలేదు..” ఇంగ్లాండ్ జట్టులో అన్ని విధాలా గొప్ప లక్షణాలు ఉన్న ఆటగాడు రూట్. అతడిని ఆల్ టైం జట్టులోకి తీసుకోకపోవడం ఒకరకంగా ఆశ్చర్యంగానే అనిపిస్తోంది. రూట్ సగటు 40 వరకు ఉంది. ఇతడి అత్యధిక స్కోరు 180. నవంబర్లో జరిగే యాషెస్ లో అతడు గనుక సెంచరీ చేయకపోతే నగ్నంగా నడుస్తూ ఉంటానని” హెడేన్ పేర్కొన్నాడు. అయితే అతడు చేసిన కామెంట్ల పైన కుమార్తె గ్రేస్ హేడెన్ స్పందించింది.. రూట్ త్వరగా సెంచరీ కొట్టు అంటూ వ్యాఖ్యానించింది.. ఇక ఇటీవల ఇండియాతో జరిగిన టెస్ట్ సిరీస్ లో రూట్ 3 సెంచరీలు చేశాడు. సచిన్, ద్రావిడ్, పాంటింగ్, కలిస్ రికార్డులను బద్దలు కొట్టాడు.
కంగారు జట్టుపై రూట్ రికార్డు చెప్పుకునేంత గొప్పగా లేదు. గడచిన 27 ఇన్నింగ్స్ లలో 35.68 సగటుతో 892 రన్స్ మాత్రమే చేశాడు. 80 పరుగుల వద్ద ఉన్నప్పుడు మూడుసార్లు అవుట్ అయ్యాడు. దీంతో ఈసారైనా కంగారు గడ్డపై శతకం సాధించాలని రూట్ కసితో ఉన్నాడు. ప్రస్తుతం టెస్ట్ ఫార్మేట్లో బ్యాటరీల విభాగంలో రూట్ నెంబర్ వన్ స్థానంలో ఉన్నాడు. ఇక ఈ ఏడాది నవంబర్ 21 నుంచి జనవరి 8 వరకు యాషెస్ సిరీస్ జరుగుతుంది. గడచిన మూడు సీజన్లలో ఇంగ్లాండ్ ఓడిపోయింది. 2011 అనంతరం ఇంగ్లీష్ జట్టు అక్కడ ఒక్క టెస్ట్ కూడా గెలవలేదు. సో ఈసారి ఆ చెత్త రికార్డును మొత్తం బద్దలు కొట్టాలని స్టోక్స్ బృందం గట్టిగా అనుకుంటున్నది.
I’ll walk nude around the MCG if he (Joe Root) doesn’t make a hundred this summer (Ashes down under).
– Matthew Hayden (All Over Bar The Cricket Podcast)#Ashes2025 #AUSvENG pic.twitter.com/uEdH7B63Pf
— NightWatchMad (@NightWatchMad) September 12, 2025
