Tilak Varma: బ్యాటింగ్ సమర్థవంతంగా చేస్తాడు. బంతులను గట్టిగా కొడతాడు. క్లిష్ట పరిస్థితుల్లో నిలబడతాడు. పరుగులు చేయడంలో వేగాన్ని ప్రదర్శిస్తాడు. స్థానం లభిస్తోంది.. మేనేజ్మెంట్ అతని మీద పూర్తిస్థాయిలో నమ్మకాన్ని ప్రదర్శిస్తోంది. కానీ అతడు మాత్రం అంచనాలు అందుకోలేకపోతున్నాడు. బంతులను గట్టిగా ఎదుర్కొని వేగంగా పరుగులు చేయలేకపోతున్నాడు. పొట్టి ఫార్మాట్లో వేగంగా పరుగులు చేయకపోతే జట్టు పరిస్థితి ఎలా ఉంటుందో.. టీమిండియా కు ఐర్లాండ్ సిరీస్ ద్వారా తెలిసి వచ్చింది.
ఐలాండ్ సిరీస్లో తొలి మ్యాచ్లో 21 బంతులు ఎదుర్కొని 19 పరుగులు చేశాడు తెలుగు కుర్రాడు తిలక్ వర్మ. రెండో మ్యాచ్లో 46 బంతుల్లో 55 పరుగులు చేశాడు. వాస్తవానికి తిలక్ గనక నిలబడి ఉంటే టీమిండియా కచ్చితంగా రెండవ మ్యాచ్లో గెలిచి ఉండేది. ఫలితంగా ఈ స్థాయిలో ఒత్తిడి ఉండేది కాదు. హాఫ్ సెంచరీ పూర్తి చేసుకున్న తర్వాత.. భారీ సిక్సర్ కొట్టిన తర్వాత.. తిలక్ వర్మ సహనాన్ని కోల్పోయాడు. అనవసరమైన బంతిని కొట్టి వికెట్ పోగొట్టుకున్నాడు. అతడు అవుట్ అయిన తర్వాత టీమ్ ఇండియా మరింత ఒత్తిడిలో కూరుకుపోయింది. ఒక పరుగు తేడాతో ఓటమిపాలైంది.
తిలక్ వర్మ స్పిన్నర్లను ఎదుర్కోవడంలో తడబడుతున్నాడు. ఐపీఎల్ 2025 నుంచి స్పిన్నర్ల బౌలింగ్లో అతడి స్ట్రైక్ రేట్ 115.50 మాత్రమే కావడం విశేషం. టి20 ఫార్మాట్లో మిడిల్ ఆర్డర్లో బ్యాటింగ్ చేసేవారు స్పెండర్లను సమర్ధవంతంగా ఎదుర్కోవాలి. కానీ తిలక్ వర్మ ఆ పని చేయలేకపోతున్నాడు. పరుగులు తీయడం కాదు కదా.. సింగిల్స్ కు మాత్రమే పరిమితం అవుతున్నాడు. ఐర్లాండ్ సిరీస్ ద్వారా అది బయటపడింది. ఇటీవల ఐపీఎల్లో కూడా తిలక్ వర్మ మిడిల్ ఆర్డర్లో గొప్ప ఇన్నింగ్స్ ఆడా లేకపోయాడు. అతడి లోపాన్ని సవరించుకోలేకపోతున్నాడు. ఇటీవల ఐర్లాండ్ సిరీస్లో రెండవ మ్యాచ్లో అతడు హాఫ్ సెంచరీ చేసినప్పటికీ.. ఎక్కువ బంతులు తీసుకోవడం పట్ల మాజీ క్రికెటర్లు అసహన వ్యక్తం చేస్తున్నారు. ముఖ్యంగా కృష్ణమాచారి శ్రీకాంత్ అయితే.. తిలక్ వర్మ మీద తీవ్రస్థాయిలో మండిపడ్డాడు. అతడు జట్టు కోసం కాకుండా.. తనకోసం బ్యాటింగ్ చేశాడని వ్యాఖ్యానించాడు.
వాస్తవానికి కృష్ణమాచారి వ్యాఖ్యలు తిలక్ వర్మ నిజమైన ఆట తీరును ప్రతిబింస్తోంది. ఎందుకంటే ఐర్లాండ్ బౌలర్ల బౌలింగ్ లో తిలక్ వర్మ అత్యంత నిదానంగా బ్యాటింగ్ చేశాడు. కనీసం దూకుడు కొనసాగించలేకపోయాడు. అందువల్లే సాధించాల్సిన రన్ రేట్ పెరిగిపోయింది. మిగతా బ్యాటర్ల మీద ఒత్తిడి ఎక్కువైంది. అతడు గనక స్వేచ్ఛగా బ్యాటింగ్ చేసి ఉంటే కచ్చితంగా టీమిండియా వేరే ఫలితాన్ని సాధించేది. ఇప్పటికైనా ఆలోపాన్ని అతడు సవరించుకుంటే మంచిది. లేకపోతే అతడికి జట్టులో చోటు దక్కడం కష్టమే.
