Horoscope Today
Horoscope Today: శ్రావణమాసం ప్రారంభ వేళ ద్వాదశ రాశులపై అశ్లేష నక్షత్ర ప్రభావం ఉంటుంది. ఈరోజు చంద్రుడు సింహ రాశిలో సంచారం చేయనున్నాడు. శ్రావణ మాసం మొదటి సోమవారం సందర్భంగా కర్కాటక , తుల రాశుల వారికి ఆర్థిక ప్రయోజనాలు కలగనున్నాయి. మరికొన్ని రాశుల వారు జాగ్రత్తగా ఉండాలి. మేషం నుంచి మీనం వరకు 12 రాశుల ఫలితాలు ఏ విధంగా ఉన్నాయో చూద్దాం..
మేష రాశి:
కొత్త వ్యక్తులు పరిచయం అవుతారు. ఆరోగ్యం గురించి ఆందోళన చెందుతారు. శత్రువు విషయంలో జాగ్రత్తగా ఉండాలి. సాయంత్రం కుటుంబ సభ్యులతో ఉల్లాసంగా ఉంటారు. ఉద్యోగులు కార్యాలయాల్లో చిక్కులు ఎదుర్కొంటారు. అందువల్ల జాగ్రత్తగా వ్యవహరించాలి.
వృషభ రాశి:
వ్యాపారులకు ఈరోజు అనుకూల సమయం. కాబట్టి దీనిని సద్వినియోగం చేసుకోవాలి. ఇదే సమయంలో కొన్ని అడ్డంకులు ఎదురవుతాయి. వాటిని అధిగమిస్తూ ముందుకు సాగాలి. ఆస్తుల రిజిస్ట్రేషన్ విషయంలో కొన్ని జాగ్రత్తలు తీసుకోవాలి. ఉద్యోగులు ఉల్లాసంగా ఉంటారు.
మిథున రాశి:
వ్యాపారులు కొత్త పెట్టుబడులు పెడుతారు. ఎవరి నుంచి డబ్బు ఆశించకుండా ఉండాలి. జీవిత భాగస్వామితో సరదాగా ఉంటారు. ఎవరికైనా డబ్బు ఇవ్వాల్సి వస్తే ఆలోచించాలి. ప్రయాణాలు వాయిదాలు వేసుకోవడం మంచిది. ఆర్థిక పరిస్థితి అంతంత మాత్రంగానే ఉంటుంది.
కర్కాటక రాశి:
బంధువుల సహాయంతో కొన్ని కీలక నిర్ణయాలు తీసుకుంటారు. ఆర్థిక ప్రయోజనాలు ఎక్కువే. రోజూవారీ అవసరాలు తీర్చడానికి ఆదాయం సమకూరుతుంది. కొందరికి ఆదాయం పెరిగినా.. ఖర్చులు ఉంటాయి. దీర్ఘకాలికంగా పెండింగులో ఉన్న పనులు వెంటనే పూర్తవుతాయి.
సింహారాశి:
పెండింగు సమస్యలను పరిష్కరిస్తారు. విద్యార్థులు పోటీ పరీక్షల్లో పాల్గొంటారు. ఆరోగ్యం విషయంలో జాగ్రత్తగా ఉండాలి. వ్యాపారులు కొత్త పెట్టుబుడులు పెడుతారు. భవిష్యత్ ను దృష్టిలో ఉంచుకొని కొన్ని కీలక నిర్ణయాలు తీసుకుంటారు. కుటుంబ సభ్యుల మధ్య భేదాభిప్రాయాలు ఉంటాయి.
కన్య రాశి:
విద్యార్థులు కొన్ని సమస్యలు ఎదుర్కొంటారు. విదేశాలకు వెళ్లాలనుకునేవారు శుభవార్తలు వింటారు. పూర్వీకుల ఆస్తికి సంబంధించి శుభవార్తలు వింటారు. ఉద్యోగులు కార్యాలయంలో కొన్ని సమస్యలు ఎదుర్కొంటారు. వీటిని అధిగమించడానికి కష్టపడాల్సి వస్తుంది.
తుల రాశి:
రాజకీయాల్లో ఉన్నవారికి అనుకూల ఫలితాలు. ఉద్యోగులు కష్టానికి తగిన ఫలితాలు పొందుతారు. విద్యార్థులు కీలక సమాచారాన్ని అందుకుంటారు. ఆహ్లదకరమైన వాతావరణంలో ఉంటారు. కుటుంబ సభ్యుల మధ్య భేదాభిప్రాయాలు తొలగిపోతాయి. కొత్త నిర్మాణాలు చేపట్టే అవకాశం ఉంది.
వృశ్చిక రాశి:
రోజూవారీ ఖర్చులకు ఆదాయం సమకూరుతుంది. ఆర్థిక సమస్యల వల్ల కుటుంబ సభ్యులతో విభేదాలు వస్తాయి. ఉద్యోగులు పదోన్నతి విషయంలో శుభవార్తలు వింటారు. అలాగే కొన్ని పనుల ద్వారా ప్రశంసలు పొందుతారు. శత్రువల బెడద ఉన్నా.. వారిపై విజయం సాధిస్తారు.
ధనస్సు రాశి:
ఈ రాశి వారికి శ్రావణ మాసం మొదటి సోమవారం కలిసి రానుంది. వీరు ఆకస్మిక సంపదను పొందుతారు. జీవిత భాగస్వామితో సంతోషంగా ఉంటారు. అయితే బంధువులతో విభేదాలు రావొచ్చు. కొందరు వ్యక్తులకు దూరంగా ఉండడం మంచిది. పిల్లల కెరీర్ కు సంబంధించి కీలక నిర్ణయం తీసుకుంటారు.
మకర రాశి:
సామాజిక సేవా కార్యక్రమాల్లో ఎక్కువగా పాల్గొంటారు. వివిధ మార్గాల నుంచి డబ్బు వస్తుంది. ప్రియమైన వారితో సంతోషంగా ఉంటారు. కోపాన్ని అదుపులో ఉంచుకోవాలి. కుటుంబ ఆస్తిలో భాగస్వామ్యం అవుతారు. వ్యాపారులు అనేక కొత్త పెట్టుబడులకు ఉత్సాహం చూపుతారు.
కుంభరాశి:
ఆర్థిక సమస్యలు నేటితో పరిష్కారం అవుతాయి. వైవాహిక జీవితం సంతోషంగా ఉంటుంది. జీవిత భాగస్వామ్యం నుంచి పూర్తి మద్దతు ఉంటుంది. తల్లిదండ్రుల ఆశీర్వాదంతో వ్యాపారులు కొత్త పెట్టుబడులు పెడుతారు. వాదనలకు దూరంగా ఉండాలి. కోపాన్ని అదుపులో ఉంచుకోవాలి.
మీనరాశి:
కుటుంబ సభ్యులతో సంతోషంగా ఉంటారు. ఉద్యోగులు కార్యాలయాల్లో ఉత్సాహంగా పనిచేస్తారు. ఆదాయం పెరుగుతుంది. కొన్ని ఖర్చులను తగ్గించుకుంటారు. వ్యాపారులు కొత్త పెట్టుబడులు పెట్టాల్సి వస్తుంది. సమాజంలో గౌరవం పెరుగుతుంది. ఉల్లాసంగా గడపడానికి ఎక్కువగా ఆసక్తి చూపుతారు.
