ప్రముఖ స్కూటర్ కంపెనీలలో ఒకటైన టీవీఎస్ కొత్త స్కూటర్ కొనుగోలు చేయాలనుకునే వారికి అదిరిపోయే శుభవార్త చెప్పింది. నెలకు 2,500 రూపాయలు సులభ వాయిదాలలో చెల్లిస్తే టీవీఎస్ ఐక్యూబ్ స్కూటర్ ను కొనుగోలు చేసే అవకాశం కల్పిస్తోంది. ఈ స్కూటర్ ధర రూ.1,15,000 కాగా కనీసం 15 వేల రూపాయలు డౌన్ పేమెంట్ చెల్లించాల్సి ఉంటుంది. రూ.2569 చొప్పున నాలుగు సంవత్సరాలు చెల్లిస్తే కొత్త స్కూటర్ మీ సొంతమవుతోంది.
Also Read: ఎల్‌ఐసీ సూపర్ స్కీమ్.. నెలకు రూ.1,300 చెల్లిస్తే లక్షల్లో రాబడి..?
మూడు సంవత్సరాల పాటు రూ.3,200 చొప్పున చెల్లిస్తే కూడా ఈ స్కూటర్ ను పొందవచ్చు. ప్రీమియంను పెంచే కొద్దీ కాలపరిమితి తగ్గుతుంది. ఈ స్కూటర్ ఎలక్ట్రిక్ స్కూటర్ కావడంతో పెట్రోల్ లేకుండానే ఈ స్కూటర్ ను నడపవచ్చు. అయితే ఈ స్కూటర్ ను తక్కువ మొత్తం ఈ.ఎం.ఐ చెల్లించి పొందాలంటే మాత్రం నెలవారీ శాలరీ కనీసం 15,000 రూపాయలు ఉంటే మాత్రమే సాధ్యమవుతుంది.
Also Read: ఉద్యోగులకు హెచ్‌సీఎల్ శుభవార్త.. రూ. 700 కోట్ల స్పెషల్ బోనస్..?
మూడు నెలల బ్యాంక్ స్టేట్‌మెంట్, శాలరీ స్లిప్స్ ఇస్తే ఈ స్కూటర్ కొనుగోలు చేయడానికి లోన్ ను పొందవచ్చు. ఈ వాహనం కొనుగోలు చేసే సమయంలో 10,000 రూపాయలు అదనంగా చెల్లిస్తే ఇంట్లోనే వెహికిల్ ఛార్జింగ్ డివైజ్ ను ఉంచుకునే అవకాశం ఉంటుంది. ఒకసారి ఈ స్కూటర్ ను ఫుల్ ఛార్జ్ చేస్తే 75 కిలోమీటర్లు ప్రయాణం చేయవచ్చు. టీవీఎస్ కంపెనీ వెబ్ సైట్ ద్వారా ఈ స్కూటర్ కు సంబంధించి మరిన్ని వివరాలను తెలుసుకోవచ్చు.
మరిన్ని వార్తలు కోసం: ప్రత్యేకం
గంటకు గరిష్టంగా 78 కిలోమీటర్ల వేగంతో ఈ స్కూటర్ పై ప్రయాణం చేయవచ్చు. ఈ స్కూటర్ ను కొనుగోలు చేయడం ద్వారా ఐదు సంవత్సరాలలో 60 వేల రూపాయలు ఆదా అవుతుందని తెలుస్తోంది. సాధారణ ఫ్యూయెల్ స్కూటర్ తో పోలిస్తే ఈ స్కూటర్ ను కొనుగోలు చేస్తే ఉద్యోగులు, వ్యాపారులకు ప్రయోజనం చేకూరుతుంది.
