Chanakya Niti : ఎవరినైనా నమ్మే ముందు ఈ విషయాలను తప్పనిసరిగా పరిగణనలోకి తీసుకోవాలి…!

Chanakya Niti : కొన్నిసార్లు వ్యక్తులను నమ్మాలంటే భయం వేస్తుంటుంది. కానీ కొందరిని మాత్రం గుడ్డిగా నమ్మేస్తుంటారు. కానీ వ్యక్తులను నమ్మేటప్పుడు కచ్చితంగా కొన్ని విషయాలను దృష్టిలో పెట్టుకోవాలట. ఆచార్య చాణక్య నీతి ప్రకారం ఒక వ్యక్తిని నమ్మాలంటే కొన్నింటిని పరీక్షించాలట. అలా చేయడం వల్ల వారి స్వభావం, లక్షణాలను అర్థం చేసుకొనే అవకాశం ఉంటుందట. ఇలా చేయడం వల్ల మోసపోకుండా ఉండవచ్చు. మరి చాణుక్యుడు చెప్పిన ఆ నాలుగు విషయాలు ఏంటో కూడా ఓ సారి చూసేయండి.

త్యాగం.. ఒక వ్యక్తి త్యాగం గుణం కలిగి ఉంటారో ఆ వ్యక్తి మీ లైఫ్ లో ఉంటే.. కచ్చితంగా మీరు సంతోషంగా ఉంటారు. త్యాగం చేసే వారు లైఫ్ లో ఉంటే.. వారి ఆనందాన్ని సైతం పక్కన పెట్టి మీ ఆనందం కోసం ఆలోచిస్తారు. కాబట్టి త్యాగ గుణం ఉందో లేదో పరీక్షించాలి. ఇలాంటి వారు మీ లైఫ్ లో ఉంటే వదులుకోవద్దని చెప్పారు చాణక్యుడు.

డబ్బు.. ప్రస్తుతం సమాజాన్ని నడిపిస్తున్న ఆయుధం ఏంటంటే డబ్బునే చెప్పాలి. ఇదే మనుషులను దూరం చేస్తుంది. దగ్గర చేస్తుంది. అయితే దీని వల్ల దగ్గరయ్యే బంధాలకంటే దూరం అయ్యే అయ్యే బంధాలే ఎక్కువ. ఎందుకంటే మనుషుల కంటే డబ్బు అవసరమే ఎక్కువ ఉందని నమ్మేవారి సంఖ్య పెరిగిపోయింది. ఇక ఈ విషయంలో ఎవరిని అయినా పరీక్షించాలంటే ముందుగా కొంత సొమ్ము అప్పుగా ఇవ్వండి. వారు సరైన సమయంలో రిటర్న్ ఇస్తే పూర్తిగా నమ్మవచ్చు. కానీ కొందరు వ్యక్తులు స్వార్థంగా ఉండి.. తప్పుడు మార్గంలో డబ్బు సంపాదించాలి అనుకుంటారు. వారి తిరిగి ఇవ్వడానికి ఆలోచిస్తారు. ఇలాంటి వారిని నమ్మకండి. అంతే కాదు మీకు అవసరం ఉన్నప్పుడు ఎవరిని అయినా అడిగిచూడండి. అప్పుడు కూడా మనుషుల స్వభావం బయటపడుతుంది.

స్పష్టత.. ఎవరైనా వ్యక్తిని నమ్మడానికంటే ముందు తన పాత్ర ఏంటో తెలుసుకోవాలి. అంటే వారి స్వభావం ఏంటి? ఇంట్లో తన పాత్ర ఏంటి? మంచి పనులను ఎంచుకుంటాడా? చెడు దారిలో నడుస్తాడా? అనే విషయాలను తెలుసుకున్న తర్వాతనే ఆ వ్యక్తిని పూర్తిగా నమ్మాలి.

లక్షణాలు.. ప్రతి మనిషిలో కొన్ని మంచి లక్షణాలు, చెడు లక్షణాలు కూడా ఉంటాయి. అయితే చెడు ఏ విధంగా ఉందో తెలుసుకోవాలి. ఇక సోమరితనం, చిన్నతనం, గర్వం, తరచు అబద్దాలు చెప్పే అలవాట్లు ఉంటే మాత్రం వారిని అసలు నమ్మకండి. ఎవరైతే ప్రశాంతంగా, గంభీరంగా, వాస్తవాలు మాత్రమే మాట్లాడుతారో వారిని మాత్రమే పూర్తిగా నమ్మండి అని చాణుక్యుడు తెలిపారు.