మెగాస్టార్ చిరంజీవి దర్శకుడు కొరటాల శివ దర్శకత్వంలో చిరంజీవి-152 మూవీ చేస్తున్న సంగతి తెల్సిందే. ఈ మూవీ ప్రారంభమైనప్పటి నుంచి రోజుకో న్యూస్ సోషల్ మీడియాలో హల్ చల్ చేస్తోంది. చిరంజీవి ఈ మూవీలో డ్యూయల్ రోల్ చేస్తున్నాడు. అదేవిధంగా మెగా పవర్ స్టార్ రాంచరణ్ ఫ్యాష్ బ్యాక్లో నక్సలైట్ పాత్రలో కనిపిస్తారని ప్రచారం జరిగింది. ‘ఆర్ఆర్ఆర్’ మూవీ షూటింగ్ ఆలస్యం అవుతుండటం ఈ మూవీపై ఎఫెక్ట్ పడింది. దీంతో ఈ మూవీ నుంచి రాంచరణ్ తప్పుకున్నట్లు ప్రచారం జరుగుతుంది.
ఈ మూవీలో రాంచరణ్ కీలక పాత్రలో దాదాపు 30నిమిషాలు కనిపించేలా దర్శకుడు కొరటాల శివ ప్లాన్ చేశాడు. అయితే ‘ఆర్ఆర్ఆర్’ మూవీలో రాంచరణ్ బీజీగా ఉండటంతో ఈ మూవీ కూడా ఆలస్యం అవకాశం ఏర్పడింది. ఈ మూవీని త్వరగా తీసుకొచ్చేందుకు రాంచరణ్ ఈ మూవీని తప్పుకున్నట్లు తెలుస్తోంది. దీంతో ఈ ఆఫర్ స్టైలీష్ స్టార్ అల్లు అర్జున్ వద్దకు వెళ్లింది. రాంచరణ్ చేయాల్సిన పాత్రలో అల్లు అర్జున్ అయితే బాగుంటుందని కొరటాల శివ భావిస్తున్నారట. ఈ మూవీలో నటించేందుకు అల్లు అర్జున్ ఎంతో ఉత్సాహాన్ని చూపుతున్నట్లు తెలుస్తోంది. చిరంజీవికి జోడీగా త్రిష రెండోసారి నటిస్తుంది. మణిశర్మ ఈ మూవీకి అదిరిపోయే బాణీలను సమకూరుస్తున్నాడు.
ఇటీవల అల్లు అర్జున్ నటించిన ‘అల..వైకుంఠపురములో’ మూవీ సంక్రాంతి కానుకగా వచ్చి బ్లాక్ బస్టర్ గా నిలిచింది. ఈ మూవీ అల్లు అర్జున్ కెరీర్లోనే బిగ్గెస్ట్ హిట్టుగా నిలిచింది. తెలుగుతోపాటు మళయాళం, యూకేలోనూ ‘అల.. వైకుంఠపురములో’ భారీ కలెక్షన్లు రాబట్టింది. ఓ వైపు ఈ సక్సస్ ఎంజాయ్ చేస్తుండగానో మరోవైపు చిరంజీవిలో మూవీలో స్పెషల్ రోల్ ఆఫర్ దక్కింది. ఈ వార్తే నిజమైతే మాత్రం తెరపై చిరంజీవితో కలిసి అల్లు అర్జున్ రఫ్పాడించడం ఖాయంగా కన్పిస్తోంది. ఈ మూవీని రాంచరణ్ కొణిదల ప్రొడక్షన్ బ్యానర్లో నిర్మిస్తున్నాడు. చిరు-152 మూవీకి ‘ఆచార్య’ అనే టైటిల్ ఖారారైనట్లు తెలుస్తోంది. ఏదిఏమైనా టాలీవుడ్లో క్రేజీ కాంబినేషన్లో తెరపై వస్తుండటంతో అభిమానులు ఆనందాన్ని వ్యక్తం చేస్తున్నారు.
సూపర్ స్టార్ కృష్ణ సతీమణి విజయ నిర్మల జయంతిని పురస్కరించుకొని ఆమె విగ్రహావిష్కరణ చేయనున్నారు. ఫిబ్రవరి 20న హైదరాబాద్ లోని నానక్ రామ్ గూడలోని విజయ నిర్మల స్వగృహంలో ఉదయం 9గంటలకు విగ్రహావిష్కరణ కార్యక్రమాన్ని నిర్వహిస్తున్నారు. సినీ పరిశ్రమకు చెందిన ప్రముఖులతోపాటు సూపర్ స్టార్ కృష్ణ ఈ కార్యక్రమంలో పాల్గొననున్నారు.
‘మా’ వైస్ ప్రెసిడెంట్ పదవీకి రాజీనామా చేసిన హీరో రాజశేఖర్ ఇక సినిమాలపై ఫోకస్ పెట్టాడు. దర్శకుడు వీరభద్రం చౌదరి తెరకెక్కించే ఈ మూవీలో రాజశేఖర్ నటిస్తున్నాడు. ఈ మూవీలో హీరోయిన్ పాత్ర చాలా హుందాగా, గ్లామరస్ గా ఉండనుంది. సీనియర్ హీరోయిన్ అయితేనే ఆ పాత్ర న్యాయం చేస్తుందని దర్శకుడు వీరభద్రం వెటరన్ బ్యూటీ శ్రియను ఎంపిక చేసినట్లు తెలుస్తోంది. శ్రియ గ్లామర్ చిత్రానికి హైలెట్ గా నిలుస్తుందని సమాచారం. దీంతో తొలిసారి రాజశేఖర్ పక్కన శ్రియ నటించనుంది.
గత ఏడాది రిలీజ్ అయ్యి సంచలనం సృష్టించిన మలయాళ చిత్రం డ్రైవింగ్ లైసెన్స్ గురించి అందరికి తెలిసిందే. అయితే తాజాగా ఈ సినిమా రీమేక్ రైట్స్ రామ్ చరణ్ దక్కించుకున్న విషయం కూడా అందరికి తెలిసిన విషయమే. అయితే ఇప్పుడు ఈ సినిమాకు గాను కథనాయకుడిగా విక్టరీ వెంకటేష్ ను సంప్రదిస్తున్నట్లు సమాచారం.
తెలంగాణ ప్రభుత్వం తీసుకున్న పట్టణ ప్రగతి కార్యక్రమం అభినందించదగ్గది. ఇంతకుముందు తీసుకున్న పల్లె ప్రగతి కి కొనసాగింపుగానే ఈ కార్యక్రమం తీసుకోవటం జరిగింది. రాజకీయాలు ఎప్పుడూ వుండేవే . కానీ ప్రజలకు తక్షణం ఉపయోగపడేవి పౌర సౌకర్యాలు. నిన్నటి ఢిల్లీ ఎన్నికల్లో అరవింద్ కేజ్రీవాల్ గెలిచాడంటే కేవలం పౌర సౌకర్యాలపై ప్రజలు సంతృప్తి చెందారు కాబట్టే గెలిచాడు. నిజానికి ఇది పార్టీల ప్రధాన ఎజెండా కావాలి. నూటికి 90 శాతం ప్రజలు కోరుకునేది పౌర సౌకర్యాల మెరుగుదల. అవి సమకూరిన తర్వాత మిగతా వాటిగురించి ప్రజలు ఆలోచిస్తారు. ఈ విషయంలో కెసిఆర్ వీటిపై ఫోకస్ చేయటం ఖచ్చితంగా అభినందనీయం.
కెసిఆర్ తెలంగాణ కి తిరుగులేని నాయకుడు. ఇప్పట్లో తన అధికారాన్ని సవాలు చేసే రాజకీయ ప్రత్యర్థి లేడు. అసెంబ్లీ ఎన్నికలు మొదలుకొని స్థానిక సంస్థల ఎన్నికల దాకా అన్నింటిలో తెరాస తిరుగులేని ఆధిక్యత ప్రదర్శించింది ఒక్క లోక్ సభ ఎన్నికలు తప్ప. ఇంకా నాలుగు సంవత్సరాలు ఎటువంటి ఎన్నికలూ లేవు. కేవలం కొన్ని మునిసిపల్ కార్పొరేషన్ల లోనే ఎన్నికల వాతావరణం ఉంటుంది. ఇంతటి సానుకూల వాతావరణం చాలా తక్కువమందికి, చాలా తక్కువ సందర్భాల్లో ఉంటుంది. ఒకవిధంగా ఇది కెసిఆర్ కి కలిసొచ్చిన కాలమని చెప్పాలి.
స్టీఫెన్ రవీంద్ర తెలంగాణాకి చెందిన ఒక ఐపీఎస్ అధికారి, కానీ ఇప్పుడు ఆంధ్రాలో మొత్తం ఇతని గురించే చర్చ. అసలు ఎవరు ఈ స్టీఫెన్ రవీంద్ర, ఎందుకు ఇతని పేరు ఆంధ్ర అంతా మారుమోగుతోంది.
