Jayam Ravi wife demands alimony: గత రెండు మూడు రోజులుగా సోషల్ మీడియా లో జయం రవి విడాకులకు సంబంధించిన విషయం పై ఏ రేంజ్ లో చర్చలు నడుస్తున్నాయి మనమంతా చూస్తూనే ఉన్నాం. దశాబ్దాల నుండి తమిళనాడు లో టాప్ హీరో గా కొనసాగుతున్న జయం రవి , తన భార్య ఆర్తి పెట్టే మానసిక క్షోభ ని తట్టుకోలేక మీడియా ముందుకొచ్చి బాధ పడడం ఆయన అభిమానులకు మాత్రమే కాదు , ఇతరులకు కూడా చాలా బాధగా అనిపించింది. మనకే ఇలా ఉంటే , ఇక జయం రవి పిల్లలకు తన తండ్రి అలా మీడియా ముందుకొచ్చి ఏడుస్తుంటే ఎలా ఉంటుందో మీరే ఊహించుకోండి. ఇద్దరు పిల్లలకు జయం రవి అంటే చాలా ఇష్టం , జయం రవి కి కూడా తన పిల్లలు అంటే ప్రాణం. కానీ ఆర్తి వీళ్ళని కలవనివ్వకుండా చేస్తుంది, అందుకు బాడీ గార్డ్స్ ని కూడా పెట్టుకోవడం గమనార్హం.
ఇవన్నీ మీడియా ముందు చెప్పుకొని బోరుమని ఏడ్చాడు జయం రవి. అంతే కాదు , ఆమెని పెళ్లి చేసుకున్న రోజు నుండి నాకంటూ ప్రత్యేకంగా బ్యాంక్ అకౌంట్ లేదని, నా భార్య ఆర్తి తో కలిపి జాయింట్ అకౌంట్ మాత్రమే ఉందని , ఒక్క పైసా తీసుకోవాలన్నా ఆమె అనుమతి ఉండాలని , పొరపాటున ఆమెకు తెలియకుండా చిన్న అమౌంట్ డ్రా చేసి తీసుకున్నా పెద్ద గొడవ చేస్తుందని ఆయన మీడియా ముందుకొచ్చి చెప్పుకున్న మాటలు అందరినీ కదిలించేశాయి. ఆర్తి తో విడాకులు తీసుకునే వరకు నేను సినిమాలు చెయ్యనని , చేసిన సినిమాలను కూడా నిలిపిస్తున్నాని జయం రవి సంచలన నిర్ణయం కూడా తీసుకున్నాడు. అయితే ఈ అంశం ఇప్పుడు కోర్టు లో ఉంది. విడాకులు ఇవ్వాలంటే ఆర్తి పెట్టిన కండీషన్స్ ని చూస్తే ఎవరికైనా రక్తం మరిగిపోవాల్సిందే.
విడాకులు ఇవ్వాలంటే , జీవితాంతం జయం రవి నాకు నెలకు 40 లక్షల రూపాయిలు ఇవ్వాలని ఆమె డిమాండ్ చేస్తుంది. నెలకు 40 లక్షలు అంటే సంవత్సరానికి 4.8 కోట్లు రూపాయిలు. జయం రవి ఒక్క సినిమా చేయడానికి ఏడాది సమయం తీసుకుంటాడు , ఆయన రెమ్యూనరేషన్ 5 నుండి 6 కోట్ల రూపాయలకు మించి కూడా ఉండదు , ఒక్కోసారి ఆయన ఏడాది మొత్తం సినిమాలు చేయకుండా ఉన్న సందర్భాలు కూడా ఉన్నాయి . ఇలా నెలకు 40 లక్షల రూపాయిలు అంటే , జయం రవి ఆస్తులు అమ్ముకున్నా ఆమెని మైంటైన్ చేయడానికి సరిపోదు , పాపం నీ బాధ పగోడికి కూడా రాకూడదు అంటూ సోషల్ మీడియా లో జయం రవి పై జాలి చూపిస్తున్నారు నెటిజెన్స్.
హెల్మెట్ పెట్టుకొని వెళ్లు.. మోహన్ బాబు పై మంచు మనోజ్ సెటైర్.. వీడియో వైరల్
Manchu Manoj satire on Mohan Babu: గత ఏడాది మంచు కుటుంబం లో చోటు చేసుకున్న గొడవలు నెటిజెన్స్ కి ఏ రేంజ్ ఎంటర్టైన్మెంట్ ని అందించిందో ప్రత్యేకించి చెప్పనవసరం లేదు. బిగ్ బాస్ రియాలిటీ షో ని చూస్తున్నట్టే అందరికీ అనిపించింది. మంచు మనోజ్ తండ్రి మోహన్ బాబు , అన్నయ్య మంచు విష్ణు లపై ఆస్తి విషయం లో తిరుగుబాటు చేయడం , వాళ్ళు కూడా ఏ మాత్రం తగ్గకుండా , మనోజ్ ని తమ ఇంటి నుండి గెంటేయడం, ఆ తర్వాత ఒకరిపై ఒకరు కేసులు వేసుకోవడం , మనోజ్ ఇంటి ముందు బైఠాయించి ధర్నాలు చేయడం , ఇలా ఒక్కటా రెండా , ఎన్నో సంఘటనలు జరిగాయి . క్రమశిక్షణ కి మారుపేరు లాంటి మోహన్ బాబు ఇంట్లో గొడవలు , ఇలా రోడ్డు మీదకు వచ్చేసాయి ఏంటో అంటూ అభిమానులు బాధపడ్డారు.
అయితే ఈ విషయం పై గత ఏడాది నుండి ఎలాంటి చప్పుడు లేదు , గొడవలు సర్దుకున్నాయేమో అని అంతా అనుకున్నారు. అయితే రేపు మనోజ్ పుట్టిన రోజు సందర్భంగా, ఆయన హీరో గా నటించిన ‘డేవిడ్ రెడ్డి’ టీజర్ ని విడుదల చేయబోతున్నారు. ఈ సందర్భంగా ఏర్పాటు చేసిన ప్రెస్ మీట్ లో మనోజ్ ని ఒక రిపోర్టర్ ‘మీ ఇంట్లోని సమస్యలు సర్దుకున్నాయా సార్’ అని అడగ్గా, మనోజ్ సమాధానం చెప్తూ ‘అది మీరు నన్ను అడగకూడదు , ఎవరిని అడగాలో తెలుసు కదా, అయితే వెళ్ళేటప్పుడు హెల్మెట్ పెట్టుకొని వెళ్ళండి జాగ్రత్త (నవ్వుతూ) ‘అంటూ చెప్పుకొచ్చాడు. ఈ వీడియో ఇప్పుడు సోషల్ మీడియా లో బాగా వైరల్ అయ్యింది. మనోజ్ అలా హెల్మెట్ పెట్టుకొని వెళ్ళండి అనగానే మీ అందరికీ ఒక సంఘటన గుర్తుకు వచ్చే ఉంటుంది. ఈ గొడవ జరుగుతున్నా సమయం లో ఒక మీడియా రిపోర్టర్ మోహన్ బాబు వద్దకు వెళ్లగా, అతనిపై మైక్ తో దాడి చేస్తాడు.
పాపం ఆ రిపోర్టర్ కి తీవ్రమైన గాయాలై హాస్పిటల్ లో చికిత్స తీసుకోవాల్సి వచ్చింది. ఈ సంఘటన ని ఉద్దేశించే మనోజ్ నేడు సెటైర్లు వేశాడు . దీనిని బట్టీ చూస్తుంటే మనోజ్ ని మోహన్ బాబు ఈ జన్మలో దగ్గరకు తీసేలా లేడని అంటున్నారు నెటిజెన్స్. ఇకపోతే సినిమాలకు చాలా రోజులు గ్యాప్ ఇచ్చి ‘భైరవం’ తో విలన్ గా ఎంట్రీ ఇచ్చిన మనోజ్ , ఆ తర్వాత ‘మిరాయ్’ చిత్రం తో ఎంత పెద్ద కమర్షియల్ సక్సెస్ ని తన ఖాతాలో వేసుకున్నాడో అందరికీ తెలిసిందే. ఇప్పుడు ఆయన హీరో గా రీ ఎంట్రీ ఇస్తూ ‘డేవిడ్ రెడ్డి’ చేస్తున్నాడు. ఈ చిత్రం కమర్షియల్ గా ఎంతవరకు వర్కౌట్ అవుతుందో చూడాలి మరి.