China: చైనా యొక్క ఇంజనీరింగ్‌ అద్భుతం.. ఆకాశమంత ఎత్తులో వంతెన

China: వంతెనలు సహజంగానే ఎత్తుగా నిర్మిస్తారు. ప్రస్తుతం ఆధునిక సాంకేతిక పరిజ్ఞానం అందుబాటులోకి రావడంతో ఇప్పుడు ఎత్తయిన ప్రదేశాల్లోనూ భారీ వంతెనలు నిర్మిస్తున్నారు. ప్రపంచ పర్యాటకుల(World Tourist)ను అబ్బురపరుస్తున్నారు. ఇటీవల ఇండియాలో ఎత్తయి రైల్వే బ్రిడ్జి(Railwy Bridge)ని ప్రారంభించారు. తాజాగా చైనా ఎత్తయిన వంతెన నిర్మించింది.

Also Read: మధ్యాహ్నం నుంచి పని చేయని పేమెంట్స్.. యూపీఐ సేవలకు అంతరాయం

గాజు వంతెనలు, ఆకాశహరిమ్యాలు, భారీ నిర్మాణాలతో ప్రపంచ దృష్టిని ఆకర్షించే చైనా మరోసారి తన ఇంజనీరింగ్‌ సామర్థ్యాన్ని చాటుకుంది. గుయ్‌ ప్రాంతంలోని ఓ లోతైన లోయపై, రెండు మైళ్ల పొడవుతో, ఈఫిల్‌ టవర్‌(IFel Tower) కంటే ఎత్తైన ఓ అద్భుత వంతెనను నిర్మించింది. ఈ హువాజియాంగ్‌ గ్రాండ్‌ కెన్యాన్‌ బ్రిడ్జ్‌ ప్రపంచంలోనే అత్యంత ఎత్తైన వంతెనగా రికార్డు సృష్టించనుంది. గంటల సమయం పట్టే లోయ ప్రయాణాన్ని కేవలం ఒక నిమిషంలో పూర్తి చేసే ఈ నిర్మాణం చైనా అభివృద్ధి దూకుడుకు నిదర్శనం.

ఆకాశంలో ఒక రహదారి..
గుయ్‌ ప్రాంతంలో బీపన్‌(Bepan) నదిపై 2,050 అడుగుల (సుమారు 625 మీటర్లు) ఎత్తులో ఈ హువాజియాంగ్‌ గ్రాండ్‌ కెన్యాన్‌ బ్రిడ్జ్‌ను నిర్మించారు. ఈఫిల్‌ టవర్‌ (324 మీటర్లు) కంటే దాదాపు రెండు రెట్లు ఎత్తున్న ఈ వంతెన, సుమారు రెండు మైళ్ల (3.2 కిలోమీటర్లు)పొడవుతో లోయ ఒడ్డునుంచి మరో ఒడ్డుకు అనుసంధానిస్తుంది. 2022లో ప్రారంభమైన ఈ నిర్మాణం కేవలం మూడేళ్లలోనే పూర్తయింది, ఇది చైనా యొక్క వేగవంతమైన అభివృద్ధి సామర్థ్యాన్ని చాటుతుంది. ఈ ప్రాజెక్టు కోసం సుమారు 280 మిలియన్‌ డాలర్లు (భారత కరెన్సీలో దాదాపు రూ. 2,400 కోట్లు) ఖర్చు చేశారు.

సాంకేతికత, డిజైన్‌..
ఈ వంతెన రూపకల్పనలో అత్యాధునిక ఇంజనీరింగ్‌ సాంకేతికతను ఉపయోగించారు. ఈఫిల్‌ టవర్‌ కంటే 200 మీటర్ల అదనపు ఎత్తుతో, దీని బరువు సుమారు మూడు రెట్లు ఎక్కువ. బలమైన స్టీల్‌ కేబుల్స్(Steel Bridge), భూకంపాలను తట్టుకునే డిజైన్, అధిక గాలి వేగాలను ఎదుర్కొనే సామర్థ్యంతో ఈ వంతెన నిర్మితమైంది. ఈ నిర్మాణం కేవలం రవాణా సౌకర్యం కోసం మాత్రమే కాదు, దీని అద్భుతమైన దృశ్యం పర్యాటకులను ఆకర్షించేందుకు కూడా ఉపయోగపడుతుంది. సామాజిక మాధ్యమాల్లో ఈ వంతెన ఫొటోలు, వీడియోలు వైరల్‌గా మారడం దీని ఆకర్షణకు నిదర్శనం.

గంట ప్రయాణం..
ఈ వంతెన నిర్మాణానికి ముందు, బీపన్‌ నది లోయ చుట్టూ తిరిగి అవతలి ఒడ్డుకు చేరుకోవడానికి దాదాపు ఒక గంట సమయం పట్టేది. కుండపోత వర్షాలు, జలమయ ప్రాంతాలు ఈ ప్రయాణాన్ని మరింత కష్టతరం చేసేవి. ఇప్పుడు, ఈ వంతెన ద్వారా కేవలం ఒక నిమిషంలో లోయను దాటవచ్చు. ఈ వేగవంతమైన రవాణా సౌకర్యం గుయ్‌ ప్రాంతంలోని గ్రామీణ ప్రజల జీవనోపాధిని మెరుగుపరచడమే కాక, వాణిజ్య కార్యకలాపాలను కూడా పెంచుతుందని చైనా అధికారులు చెబుతున్నారు.

పర్యాటక ఆకర్షణ..
ఈ హువాజియాంగ్‌ వంతెన కేవలం రవాణా మార్గం మాత్రమే కాదు. ఇది ఒక పర్యాటక ఆకర్షణ కూడా. లోయ యొక్క అద్భుతమైన దృశ్యాలు, వంతెన యొక్క ఆకాశాన్ని తాకే ఎత్తు, మరియు దాని సాంకేతిక విశిష్టత ప్రపంచవ్యాప్తంగా సాహస ప్రియులను, పర్యాటకులను ఆకర్షిస్తాయని అధికారులు ఆశిస్తున్నారు. ఈ వంతెన ఈ ఏడాది జూన్‌లో ప్రారంభం కానుంది, ఆ తర్వాత ఇది గుయ్‌ ప్రాంతాన్ని ఒక కొత్త పర్యాటక గమ్యస్థానంగా మార్చవచ్చు. చైనాలో ఇప్పటికే గాజు వంతెనలు, ఎత్తైన టవర్లు పర్యాటక రంగానికి ఊతమిస్తున్నాయి, ఈ వంతెన ఆ జాబితాలో మరో మైలురాయిగా నిలుస్తుంది.

చైనా ఇంజనీరింగ్‌ ఆధిపత్యం
చైనా ఇటీవలి దశాబ్దాలలో ఇంజనీరింగ్‌ రంగంలో అసాధారణమైన పురోగతి సాధించింది. ప్రపంచంలోని అత్యంత ఎత్తైన 100 వంతెనల్లో దాదాపు సగం చైనాలోనే ఉన్నాయని గణాంకాలు చెబుతున్నాయి. హాంకాంగ్‌–జుహై–మకావు వంతెన, గాజు వంతెనలు, ఇప్పుడు హువాజియాంగ్‌ గ్రాండ్‌ కెన్యాన్‌ బ్రిడ్జ్‌ ఈ నిర్మాణాలు చైనా సాంకేతిక ఆధిపత్యాన్ని ప్రపంచానికి చాటుతున్నాయి. ఈ వంతెనలు కేవలం రవాణా సౌకర్యాలు మాత్రమే కాదు, చైనా యొక్క ఆర్థిక, సాంస్కృతిక శక్తిని ప్రదర్శించే చిహ్నాలు.

సవాళ్లు..
ఇంత భారీ నిర్మాణం కావడంతో, ఈ ప్రాజెక్టు అనేక సవాళ్లను ఎదుర్కొంది. లోతైన లోయ, అనూహ్య వాతావరణం, సాంకేతిక సంక్లిష్టతలు ఇంజనీర్లకు పెద్ద పరీక్షగా నిలిచాయి. అంతేకాదు, ఇంత భారీ ఖర్చుతో నిర్మించిన ఈ వంతెన ఆర్థికంగా ఎంత వరకు లాభదాయకంగా ఉంటుందనే విమర్శలు కూడా ఉన్నాయి. గ్రామీణ ప్రాంతంలో ఇంత పెద్ద పెట్టుబడి అవసరమా అనే ప్రశ్నలు కొందరు లేవనెత్తుతున్నారు. అయినప్పటికీ, చైనా అధికారులు ఈ వంతెన దీర్ఘకాలంలో ఆర్థిక, సామాజిక ప్రయోజనాలను తెచ్చిపెడుతుందని నమ్ముతున్నారు.

చైనా కొత్త మైలురాయి
హువాజియాంగ్‌ గ్రాండ్‌ కెన్యాన్‌ బ్రిడ్జ్‌ కేవలం ఒక వంతెన కాదు. ఇది చైనా ఆశయాలు, సాంకేతిక నైపుణ్యం, భవిష్యత్తు దృష్టికి నిదర్శనం. ఈ వంతెన గుయ్‌ ప్రాంతాన్ని రవాణా, పర్యాటక రంగంలో కొత్త శిఖరాలకు తీసుకెళ్తుందని అంచనా. ఈ ఏడాది జూన్‌లో ప్రారంభం కానున్న ఈ నిర్మాణం, ప్రపంచవ్యాప్తంగా ఇంజనీరింగ్‌ ఔత్సాహికులకు, పర్యాటకులకు ఒక కొత్త అనుభవాన్ని అందించనుంది.

China’s Huajiang Grand Canyon Bridge is set to open this year, becoming the world’s tallest bridge at 2050 feet high.

Recent footage of the bridge has been released, showing crews putting on the finishing touches.

One of the most insane facts about the bridge is that… pic.twitter.com/DLWuEV2sXQ

— Collin Rugg (@CollinRugg) April 8, 2025