Jagan politics In Telangana: తెలుగు రాష్ట్రాల్లో నాలుగు రోజులుగా రప్ప రప్ప రాజకీయాలు నడుస్తున్నాయి. నాలుగు రోజుల క్రితం(జూన్ 18న) ఏపీ ప్రతిపక్ష నేత, వైఎస్సార్ సీపీ అధినేత పల్నాడు పర్యటన సందర్భంగా తరలివచ్చిన కార్యకర్తల్లో ఒకరు.. రప్ప.. రప్ప నరుకుతా అనే పుష్ప2 సినిమా డైలాగ్తో ఫ్లెక్సీ కనిపించింది. దీనిపై అధికార కూటమి, ప్రతిపక్ష వైసీపీ మధ్య మాటల తూటాలు పేలుతున్నాయి. ఈతరుణంలో రప్ప.. రప్ప రాజకీయం తెలంగాణకూ పాకింది.
తెలంగాణలో రాజకీయ సమీకరణాలు ఒక్కసారిగా ‘రప్ప రప్ప’ ఫ్లెక్సీలతో కలవరపడ్డాయి. సంగారెడ్డిలో జరిగిన భారత రాష్ట్ర సమితి (BRS) మహాధర్నాలో, మాజీ మంత్రి, సిద్దిపేట ఎమ్మెల్యే తన్నీరు హరీశ్రావు ఫొటోలతో కూడిన ‘‘రప్ప రప్ప 3.0 లోడింగ్ 2028’’ అనే ఫ్లెక్సీలు హాట్ టాపిక్గా మారాయి. ఈ ఫ్లెక్సీలు హరీష్ రావు అనుచరులు ప్రదర్శించినట్లు తెలుస్తోంది, ఇది రాష్ట్రంలో రాజకీయ చర్చను రేకెత్తించింది.
‘రప్ప రప్ప’ రాజకీయ నేపథ్యం
‘రప్ప రప్ప’ అనే పదం ఆంధ్రప్రదేశ్లో రాజకీయ సందర్భంలో ప్రజాదరణ పొందిన పదం. ఇది తెలంగాణలోనూ ఇప్పుడు రాజకీయ ఉత్సాహాన్ని సూచిస్తూ, BRS నాయకత్వంలో హరీశ్రావు భవిష్యత్ రాజకీయ ఆకాంక్షలను సూచించే విధంగా కనిపిస్తోంది. 2028 ఎన్నికలను ఉద్దేశించి ‘‘రప్ప రప్ప 3.0’’ అనే నినాదం, BRS శ్రేణుల్లో ఉత్సాహాన్ని నింపడానికి, హరీశ్రావు నాయకత్వంలో ఒక కొత్త రాజకీయ శకాన్ని సూచించడానికి ఉద్దేశించినట్లు తెలుస్తోంది.
హరీశ్రావు రాజకీయ ప్రభావం..
తన్నీరు హరీశ్రావు, సిద్దిపేట నియోజకవర్గం నుంచి ఆరు సార్లు ఎమ్మెల్యేగా గెలిచిన నాయకుడు, BRSలో కీలక నేతగా గుర్తింపు పొందాడు. 2014–18 మధ్య నీటిపారుదల, మార్కెటింగ్, శాసన వ్యవహారాల మంత్రిగా, 2019–23 మధ్య ఆర్థిక, వైద్య–ఆరోగ్య శాఖల మంత్రిగా బాధ్యతలు నిర్వర్తించారు. సిద్దిపేటలో అతని అభివృద్ధి పనులు, ప్రజలతో నిరంతర సంబంధం అతన్ని బలమైన నాయకుడిగా నిలబెట్టాయి. అయితే తాజాగా రప్ప.. రప్ప ఫ్లెక్సీల వెనుక అతని అనుచరులు రాష్ట్ర రాజకీయాల్లో అతని ప్రభావాన్ని మరింత బలోపేతం చేయాలనే ఉద్దేశ్యం కనిపిస్తోంది.
Also Read: Jagan Sentiment Ring Story: జగన్ పెట్టుకున్న ఆ ‘ఉంగరం’ కథేంటి?
బనకచర్ల జల వివాదం నేపథ్యం..
సంగారెడ్డిలో జరిగిన BRS మహాధర్నా బనకచర్ల ప్రాజెక్టు ద్వారా ఆంధ్రప్రదేశ్ జల దోపిడీకి పాల్పడుతోందనే అంశంపై దృష్టి సారించింది. హరీశ్రావు ఈ సమావేశంలో కాంగ్రెస్ ప్రభుత్వం, తెలంగాణ బీజేపీ నేతల నిశ్శబ్దాన్ని తీవ్రంగా విమర్శించారు. ఈ సందర్భంలోనే ‘‘రప్ప రప్ప’’ ఫ్లెక్సీలు కనిపించడం రాజకీయంగా కొత్త ఉత్సాహాన్ని సృష్టించింది. హరీశ్రావు అఖిలపక్ష సమావేశం, అసెంబ్లీ ప్రత్యేక సమావేశం నిర్వహించాలని డిమాండ్ చేశారు, లేకపోతే బీఆర్ఎస్ ప్రజా పోరాటం చేపడుతుందని హెచ్చరించారు.
‘రప్ప రప్ప’ ఫ్లెక్సీలు కేవలం ప్రచార సాధనం మాత్రమే కాక, బీఆర్ఎస్ శ్రేణులను ఉత్తేజపరిచే రాజకీయ వ్యూహంగా కనిపిస్తాయి. హరీశ్రావు నాయకత్వంలో 2028 ఎన్నికల్లో BRS బలమైన పునరాగమనం చేయాలనే సంకేతంగా ఈ ఫ్లెక్సీలను చూడవచ్చు. అయితే, ఈ ఫ్లెక్సీలు పార్టీలో అంతర్గత రాజకీయ సమీకరణలను కూడా సూచిస్తాయా అనే చర్చ రాష్ట్రంలో జరుగుతోంది. కాంగ్రెస్, బీజేపీలపై హరీశ్రావు విమర్శలు, బనకచర్ల వివాదంతో కలిసి, ఈ ఫ్లెక్సీలు బీఆర్ఎస్ దూకుడైన రాజకీయ వైఖరిని ప్రతిబింబిస్తున్నాయి.
తెలంగాణలోనూ మొదలైన రప్ప రప్ప పోస్టర్ల రాజకీయం..
సంగారెడ్డిలో నిర్వహించిన బీఆర్ఎస్ మహాధర్నాలో కనిపించిన రప్ప రప్ప బోర్డులు
2028లో రప్ప రప్ప 3.0 లోడింగ్ అంటూ బోర్డులు
హరీష్ రావు ఫోటోతో బోర్డులు ప్రదర్శించిన అనుచరులు
హాట్ టాపిక్ గా మారిన రప్ప రప్ప బోర్డులు pic.twitter.com/D32ESFdILJ
— BIG TV Breaking News (@bigtvtelugu) June 21, 2025
