Keralam, Kerala Assembly: కేరళ రాష్ట్ర పేరు మార్చాలని ఆ రాష్ట్ర ప్రభుత్వం నిర్ణయించింది. ఈమేరకు రాష్ట్ర అసెంబ్లీలో రాష్ట్ర పేరు మారుస్తూ తీర్మానం చేసింది. కొత్తగా పెట్టే పేరుకు అసెంబ్లీ ఏకగ్రీవంగా ఆమోదం తెలిపింది. ఈమేరకు తీర్మానాన్ని కేంద్రానికి కూడా పంపించింది. కేంద్రం ఆమోదిస్తే ఆ రాష్ట్ర పేరు మారడం ఖాయం. మరి కేరళ పేరు ఎందుకు మార్చాలనుకుంది.. కొత్తగా ఏం పేరుకు అసెంబ్లీ ఏకగ్రీవ తీర్మానం చేసిందో తెలుసుకుందాం..
త్వరలో కొత్తపేరు..
రాజ్యాంగంలోని మొదటి షెడ్యూల్ కూడా రాష్ట్రం పేరు మార్చాలని ఆ రాష్ట్ర ప్రభుత్వం నిర్ణయిచింది. ఈమేరకు కొత్త పేరును ‘కేరళం’గా నిర్ణయించింది. ఈమేరకు అసెంబ్లీలో తీర్మానం ప్రవేశపెట్టగా పార్టీలకు అతీతంగా ఏకగ్రీవంగా కొత్తపేరుకు ఆమోదం లభించింది. దీంతో రాజ్యాంగ సవరణ చేసి కేరళ పేరును కేరళంగా మార్చాలని కోరింది. ముఖ్యమంత్రి పినరయి విజయన్ కేరళ శాసనసభలో విధివిధానాలు, వ్యాపార ప్రవర్తన రూల్ 118 కింద తీర్మానంలోని అంశాలను సభలో సమర్పించారు. మలయాళంలో ‘కేరళం’ అనేది ఆమోదించబడిన, సాధారణ వాడుక అయితే, అధికారిక రికార్డులలో, ముఖ్యంగా ఇంగ్లిష్లో రాష్ట్రాన్ని సాధారణంగా ‘కేరళ’గా పేర్కొనడం జరుగుతోంది.
అసలు పేరుతోనే పిలవాలని..
దేశంలో రాష్ట్రాలు భాషా ప్రాతిపదికన 1956, నవంబర్ 1న పునర్వ్యవస్థీకరించబడ్డాయి. ‘కేరళప్పిరవి’ దినోత్సవాన్ని కూడా నవంబర్ 1న జరుపుకుంటారు. మలయాళం మాట్లాడే ప్రజల కోసం ఐక్య కేరళ కోసం ఈ డిమాండ్ స్వాతంత్య్ర పోరాట కాలం నుంచి వారి మాతృభాష బలంగా ఉంది. అయితే, రాజ్యాంగంలోని మొదటి షెడ్యూల్ రాష్ట్రం పేరును ‘కేరళం’గా పేర్కొంటుంది. రాజ్యాంగంలోని ఆర్టికల్ 3 ప్రకారం ‘కేరళం’గా సవరించడానికి తక్షణ చర్యలు అవసరమని తీర్మానం పేర్కొంది. ఆర్టికల్ 3 సవరణ ద్వారా కొత్త రాష్ట్రాల ఏర్పాటు, రాష్ట్రాల ప్రాంతాల మార్పులు, సరిహద్దుల మార్పులు, రాష్ట్రాల పేర్ల మార్పులు చేసుకునే అవకాశం ఉంటుంది. కేరళ రాష్ట్ర పేరును కేరళం గా మార్చడంతోపాటు 8వ షెడ్యూల్ లోని అన్ని భాషల్లో కూడా కేరళంగా ఉపయోగించాలని అసెంబ్లీ తీర్మానం స్పష్టం చేసింది. ఈ నేపథ్యంలోనే కేరళ రాష్ట్ర పేరును ‘కేరళం’గా మారే అవకాశం ఉంది.
కేంద్రం ఆమోదిస్తే వాడుకలోకి కొత్త పేరు..
కేంద్రం కేరళ అసెంబ్లీ తీర్మానం మేరకు రాజ్యాంగ సవరణ చేస్తే.. కేరళ పేరు ఇక నుంచి కేరళంగా మార్పు సంతరించుకోంది. రాష్ట్రాన్ని మలయాళంలో కేరళంగా పిలుస్తారని, కానీ ఇతర భాషల్లో ఇప్పటికీ కేరళ అనే పిలుస్తున్నారని అన్నారు. రాజ్యాంగంలోని 3వ అధికరణ కింద కేరళ పేరును కేరళంగా సవరణ చేసి, రాజ్యాంగంలోని 8వ షెడ్యూల్లో పేర్కొన్న అన్ని భాషల్లోనూ కేరళంగా పేరు మార్పు చేసేందుకు తక్షణం చర్యలు తీసుకోవాలని కేంద్రాన్ని కోరారు.
