తమిళనాడులోని తంజావూరులోని సౌత్ రోడ్డులో నాసిర్ అహ్మద్ (Nasir Ahmed) (34) అనే యువకుడు నివాసం ఉంటున్నాడు. అతడి తండ్రి పోలీసు శాఖలో సబ్ ఇన్ స్పెక్టర్ గా విధులు నిర్వహించి ఉద్యోగ విరమణ చేశాడు. నాసిర్ అహ్మద్ కు వివాహం అయింది. భార్య సివిల్ అధికారిగా ఉద్యోగం చేస్తోంది. వీరికి ఓ కుమార్తె ఉంది. వారి ఇంటి పక్కనే లెక్చరర్ వెంకటేశ్ కుటుంబం నివాసం ఉంటోంది. ఆయనకు ఓ అందమైన భార్య, కుమార్తె ఉన్నారు. దీంతో నాసిర్ కన్ను వారిపై పడింది.
దీంతో వారి అందాలను ఎలాగైనా వీక్షించాలనే కుట్రకు పథకం వేశాడు. అనుకున్నదే తడవుగా వారి బాత్ రూంలో ఓ రహస్య కెమెరా ఏర్పాటు చేసి టెర్రస్ మీద ఉండే వారి ఇంట్లోకి కనెక్షన్ ఇచ్చుకున్నాడు. దీంతో వారు స్నానం చేస్తున్నప్పుడు వారి అందాలను వీక్షిస్తూ రాక్షసానందం పొందుతున్నాడు. ఈ నేపథ్యంలో లెక్చరర్ భార్య స్నానం చేస్తుండగా కెమెరా లైట్ వెలగడంతో అనుమానం వచ్చిన ఆమె భర్తను పిలిచి చూడాలని సూచించింది.
దీంతో పోలీసులను ఆశ్రయించి ఫిర్యాదు చేశారు. ఈ క్రమంలో పోలీసులు తమదైన శైలిలో విచారణ చేపట్టారు. మొదట తనకేమి తెలియదని నాసిర్ బుకాయించాడు. కానీ ఆధారాలు పక్కాగా ఉండడంతో అదుపులోకి తీసుకుని విచారించగా నిజం ఒప్పుకున్నాడు. అమ్మ, కూతురు స్నానం చేస్తున్న సమయంలో రికార్డు అవుతున్న వీడియోలను పోలీసులు స్వాధీనం చేసుకున్నారు. నాసిర్ సీక్రెట్ కెమెరాల బాగోతంపై అందరిలో ఆశ్చర్యం కలుగుతోంది.
