సాహసోపేత రేసింగ్ స్టంట్లు కథాంశంగా.. రియల్ స్టంట్స్.. ఎంతో శోధించి తెరకెక్కిన ‘మడ్డీ’ టీజర్ ను తాజాగా టాలీవుడ్ యువ దర్శకుడు అనిల్ రావిపూడి రిలీజ్ చేశాడు. గూస్ బాంబ్స్ ఇచ్చే రియల్ స్టంట్స్, గగుర్పొడేచే పోరాట దృశ్యాలతో ‘మడ్డీ ’ టీజర్ ఆకట్టుకుంటోంది.
ఈ వేసవి కానుకగా ప్యాన్ ఇండియా లెవల్లో ఐదు భాషల్లో విడుదలవుతున్న ఈ మూవీ టీజర్ ను ఇతర భాషల్లోనూ రిలీజ్ చేస్తున్నారు.
మట్టి రోడ్డుపై రేస్ ను చూపించబోతున్న సినిమా ‘మడ్డీ’. అయిదు భాషల్లో రిలీజ్ చేస్తున్న ఈ మూవీని ఆన్ లైన్ లో విడుదల చేశారు. డాక్టర్ ప్రగభల్ దర్శకుడిగా పరిచయం అవుతున్న ఈ మూవీలో యువన్, రిధాన్ కృష్ణ ప్రధాన పాత్రలు పోషిస్తున్నారు. అడ్వంచర్ రేసింగ్ ఇష్టపడేవారికి నచ్చేలా ఉంది టీజర్. రవిబస్రూర్ బ్యాక్ గ్రౌండ్ మ్యూజిక్, సినిమాటోగ్రఫీ ఆకట్టుకుంది.
కత చూస్తే రెండు బృందాలు బురద దారుల్లో పోటీపడడం.. ఈ పోటీలో చోటుచేసుకున్న రకరకాల సంఘటనలు ఎట్ ఏ గ్లాన్స్ టీజర్ లో చూపించారు. ప్యాన్ ఇండియా లెవల్లో తీసిన మూవీని ఈ సమ్మర్ లో రిలీజ్ చేస్తున్నారు.
