Sleeping With Jeans: మనిషికి తిండి ఎంత ముఖ్యమో నిద్ర కూడా అంతే. మంచి నిద్ర పోయేందుకు అనువైన మార్గాలు ఎంచుకోవాలి. నిద్ర సరిగా లేకపోతే వ్యాధులు చుట్టుముట్టే ప్రమాదం ఉంటుంది. నిద్ర బాగా పట్టడానికి మనం వేసుకునే డ్రెస్సులు కూడా ఒక కారణమే. ఇటీవల చాలా మంది జీన్స్ వాడుతున్నారు. వాటి మీదే తిరుగుతున్నారు. వాటితోనే పడుకుంటున్నారు. ఇలాగైతే సరైన నిద్ర పట్టదు.
ఎందుకు పట్టదు
జీన్స్ టైట్ గా ఉంటాయి. దీంతో లోపలకు కనీసం గాలి ఆడదు. దీని వల్ల ఫంగల్ ఇన్ఫెక్షన్లు వస్తాయి శరీర ఉష్ణోగ్రత పెరుగుతుంది. దీంతో మంచి నిద్ర పట్టదు. ఇలా ఇబ్బందులు వస్తాయి. ఎటైనా బయటకు వెళ్లి వచ్చినప్పుడు నైట్ డ్రెస్ వేసుకుంటే మంచి ఫలితాలు ఉంటాయి. కానీ బద్ధకస్తులు ఆ పని చేయరు. జీన్స్ మీదే నిద్రిస్తుంటారు. అందుకే ఇది సరికాదు. టైట్ గా ఉండే దుస్తులు కరెక్టు కాదు. కాస్తవదులుగా ఉంటేనే మనకు సౌకర్యవంతంగా ఉంటుంది.
ఫంగస్ ఇన్ఫెక్షన్లు
జీన్స్ డెనిమ్ ఫ్యాబ్రిక్స్ తో తయారవుతుంది. గాలి లోపలకు చొరబడనంత మందంగా ఉంటుంది. దీంతో లోపల చెమట పట్టడం సహజం. దీని వల్ల ఇన్ఫెక్షన్లు కూడా వస్తాయి. చెమటతో చాలా ఇబ్బందులొస్తాయి. చెమట పట్టడంతో ఆ ప్రాంతాల్లో బ్యాక్టీరియా, ఫంగల్ ఇన్ఫెక్షన్లు వృద్ధి చెందుతాయి. ఇది పునరుత్పత్తిపై ప్రభావం చూపుతుంది. అందుకే కేవలం బయటకు వెళ్లినప్పుడు మాత్రమే జీన్స్ వేసుకోవాలి. ఇంటికొచ్చాక వదిలేసి ఇతర కాటన్ దుస్తులు ధరించడం ఆరోగ్యానికి చాలా మంచిది.
నిద్రకు భంగం
జీన్స్ వేసుకుని పడకుంటు సరైన నిద్ర పట్టదు. బిగుతుగా దుస్తులతో ఇబ్బందులొస్తాయి. గాలి కూడా ఆడదు. అందుకే శరీర వేడి పెరిగి నిద్రకు అంతరాయం ఏర్పడుతుంది. జీన్స్ అసౌకర్యంగా ఉండటంతో సుఖనిద్రను దూరం చేయడానికి ఆస్కారం ఉంటుంది. జీన్స్ వేసుకోవడం వల్ల గర్భాశయం, పొత్తి కడుపు, జననేంద్రియాలపై ప్రభావం చూపిస్తుంది. రక్తప్రసరణ సరిగా ఉండదు. దీంతో నెలసరి సమయంలో తీవ్రమైన నొప్పి బాధిస్తుంది. అందుకే జీన్స్ కు దూరంగా ఉండటమే శ్రేయస్కరం.
