Fixed Deposit Mistakes: మధ్యతరగతి ప్రజలకు అత్యంత సురక్షితమైన, నమ్మకమైన పెట్టుబడి మార్గం ఫిక్స్డ్ డిపాజిట్ (FD). కష్టపడి సంపాదించిన డబ్బును భవిష్యత్తు అవసరాల కోసం దాచుకోవడానికి చాలామంది దీనినే ఎంచుకుంటారు. అయితే, ఈ ఎఫ్డీలు చేసేటప్పుడు అవగాహన లేకపోవడం వల్ల చాలామంది కొన్ని పొరపాట్లు చేస్తూ, రావాల్సిన దానికంటే తక్కువ లాభాన్ని పొందుతున్నారు. ఈ నేపథ్యంలో, ఎఫ్డీలు చేసేటప్పుడు జరిగే తప్పులు, వాటికి ఉన్న సులభమైన పరిష్కారాలు తెలుసుకోవాల్సిన అవసరం ఉంది. ఆ సులభమైన మార్గమేదంటే?
చాలామంది తమకు ఏ బ్యాంకులో ఖాతా (Account) ఉంటే, అదే బ్యాంకులో కళ్ళు మూసుకుని ఫిక్స్డ్ డిపాజిట్ చేసేస్తుంటారు. ఇతర బ్యాంకులు ఎంత వడ్డీ ఇస్తున్నాయనే విషయాన్ని అస్సలు పట్టించుకోరు. మార్కెట్లో పెద్ద పెద్ద ప్రభుత్వ, ప్రైవేట్ బ్యాంకులతో పోలిస్తే.. కొన్ని స్మాల్ ఫైనాన్స్ బ్యాంకులు, కొత్త తరం బ్యాంకులు ఎఫ్డీలపై చాలా ఎక్కువ వడ్డీ రేట్లను అందిస్తుంటాయి. ఇలాంటి వాటిపై అవగాహన లేకపోవడం వల్ల ఇతర బ్యాంకుల వడ్డీ రేట్లను పోల్చి చూడకపోవడం వల్ల చేతికి వచ్చే లాభాన్ని కోల్పోతున్నారు.
బ్యాంకుల్లో మనం దాచుకునే సొమ్ముకు DICGC (డిపాజిట్ ఇన్సూరెన్స్ అండ్ క్రెడిట్ గ్యారెంటీ కార్పొరేషన్) ద్వారా బీమా రక్షణ ఉంటుంది. కానీ దీనికి ఒక పరిమితి ఉంది. ఒకే బ్యాంకులో ఒక వ్యక్తి చేసే డిపాజిట్ (అసలు + వడ్డీ కలిపి) రూ. 5 లక్షల వరకు మాత్రమే సురక్షితం. ఒకవేళ బ్యాంకు ఏదైనా ఆర్థిక సంక్షోభంలో పడితే, ఐదు లక్షల కంటే ఎక్కువ ఉన్న మొత్తానికి బీమా వర్తించదు. అందుకే పెద్ద మొత్తంలో డబ్బు ఉన్నప్పుడు దాన్ని ఒకే బ్యాంకులో కాకుండా, వేర్వేరు బ్యాంకుల్లో రూ. 5 లక్షల లోపు చొప్పున విభజించి డిపాజిట్ చేయడం సురక్షితం.
‘స్టేబుల్ మనీ’యాప్ తో సొల్యూషన్..
పైన చెప్పుకున్న ఇబ్బందులన్నింటికీ ఇప్పుడు సరికొత్త టెక్నాలజీతో కూడిన ‘స్టేబుల్ మనీ’ (Stable Money) యాప్ ఒక అద్భుతమైన పరిష్కారాన్ని చూపుతోంది. ఈ యాప్ ప్రత్యేకత ఏంటంటే, దేశంలోని ప్రముఖ బ్యాంకులు, ఫైనాన్షియల్ ఇన్స్టిట్యూషన్ల ఎఫ్డీ రేట్లన్నీ ఒకే చోట మనకు కనిపిస్తాయి. దీనివల్ల ఏ బ్యాంకులో ఎంత వడ్డీ వస్తుందో సులభంగా పోల్చి చూసుకోవచ్చు.
ఖాతా లేకపోయినా ఎఫ్డీ చేసుకోవచ్చు
సాధారణంగా ఏదైనా బ్యాంకులో ఎఫ్డీ చేయాలంటే అక్కడ సేవింగ్స్ ఖాతా ఉండాలి. కేవైసీ (KYC) ప్రక్రియ పూర్తి చేయాలి. కానీ ‘స్టేబుల్ మనీ’ యాప్ ద్వారా ఆ అవసరం లేదు. మీకు ఆయా బ్యాంకుల్లో అకౌంట్ లేకపోయినా సరే, నేరుగా ఈ యాప్ ద్వారానే ఎక్కువ వడ్డీ ఇచ్చే బ్యాంకుల్లో డిపాజిట్ చేసుకోవచ్చు. డిజిటల్ కేవైసీ ద్వారా నిమిషాల్లో ఈ ప్రక్రియ పూర్తవుతుంది. కష్టార్జితాన్ని పొదుపు చేసుకునేటప్పుడు స్మార్ట్గా ఆలోచించడం అవసరం. ఒకే బ్యాంకుకు పరిమితం కాకుండా, రిస్క్ లేకుండా ఎక్కువ వడ్డీని ఇచ్చే మార్గాలను ఎంచుకోవాలి. వేర్వేరు బ్యాంకుల్లో డబ్బును విభజించి పెట్టుబడి పెట్టడం ద్వారా అటు ఐదు లక్షల బీమా రక్షణను పొందవచ్చు, ఇటు అత్యధిక లాభాలనూ అందుకోవచ్చు.
