Success
Success: ప్రస్తుతం ఉన్న ఈ పోటీ ప్రపంచంలో ప్రతి ఒక్కరూ వాళ్ళకంటూ ఆయురారోగ్యాలు, సుఖ సంతోషాలు కలగాలనే ఉద్దేశ్యంతో ఉంటారు. ఇక దానికి అనుగుణంగానే లక్ష్మీదేవిని పూజ చేస్తూ ఇవన్నీ ఇవ్వాలని వేడుకుంటూ ఉంటారు. అయితే ఇదే క్రమంలో ఇవన్నీ మనకు దక్కాలంటే చాణక్య నీతిని కూడా మనం ఒకసారి గుర్తుపెట్టుకోవాలి. చాణక్యుడు చెప్పిన ఐదు సూత్రాలను కనుక మనం పాటించినట్లయితే మన జీవితంలో మనం ఉత్తమ స్థానానికి వెళ్తామని చెప్పడంలో ఎంత మాత్రం అతిశయోక్తి లేదు…
1.ముఖ్యంగా మంచి నియమ నిబంధనలు పెట్టుకొని విద్యను ఆర్జిస్తూ ముందుకు సాగే వ్యక్తులకు ఉత్తమమైన గుణాలు ఉంటాయి. వీళ్లు వాళ్ళ జీవితంలో ఎలాంటి విజయాన్ని సాధించడానికైన సిద్దం గా ఉంటారు. ఇక ఉత్తమ జ్ఞానం గొప్ప విజయాన్ని అందిస్తుంది…
2.ఇక మన జీవితంలో కొందరికి మాత్రం మనం ఎప్పుడూ దూరంగా ఉంటూ రావాలి. అందులో ముఖ్యంగా చెడు బుద్ధి కలిగిన భార్యకి, శత్రువులకి, చెడు అలవాట్లు ఉన్న స్నేహితుడికి మన దూరంగా ఉండాలి లేకపోతే వాళ్ల వల్ల మనం ఇబ్బందుల్లో పడే అవకాశాలు కూడా ఉంటాయి.
3.ఇక ఎలాంటి పరిస్థితుల్లోనైనా మనం డబ్బులని పొదుపు చేసుకోవాలి. ఎందుకంటే రేపు ఏదైనా ఇబ్బంది కలిగిందంటే మనల్ని ఆదరించే వారు ఎవరు ఉండరు. కాబట్టి మనకు మనం నిలబడాలి అంటే మన దగ్గర ఎంతో కొంత డబ్బులు అనేవి పొదుపు చేసుకునే గుణం ఉండాలి…
4.ఇక ఎక్కడైతే మనకు గౌరవం ఉండదో, ఎక్కడైతే మనం పని చేయడానికి అవకాశాలు దొరకవో అక్కడ మనం ఉండి వృధా.. మన సమయాన్ని మనం కోల్పోవడం మన వ్యక్తిత్వాన్ని మనం దిగజార్చుకోవడం తప్ప మరేది ఉండదంటూ చానిక్యుడు ఒక గొప్ప నీతి అయితే చెప్పాడు…
5.ఇక చెడు సమయం ఎదురైనప్పుడు సేవకుడు పరీక్షించబడతాడు, మనకు కష్టం వచ్చినప్పుడు మన బంధువులు ఎలాంటి వారో తెలుస్తుంది. అలాగే మనకేదైనా సంక్షోభం సంభవించినప్పుడు మన స్నేహితుడు ఎటువంటి బుద్ధి కలవాడో తెలుస్తుంది. ఇక అంతకుమించి విపత్కర పరిస్థితులు ఎదురైనప్పుడు మన పట్ల మన భార్య ఎలా నడుచుకుంటుంది అనేదాన్ని బట్టి భార్య యొక్క బుద్ధిని కూడా మనం తీసుకోవాలి అంటూ చాణిక్యుడు చెప్పిన నీతి వాక్యాలు ప్రస్తుత జనరేషన్ లో ఉన్న ప్రతి ఒక్క వ్యక్తి ఆచరిస్తూ ముందుకెళ్తే వాళ్లకు తప్పకుండా విజయం వరిస్తుంది…
Web Title: Do you know chanakya 5 success sutras
Get Latest Telugu News, Andhra Pradesh News , Entertainment News, Election News, Business News, Tech , Career and Religion News only on oktelugu.com
