Sreeleela doesnt have a single film
Sreeleela: హీరోయిన్ శ్రీలీల మొన్నటి వరకు క్షణం కూడా తీరిక లేని బిజీ యాక్ట్రస్. తక్కువ సమయంలోనే స్టార్ హీరోయిన్ హోదా సంపాదించింది. పెళ్ళిసందD చిత్రంతో తెలుగు పరిశ్రమలో అడుగు పెట్టింది. ఆ తర్వాత రవితేజ హీరోగా నటించిన ధమాకా తో సూపర్ హిట్ కొట్టింది. ధమాకా విజయం తర్వాత ఆమెకు ఆఫర్లు క్యూ కట్టాయి. స్టార్ హీరోల సరసన అవకాశాలు వచ్చాయి. ఒక దాని తర్వాత మరొకటి సినిమాలు చేస్తూ పోయింది. కానీ సరైన హిట్ ఒక్కటి కూడా పడలేదు.
ఆమె గత ఏడాది నటించిన సినిమాల్లో భగవంత్ కేసరి తప్ప మిగిలినవన్నీ డిజాస్టర్ గా నిలిచాయి. ఇక మహేష్ కి జంటగా నటించిన గుంటూరు కారం సైతం ఆశించిన స్థాయిలో విజయం సాధించలేదు. దీంతో శ్రీలీల స్పీడ్ తగ్గించింది. ప్రస్తుతం ఆచి తూచి అడుగులు వేయాలి అనుకుంటుంది. ప్రస్తుతం శ్రీలీల చేతిలో రెండు ప్రాజెక్టులు ఉన్నాయి. ఉస్తాద్ భగత్ సింగ్ తో పాటు మరో సినిమా ఉంది. పవన్ కళ్యాణ్ రాజకీయంగా బిజీగా ఉన్న కారణంగా ఉస్తాద్ భగత్ సింగ్ షూట్ కి తాత్కాలికంగా బ్రేక్ పడింది.
ప్రస్తుతం ఖాళీ టైం దొరకడంతో చదువు పై దృష్టి పెట్టినట్లు తెలుస్తుంది. స్టడీస్ కంప్లీట్ చేసిన తర్వాత తిరిగి సినిమాల్లో నటిస్తుంది అనే టాక్ వినిపిస్తోంది. శ్రీలీల బెంగుళూరులో ఎంబీబీఎస్ చదువుతున్న సంగతి తెలిసిందే. కాగా తా చిత్రాల విషయంలో చేసిన తప్పులు, ఇకపై చేయకూడదని ఆమె డిసైడ్ అయినట్లు సమాచారం. కథ, తన పాత్ర ప్రాధాన్యత గురించి ఆలోచించకుండా సినిమాలు చేసి బోల్తా పడింది. పెద్ద బ్యానర్, స్టార్ హీరో అయితే చాలని సినిమాలు ఓకే చేసింది.
శ్రీలీల హీరోయిన్ గా నటించిన ఆది కేశవ, స్కంద, ఎక్స్ట్రా ఆర్డినరీ మ్యాన్ సినిమాలు బాక్స్ ఆఫీస్ వద్ద చతికిల పడ్డాయి. ఇప్పటివరకు నటించిన సినిమాల్లో శ్రీలీల గ్లామర్ షో, డాన్సులకే పరిమితం అయింది. అంతకంటే ప్రత్యేకించి ఆమెకు ఎటువంటి క్రెడిట్ దక్కలేదు. అందుకే ఇకపై తన పాత్రకు ఇంపార్టెన్స్ ఉన్న సినిమాలు మాత్రమే చేయాలని శ్రీలీల ఫిక్స్ అయినట్లు తెలుస్తుంది. టాలీవుడ్ లో గతంలో మాదిరి శ్రీలీలకు ఆఫర్స్ వచ్చే అవకాశం లేదు. ఉస్తాద్ భగత్ సింగ్ విజయం సాధిస్తే మరలా పుంజుకునే ఛాన్స్ ఉంది.
