Prabhas Fauji : స్టార్ హీరోల సినిమాలు విడుదలైతే చాలు , సోషల్ మీడియా లో సందడి మామూలుగా ఉండదు. అభిమానులు సంబరాలు చేసుకుంటారు , దురాభిమానులు ట్రోల్స్ చేస్తుంటారు. ఇది ఏపాటి నుండో జరుగుతూ వస్తోంది. ముఖ్యంగా పవన్ కళ్యాణ్ , మహేష్ బాబు , ఎన్టీఆర్ , ప్రభాస్ , రామ్ చరణ్ సినిమాలకు ఇలాంటివి రెగ్యులర్ గా జరుగుతూ ఉంటాయి. నేడు ప్రభాస్ ‘ఫౌజీ’ చిత్రానికి సంబంధించిన సరికొత్త పోస్టర్ ని విడుదల చేస్తూ , ఈ చిత్రాన్ని డిసెంబర్ 3 న విడుదల చేయబోతున్నట్టు అధికారిక ప్రకటన చేశారు. ఇన్ని రోజులు ఇది కేవలం లవ్ స్టోరీ మాత్రమే అని అంతా అనుకున్నారు, కానీ ఈరోజు విడుదల చేసిన పోస్టర్ తో ఇందులో రోమాలు నిక్కపొడుచుకొనే రేంజ్ యాక్షన్ సన్నివేశాలు కూడా ఉన్నాయని అర్థమైంది.
ఈ పోస్టర్ కి అభిమానులు సర్ప్రైజ్ కి గురయ్యారు , ట్రేడ్ విశ్లేషకులు ఒక్కసారిగా షాక్ కి గురయ్యారు. అక్కడి వరకు అంతా బాగానే ఉంది, కానీ ఈ పోస్టర్ లోని ఒరిజినల్ స్టిల్ లో కనిపిస్తున్నది నిజమైన ప్రభాస్ కాదని , AI ద్వారా జెనెరేట్ చేయబడిన ఇమేజ్ అని , యాంటీ ఫ్యాన్స్ పెద్ద ఎత్తున ప్రచారం చేస్తున్నారు. ముఖ్యంగా ప్రభాస్ కాళ్లకు 7 వేళ్ళు ఉండడాన్ని గమనించిన యాంటీ ఫ్యాన్స్ , ఒక రేంజ్ లో ప్రభాస్ ని ట్రోల్ చేయడం మొదలు పెట్టారు. కానీ ఇదంతా ఫేక్ ప్రచారమని , ఒరిజినల్ పోస్టర్ లో ప్రభాస్ కాళ్లకు కేవలం 5 వేళ్ళు మాత్రమే ఉందని , కావాలని దుష్ప్రచారం చేస్తున్నారంటూ సోషల్ మీడియా లో ప్రభాస్ ఫ్యాన్స్ కౌంటర్లు వేస్తున్నారు.
కానీ ప్రభాస్ కి ప్రస్తుతం ఈ రేంజ్ లుక్స్ అసాధ్యమని , ఇది కచ్చితంగా AI ద్వారా జెనెరేట్ చేయబడిన పోస్టర్ అని , అభిమానులను ‘ఫౌజీ’ టీం మోసం చేసిందంటూ ప్రచారం చేస్తున్నారు. సోషల్ మీడియా లో విస్తృతంగా ప్రచారం అవుతున్న ఈ గాసిప్స్ పై కేవలం ‘ఫౌజీ’ టీం రెస్పాన్స్ ఇచ్చినప్పుడే వాస్తవాలు బయటకు వస్తాయి. మరి టీం రెస్పాన్స్ ఇస్తుందో లేదో చూడాలి. ఈ ఏడాది ఆరంభం లో ప్రభాస్ హీరో గా నటించిన ‘రాజా సాబ్’ చిత్రం భారీ అంచనాల నడుమ విడుదలై డిజాస్టర్ ఫ్లాప్ గా నిల్చింది. ‘ఫౌజీ’ కూడా అలాగే నిలుస్తుందని , స్పిరిట్ తో చూసుకుందాం అనే ధీమా తో ఉండేవారు ప్రభాస్ ఫ్యాన్స్. కానీ నేడు విడుదల చేసిన పోస్టర్ ని చూసిన తర్వాత వారిలో ఎవ్వరూ ఊహించని రేంజ్ ఉత్సాహం నెలకొంది. మరి వాళ్ళ అంచనాలను ఈ సినిమా అందుకుంటుందో లేదో చూడాలి.
