NTR God of War : టాలీవుడ్ మోస్ట్ అవైటెడ్ ప్రాజెక్ట్స్ లో ఒకటి ‘గాడ్ ఆఫ్ వార్’. త్రివిక్రమ్ దర్శకత్వం లో తెరకెక్కబోయే ఈ సినిమాలో హీరో గా ఎన్టీఆర్ నటించబోతున్నారా ?, లేదా అల్లు అర్జున్ నటించబోతున్నారా ? అని ఇంతకాలం సోషల్ మీడియా లో పెద్ద చర్చ నే నడిచింది. అయితే ఈ చిత్రం లో ఎన్టీఆర్ నే నటించబోతున్నారని నేడు అధికారికంగా ఖరారు అయ్యింది. స్వయంగా ఎన్టీఆర్ ఈ విషయాన్ని నిర్ధారిస్తూ కాసేపటి క్రితమే ఈ సినిమాకు సంబంధించిన థీమ్ పోస్టర్ ని విడుదల చేశారు. ఈ పోస్టర్ కి ఫ్యాన్స్ , ఆడియన్స్ నుండి బ్లాస్టింగ్ రేంజ్ రెస్పాన్స్ వచ్చింది. కార్తికేయ స్వామి చేతిలో ఉండే ఆయుధాన్ని చాలా క్రియేటివ్ గా DNA అర్థం వచ్చేలా పొందుపరుస్తూ ఈ పోస్టర్ ని డిజైన్ చేశారు. ఇది చాలాసేపు గమనించిన తర్వాత ఫ్యాన్స్ కి కూడా అర్థం అయ్యింది.
అయితే ఇన్ని రోజులు అభిమానులు , ప్రేక్షకులు ఈ చిత్రాన్ని పూర్తి స్థాయి ఫాంటసీ చిత్రం గా ఊహించుకున్నారు. కార్తికేయ స్వామి జీవిత చరిత్ర మీదనే చిత్రం మొత్తం ఉంటుందని అనుకున్నారు. కానీ ఈ లోగో ని గమనిస్తే , ఇది సెమి ఫాంటసీ చిత్రం అనేది అర్థం అవుతోంది. కార్తికేయ స్వామి DNA ని హీరో పాత్రకు బదిలీ చేస్తారు. ఆ తర్వాత జరిగిన పరిణామాలే ఈ సినిమా అని అంచనా వేస్తున్నారు. గతం లో ఇదే కాన్సెప్ట్ తో తమిళ హీరో సూర్య ‘7th సెన్స్’ అనే చిత్రం చేశారు. ఈ సినిమా తెలుగు లో కమర్షియల్ గా హిట్ అయ్యినప్పటికీ, తమిళం లో మాత్రం ఫ్లాప్ అయ్యింది. ఓవరాల్ గా కమర్షియల్ గా ఈ చిత్రం బ్రేక్ ఈవెన్ మార్కుని అందుకోవడంలో విఫలం అయ్యింది. ఈ సినిమా కథ విషయానికి వస్తే , బోధి ధర్మ DNA ని హీరో పాత్రకు ఎక్కిస్తారు , అతను మన దేశాన్ని నాశనం చేయడానికి వచ్చిన చైనా దేశం ఆటలను అరికట్టుతారు.
‘గాడ్ ఆఫ్ వార్’ లో కూడా అదే కాన్సెప్ట్ ని ఇరికించారు. దీంతో ఈ చిత్రం ‘7 th సెన్స్’ కి రీమేక్ అంటూ సోషల్ మీడియా లో పెద్ద ఎత్తున ప్రచారం జరుగుతుంది. దీనిపై మూవీ టీం క్లారిటీ ఇవ్వాల్సిన అవసరం ఎంతైనా ఉంది. ఇది పూర్తి స్థాయి ఫాంటసీ చిత్రం అని నమ్మబట్టే , అభిమానులతో పాటు , ప్రేక్షకుల్లో కూడా ఈ చిత్రం పై ఆసక్తి కలిగింది. ఇప్పుడు ఈ కాన్సెప్ట్ విన్నాక , ఆ ఆసక్తి కాస్త తగ్గింది. భవిష్యత్తులో మేకర్స్ ఈ సినిమా కాన్సెప్ట్ పై ఏమైనా క్లారిటీ ఇస్తారో లేదో చూడాలి.
