Chris Gayle : వేలంలో ఎవరూ దేకలేదు. కనీసం పట్టించుకోలేదు. ఇతడినేంటి కోనుగోలు చేసేది అన్నట్టుగా జట్ల యాజమన్యాలు వ్యవహరించాయి. నవ్విన నాప చేను పండుతుందన్నట్టుగా అతడు అదరగొట్టాడు. సూపర్ బ్యాటింగ్ తో అందరినీ ఆశ్చర్యపరిచాడు. ఐపీఎల్ చరిత్రలో సరికొత్త రికార్డు నెలకొల్పాడు.
ఐపీఎల్ లో బెంగళూరు తరఫున క్రిస్ గేల్ నెలకొల్పిన రికార్డుల గురించి ప్రత్యేకంగా చెప్పాల్సిన పనిలేదు. అతడు పొట్టి ఫార్మాట్ లో సింహం లాగా రెచ్చిపోయాడు. పరుగుల వరద పారించాడు. ఇప్పటికీ అతడు సాధించిన రికార్డులు ఇప్పటికీ పదిలంగానే ఉన్నాయి. మేటి ప్లేయర్లు ఐపీఎల్ లో ఆడుతున్నప్పటికీ క్రిస్ గేల్ రికార్డులను ఏ ఆటగాడు బద్దలు కొట్టలేకపోతున్నాడు.
గేల్ ఆరెంజ్ క్యాప్ విభాగంలో అనేక సందర్భాల్లో స్థానం సంపాదించుకున్నాడు. బెంగళూరు తరఫున ఎన్నో అద్భుతమైన ఇన్నింగ్స్ లు ఆడాడు. అయితే అతడి ఐపీఎల్ కెరియర్ లో 2010లో సీజన్ తర్వాత అతడిని కోల్ కతా నైట్ రైడర్స్ తప్పించింది. అయితే ఆ సీజన్ లో ఆసీస్ ఆటగాడు డిర్క్ నేన్స్ గాయపడ్డాడు. దీంతో అతడి స్థానంలో బెంగళూరు అతడిని కొనుగోలు చేసింది. కోల్ కతా నైట్ రైడర్స్ జట్టుతో జరిగిన మ్యాచ్ లో గేల్ ఆకాశమే హద్దుగా రెచ్చిపోయాడు.
నాటి సీజన్ లో గేల్ వీరోచితంగా బ్యాటింగ్ చేశాడు. 12 మ్యాచ్ లలో 608 పరుగులు చేశాడు. తద్వారా ఆరెంజ్ క్యాప్ గెలుచుకున్నాడు. ఐపీఎల్ వేలంలో అమ్ముడు పోకుండా ఆరెంజ్ క్యాప్ దక్కించుకున్న ఆటగాడిగా గేల్ రికార్డు నెలకొల్పాడు. వాస్తవానికి కోల్ కతా తనను తప్పించడంతో గేల్ అది మనసులో పెట్టుకున్నాడు. తనను కొనుగోలు చేసిన బెంగళూరు జట్టుకు ఎన్నో చిరస్మరణీయ ఇన్నింగ్స్ లు ఆడి తన పేరును అతడు సార్థకం చేసుకున్నాడు. గత సీజన్ లో బెంగళూరు ఐపీఎల్ ట్రోఫీ గెలిచిన తర్వాత గేల్ సంబరాలు చేసుకున్నాడు. ట్రోఫీని అందుకుని విజయగర్వంతో ఉప్పొంగి పోయాడు. తోటి ప్లేయర్లతో కలిసి ఫొటోలు దిగాడు. వాటిని సోషల్ మీడియాలో పంచుకుని, తన ఆనందాన్ని మరింత పరివ్యాప్తం చేసుకున్నాడు.
