Venkatesh : ‘సంక్రాంతికి వస్తున్నాం’ లాంటి సెన్సేషనల్ బ్లాక్ బస్టర్ తర్వాత విక్టరీ వెంకటేష్ త్రివిక్రమ్ శ్రీనివాస్ తో ‘ఆదర్శ కుటుంబం’ అనే చిత్రాన్ని మొదలు పెట్టిన విషయం అందరికీ తెలిసిందే. శరవేగంగా షూటింగ్ కార్యక్రమాలను జరుపుకుంటున్న ఈ చిత్రం , ఈ ఏడాది అక్టోబర్ నెలలో విడుదలయ్యే అవకాశాలు కనిపిస్తున్నాయి. ఈ చిత్రం లో శ్రీనిధి శెట్టి హీరోయిన్ గా నటిస్తుండగా , నారా రోహిత్ కీలక పాత్ర పోషిస్తున్నారు. ఇందులో ఆయన నెగెటివ్ షేడ్స్ లో ఉన్న పోలీస్ ఆఫీసర్ క్యారెక్టర్ లో కనిపించనున్నారు. చాలా కాలం తర్వాత వెంకటేష్ , త్రివిక్రమ్ కాంబినేషన్ లో తెరకెక్కుతున్న సినిమా కావడంతో , ఈ చిత్రం పై మార్కెట్ లో మంచి క్రేజ్ ఏర్పడింది. అయితే ఇప్పటికే ఈ సినిమా షూటింగ్ కి సంబంధించి అనేక వీడియోలు సోషల్ మీడియా లో చక్కర్లు కొట్టిన సంగతి తెలిసిందే.
ఇప్పుడు లేటెస్ట్ గా ఈ సినిమాకు సంబంధించిన ఐటెం సాంగ్ షూటింగ్ వీడియో సోషల్ మీడియా లో లీక్ అయ్యింది. ఈ వీడియో ని మీకోసం క్రింద అందిస్తున్నాము చూడండి. ఈ పాటలో వెంకటేష్ స్పష్టంగా కనిపిస్తున్నారు కానీ , ఆయనతో పాటు చిందులు వేస్తున్న హీరోయిన్ ఎవరు అనేది క్లారిటీ గా తెలియడం లేదు. ఇక తమన్ అందించిన మ్యూజిక్ కూడా క్యాచీగానే ఉంది. ఎప్పుడు ఈ పాట విడుదల అవుతుందో తెలియదు కానీ , విడుదలయ్యాక చార్ట్ బస్టర్ గా నిలుస్తుందని అనడంలో ఎలాంటి సందేహం లేదు. ఈ స్పెషల్ ఐటెం సాంగ్ లో వెంకటేష్ తో కలిసి పూజా హెగ్డే చిందులు వేయబోతుంది అంటూ వార్తలు వచ్చాయి కానీ , దానిపై ఎలాంటి క్లారిటీ లేదు. అయితే పూర్తి స్థాయి ఫ్యామిలీ ఎంటర్టైనర్ అన్నారు , మధ్యలో ఈ ఐటెం సాంగ్ ఏంటి అంటూ సోషల్ మీడియా లో కొంతమంది కామెంట్స్ చేస్తున్నారు.
ఇకపోతే ఈ చిత్రం రీసెంట్ గా విడుదలైన అర్జున్ ‘బ్లాస్ట్’ మూవీ కి దగ్గరగా ఉంటుందని సోషల్ మీడియా లో ఒక ప్రచారం జరిగింది. ముందుగా ఆ సినిమా విడుదల కావడంతో , త్రివిక్రమ్ స్క్రిప్ట్ లో కొన్ని మార్పులు చేశారని ఇండస్ట్రీ వర్గాల్లో వినిపిస్తున్న టాక్. సోషల్ మీడియా లో ప్రచారమయ్యే ఈ వార్తల్లో ఎంత మాత్రం నిజముందో తెలియాలంటే అక్టోబర్ వరకు ఆగాల్సిందే. త్వరలోనే ఈ చిత్రానికి సంబంధించిన టీజర్ ని విడుదల చేసే ప్లాన్ లో ఉన్నారట మేకర్స్. అధికారిక ప్రకటన మరో వారం రోజుల్లో వచ్చే అవకాశాలు ఉన్నాయి.
