Indian Railway Jobs 2026: కేంద్రంలో మూడోసారి అధికారంలోకి వచ్చిన ఎన్డీఏ ప్రభుత్వం ఈసారి ఉద్యోగాల భర్తీకి అధిక ప్రాధాన్యం ఇస్తోంది. రైల్వే, బ్యాంకు, పోస్టల్, ఆర్మీ తదితర రంగాల్లో ఉద్యోగాల భర్తీకి వరుసగా నోటిఫికేషన్లు ఇస్తోంది. తాజాగా టెన్త్, ఐటీఐ, బీటెక్ అర్హతతో ఇండియన్ రేల్వేలో 11,127 ఉద్యోగాల భర్తీకి నోటిఫికేషన్ ఇచ్చింది. రేపటితో దరఖాస్తు గడువు ముగియనుంది. ఇందులో అసిస్టెంట్ లోకో పైలట్, పోస్టులు ట్రైన్ ఆపరేషన్లో కీలకమైనవి. ఈ ఉద్యోగాలు స్టేబుల్ కెరీర్, మంచి జీతం, ప్రమోషన్ అవకాశాలు కలిగి ఉంటాయి. రైల్వేలో సేఫ్టీ, టైమింగ్ నిర్వహణ వంటి బాధ్యతలు ఉంటాయి కాబట్టి, శ్రద్ధగల అభ్యర్థులకు ఇది మంచి అవకాశం.
అర్హతలు..
పదో తరగతి లేదా సమాన అర్హత, ఐటీఐ (ట్రేడ్ సర్టిఫికేట్), డిప్లొమా లేదా బీటెక్/ఇంజినీరింగ్ డిగ్రీ పూర్తి చేసినవారు దరఖాస్తు చేసుకోవచ్చు. వయసు 18 నుంచి 30 ఏళ్ల మధ్య ఉండాలి. ఎస్సీ, ఎస్టీ, ఓబీసీ, ఈడబ్ల్యూఎస్, పీడబ్ల్యూబీడీ వర్గాలకు వయసు సడలింపు వర్తిస్తుంది. రైల్వే నిబంధనల ప్రకారం శారీరక ఆరోగ్యం, దృష్టి సామర్థ్యం తప్పనిసరి.
ఎంపిక విధానం…
ఎంపిక బహుళ దశల్లో జరుగుతుంది.. మొదట సీబీటీ–1 (కంప్యూటర్ ఆధారిత పరీక్ష) నిర్వహిస్తారు. తర్వాత సీబీటీ–2 – మరింత వివరణాత్మక పరీక్ష ఉంటుంది. తర్వాత సీబీఏటీ(కంప్యూటర్ బేస్డ్ అప్టిట్యూడ్ టెస్ట్) – రియాక్షన్ టైమ్, ఏప్టిట్యూడ్ ఉంటుంది. ఆ తర్వాత డాక్యుమెంట్ వెరిఫికేషన్, మెడికల్ ఎగ్జామినేషన్ ఉంటాయి. ప్రతీ దశలో మార్కులు, మెరిట్ ఆధారంగా ఎంపిక జరుగుతుంది.
జీతం, సౌకర్యాలు..
ఈ పోస్టులు 7వ వేతన సంఘం ప్రకారం లెవల్–2 వేతనం (రూ.19,900 – రూ.63,200)లో ఉంటాయి. ప్రారంభ జీతం సుమారు రూ.35 వేల నుంచి రూ.45 వేల వరకు (భత్యాలతో సహా) వస్తుంది. డీఏ, హెచ్ఆర్ఏ, ట్రాన్స్పోర్ట్ అలవెన్స్, మెడికల్ ఫెసిలిటీలు, పెన్షన్, లీవ్ సౌకర్యాలు ఉంటాయి. కెరీర్ ప్రోగ్రెషన్లో లోకో పైలట్, సీనియర్ లోకో పైలట్ వంటి పోస్టులకు ప్రమోషన్ అవకాశాలు ఉన్నాయి.
దరఖాస్తు చివరి తేదీ..
ఆదివారం(జూన్ 14)తో దరఖాస్తు గడువు ముగుస్తుంది. ఆన్లైన్ దరఖాస్తు, ఫీజు చెల్లింపు ఈ తేదీలోపు పూర్తి చేయాలి. పరీక్ష తేదీలు, అడ్మిట్ కార్డు విడుదల తర్వాత అధికారిక వెబ్సైట్లో ప్రకటించబడతాయి. ఏదైనా మార్పులు ఉంటే వెబ్సైట్లో తనిఖీ చేసుకోండి.
ఎలా దరఖాస్తు చేయాలి..
అధికారిక రైల్వే వెబ్సైట్ (indianrailways.gov.in లేదా సంబంధిత RRB వెబ్సైట్) ద్వారా ఆన్లైన్లో దరఖాస్తు చేసుకోవాలి. అవసరమైన డాక్యుమెంట్లు (ఫోటో, సిగ్నేచర్, సర్టిఫికేట్లు) అప్లోడ్ చేయాలి. ఫీజు ఎస్సీ, ఎస్టీ, పీడబ్ల్యూబీడీకి ఉచితం. ఇతరులకు నామినల్. ఒకసారి సమర్పించిన తర్వాత వివరాలు మార్చలేరు.
సిలబస్, ప్రిపరేషన్ టిప్స్..
సీబీటీ–1లో మ్యాథమెటిక్స్, జనరల్ ఇంటెలిజెన్స్, జనరల్ సైన్స్, జనరల్ అవేర్నెస్ ఉంటాయి. సీబీటీ–2లో టెక్నికల్ సబ్జెక్టులు(మెకానికల్, ఎలక్ట్రికల్) ఉంటాయి. సీబీఏటీలో ఏప్టిట్యూడ్ టెస్ట్లు ఉంటాయి. మునుపటి పేపర్లు, మాక్ టెస్టులు ప్రాక్టీస్ చేయండి.
