US Army : అమెరికాలో ట్రాన్స్ జెండర్ లను ఎందుకు సైన్యంలో చేర్చుకోవడం లేదు ..అసలు ఏంటి కారణం?

US Army : ట్రంప్‌ అధ్యక్షుడిగా బాధ్యతలు స్వీకరించిన వెంటనే అమెరికా సైన్యం నుంచి ట్రాన్స్‌ జెండర్లను తొలగించేందుకు చర్యలకు ఉపక్రమించారు. అందుకు సంబంధిత ఉత్తర్వులను జనవరి 20న జారీ చేశారు. లింగమార్పిడి చేయించుకున్న వ్యక్తులను సాయుధ దళాల్లోకి తీసుకోవడం వల్ల దేశ భద్రత క్షీణిస్తోందని భావిస్తున్నందువల్లే ఆయన ఈ చర్యలకు ఉపక్రమిస్తున్నట్లు రిపబ్లికన్‌ పార్టీకి చెందిన కీలక నేత గతంలోనే చెప్పుకొచ్చారు. ప్రస్తుతం అమెరికా సైన్యంలో దాదాపు 15వేల మంది ట్రాన్స్‌జెండర్లు విధులు నిర్వహిస్తున్నారు. ట్రంప్ ప్రభుత్వం ఏర్పడిన వెంటనే అమెరికా సైన్యం కూడా ఒక పెద్ద నిర్ణయం తీసుకుంది. ట్రాన్స్‌జెండర్లు ఇకపై అమెరికా సైన్యంలో చేరలేరని స్పష్టం చేసింది. శనివారం (ఫిబ్రవరి 15, 2025), యూఎస్ ఆర్మీ ఎక్స్ హ్యాండిల్ నుండి అధికారిక పోస్ట్ చేసింది. ఈ పోస్టులో ఇందుకు సంబంధించిన సమాచారం అందజేసింది. దీనిలో లింగమార్పిడి చేసిన వారిని ఇకపై సైన్యంలో నియమించుకోలేమని.. దీనితో పాటు, అమెరికా ఆర్మీ సైనికులు తమ లింగాన్ని మార్చుకోవడానికి అనుమతించబోమని తెలిపింది.

సైన్యంలో ట్రాన్స్‌జెండర్ వ్యక్తుల నియామకాన్ని వెంటనే నిషేధించినట్లు సైన్యం పేర్కొంది. దీనితో పాటు సైనికులు తమ లింగాన్ని మార్చుకోవడానికి అనుమతించబడరని కూడా సైన్యం తెలిపింది. అమెరికాలో రెండోసారి అధికారంలోకి వచ్చిన తర్వాత, అధ్యక్షుడు ట్రంప్ తన మొదటి ప్రసంగంలో ఇప్పుడు అమెరికాలో రెండు లింగాలు మాత్రమే ఉంటాయని స్పష్టం చేయడం గమనార్హం. ఇది మాత్రమే కాదు, త్వరిత నిర్ణయం తీసుకుని సైన్యంలో ట్రాన్స్‌జెండర్ సైనికుల నియామకాన్ని నిషేధిస్తూ కార్యనిర్వాహక ఉత్తర్వుపై సంతకం చేశాడు.

యుఎస్ ఆర్మీ తన పోస్ట్‌లో.. యుఎస్ ఆర్మీ ఇకపై ట్రాన్స్‌జెండర్ వ్యక్తులను సైన్యంలో చేరడానికి అనుమతించదని, సర్వీస్ సభ్యులకు లింగ మార్పు విధానాలను సులభతరం చేయడాన్ని కూడా ఆపివేస్తుందని రాసింది. తక్షణమే అమలులోకి వస్తుంది, లింగ డిస్ఫోరియా చరిత్ర కలిగిన వ్యక్తులకు సంబంధించిన అన్ని కొత్త అడ్మిషన్లు నిలిపివేయబడ్డాయని పేర్కొంది. లింగ డిస్ఫోరియా ఉన్న వ్యక్తులు మన దేశానికి స్వచ్ఛందంగా సేవ చేశారు. వారిని గౌరవంగా చూస్తామని పేర్కొంది.. జనవరి 28న అధ్యక్షుడు ట్రంప్ సైన్యంలో ట్రాన్స్‌జెండర్ల నియామకాన్ని నిలిపివేయాలని కార్యనిర్వాహక ఉత్తర్వుపై సంతకం చేయడంతో సైన్యం ఈ నిర్ణయం తీసుకుంది.

దీనితో పాటు కరోనా మహమ్మారి సమయంలో టీకాలు వేయడానికి నిరాకరించిన కారణంగా తొలగించిన ఆ సైనికులను కూడా US సైన్యంలో తిరిగి నియమిస్తారు. కోవిడ్ వ్యాక్సిన్ తీసుకోవడానికి నిరాకరించినందుకు బహిష్కరించబడిన సైనికులను తిరిగి తీసుకురావడానికి ఆహ్వానం సిద్ధం చేస్తున్నట్లు యుఎస్ ఆర్మీ ట్విట్టర్‌లోని ఒక పోస్ట్‌లో రాసింది. 2021 సంవత్సరంలో సుమారు ఎనిమిది వేల మంది సైనికులు కరోనా వ్యాక్సిన్ తీసుకోవడానికి నిరాకరించారు. దీని తరువాత ఈ సైనికులు ఆదేశాలను పాటించనందుకు సైన్యం నుండి బహిష్కరించబడ్డారు. ఈ సైనికులను వారి పాత హోదాకు, పూర్తి జీతంతో తిరిగి నియమించనున్నారు. అయితే వారు తన ఫిట్‌నెస్‌ను నిరూపించుకోవాల్సి ఉంటుంది. సైన్యం నుండి బహిష్కరించబడిన ఎనిమిది వేల మంది సైనికులలో 113 మంది మాత్రమే మళ్ళీ సైన్యంలో చేరడానికి ఆసక్తి చూపారు.