Viral Sensation Monalisa : మహా కుంభమేళాలో వైరల్ అయిన మోనాలిసా గురించిన చర్చ ఇప్పటికీ తగ్గడం లేదు. మధ్యప్రదేశ్లోని మహేశ్వర్ నివాసి, మహా కుంభమేళాలో పూసలు అమ్మే మోనాలిసా అదృష్టం తళుక్కుమంది. ఆమెకు బాలీవుడ్ నుంచి హీరోయిన్ గా ఓ పెద్ద చిత్రంలో నటించేందుకు ఆఫర్ వచ్చింది. బాలీవుడ్ చిత్ర దర్శకుడు సనోజ్ మిశ్రా.. మహేశ్వర్ చేరుకుని వైరల్ గర్ల్ మోనాలిసాను హీరోయిన్ గా తన సినిమాలో నటించేందుకు సంతకం చేయించుకున్నారు. మోనాలిసా “మణిపూర్ డైరీస్” చిత్రంలో కథానాయిక పాత్రకు సంతకం చేసింది. మోనాలిసా ఒక ఆర్మీ ఆఫీసర్ కూతురి పాత్రలో కనిపించనుంది.
మహా కుంభమేళా సందర్భంగా సోషల్ మీడియాలో వైరల్ అయిన మత్తు కళ్లు కలిగిన 17 ఏళ్ల మోనాలిసా భోంస్లే, ఖర్గోన్ జిల్లా ప్రధాన కార్యాలయం నుండి 65 కిలోమీటర్ల దూరంలో ఉన్న పర్యాటక పట్టణం మహేశ్వర్లోని జైలు రోడ్డులో నివసిస్తున్నారు. చివరకు ఆమెకు ఈ అవకాశం లభించింది. సోషల్ మీడియాలో వైరల్ గర్ల్ అయిన మోనాలిసా ఇప్పుడు కలల నగరం ముంబైలో కనిపించనుంది.
మహా కుంభమేళాలో మోనాలిసా వైరల్
మోనాలిసా సోషల్ మీడియాలో వైరల్ అవ్వడం, వివిధ రకాల రీల్స్ చేయడంతో చాలా మంది చిత్ర దర్శకులు మోనాలిసాను గుర్తించారు. వారిలో ముంబైకి చెందిన దర్శకుడు సనోజ్ మిశ్రా కూడా ఉన్నారు. ఆమె కోసం వెతుకుతూ ప్రయాగ్రాజ్లోని మోనాలిసా వద్దకు చేరుకున్నారు. కుంభమేళాలోనే అతను మోనాలిసా కుటుంబానికి ఆ చిత్రంలో పాత్ర ఇవ్వడం గురించి చెప్పాడు. దీని తరువాత సోషల్ మీడియా యూట్యూబర్లు,మీడియాతో కలవరపడిన మోనాలిసా మహేశ్వర్లోని తన ఇంటికి తిరిగి రావడంతో చిత్ర దర్శకుడు మిశ్రా కూడా మహేశ్వర్ చేరుకున్నారు.
మోనాలిసా కుటుంబంతో మాట్లాడి ఆ సినిమాలో మోనాలిసాకు ఒక పాత్ర ఇచ్చారు. మిశ్రా ఇంతకు ముందు ‘డైరీ ఆఫ్ ది బెస్ట్ బెంగాల్’, ‘గాంధ్గిరి’ వంటి పాపులర్ చిత్రాలను తీశారు. ఆయన ఇప్పటివరకు 12 చిత్రాలను నిర్మించారు. మణిపూర్ డైరీస్లో ప్రధాన తారాగణం దీపక్ తిజోరి, ముఖేష్ తివారీ, అమిత్ రావు, అనుపమ్ ఖేర్, ఇతరులు నటిస్తున్నారు. నటుడు అనుపమ్ ఖేర్ ఆర్మీ ఆఫీసర్ పాత్రలో నటిస్తున్నారు. ఈ సినిమా బడ్జెట్ దాదాపు రూ. 20 కోట్లుగా నిర్ణయించారు.
ఆర్మీ ఆఫీసర్ కూతురి పాత్రలో మోనాలిసా
ముంబై చిత్ర దర్శకుడు సనోజ్ మిశ్రా మహేశ్వర్లో మాట్లాడుతూ.. నిర్మాణ సంస్థ బ్యానర్పై నిర్మిస్తున్న “మణిపురి డైరీస్” చిత్రంలో మోనాలిసా ఆర్మీ ఆఫీసర్ కుమార్తె పాత్రలో కనిపించనుందని అన్నారు. దర్శకుడు మిశ్రా నగరానికి చెందిన వినోద్ చౌహాన్, మోనాలిసా కుటుంబం, అతని బృందంతో కలిసి ప్రసిద్ధ రాజరాజేశ్వర ఆలయాన్ని సందర్శించారు. మణిపురి డైరీ సినిమా ప్రస్తుతం లండన్లో చిత్రీకరణ జరుపుకుంటుంది. రెండు మూడు రోజుల్లో ముంబైకి పిలిపించి ఆమెకు మూడు నెలల పాటు నటనలో శిక్షణ ఇస్తామని డైరెక్టర్ తెలిపారు.
