అసలే వానాకాలం.. నది జోరుగా ప్రవహిస్తోంది. గాలికి పడవులు కదిలిపోతున్నాయి. ఇలాంటి వేళ రెండు పడవులు దారితప్పి ఎదురెదురుగా ఢీకొన్నాయి. ఈ ప్రమాదంలో నదిలో దాదాపు 100 మంది గల్లంతయ్యారు. ఈ ఘోరం అస్సాం రాష్ట్రంలో విషాదం నింపింది.
అసోం రాష్ట్రంలోని బ్రహ్మపుత్ర నదిలో రెండు పడవులు ఎదురెదురుగా ఢీకొన్న ఘటనలో దాదాపు 100 మంది ప్రయాణికులు నదిలో గల్లంతయ్యారని తెలిసింది. అసోంలోని జోర్హత్ నగరంలోని నిమాతి ఘాట్ సమీపంలో ఈ ఘోర ప్రమాదం జరిగింది.
బ్రహ్మపుత్ర నదిలోని దీవి మజూలీ నుంచి నిమాతి ఘాట్ వైపు ఒక పడవ వస్తోంది. నిమాలి ఘాట్ వైపు నుంచి మరో పడవ మజూలీకి వెళుతోంది. ఈ రెండు ఎదురెదురుగా ఢీకొట్టుకోవడంతో ప్రమాదం జరిగింది.
ఈ ప్రమాదంలో దాదాపు 100 మంది మునిగిపోయినట్టు సమాచారం. వెంటనే ఎన్టీఆర్ఎఫ్, రాష్ట్ర విపత్తు నిర్వహణ బలగాలు స్పాట్ కు చేరుకొని సహాయ చర్యలు ప్రారంభించాయి.
Web Title: Two boat with hundred passengers collided in brahmaputra in assam
Get Latest Telugu News, Andhra Pradesh News , Entertainment News, Election News, Business News, Tech , Career and Religion News only on oktelugu.com
