Central Govt Welfare Schemes: ప్రస్తుతం పేదవారు, కార్మికులు, రైతులు, చిన్న వ్యాపారులు, వీధి వ్యాపారులు, మహిళలు, వృద్ధులు వంటి వివిధ వర్గాల ప్రజల కోసం కేంద్ర ప్రభుత్వం అనేక సంక్షేమ పథకాలను నడుపుతోంది. కొన్నిసార్లు ఈ పథకాల గురించి సరైన ప్రచారం లేకపోవడం వల్ల లేదా ప్రజలకు సమాచారం తెలియకపోవడం వల్ల అవి పూర్తి స్థాయిలో ప్రజల వద్దకు చేరడం లేదు. అందుకే, కేంద్ర ప్రభుత్వం అమలు చేస్తున్న కొన్ని ముఖ్యమైన సంక్షేమ పథకాల జాబితాను తెలుసుకుందాం.
Also Read: భారత ఉప రాష్ట్రపతి ఎవరు..?
కేంద్ర ప్రభుత్వం అమలు చేసే ముఖ్యమైన పథకాలు
1. పీఎం సురక్షా బీమా యోజన: బలహీన వర్గాల వారికి లైఫ్ ఇన్సూరెన్స్ అందించే పథకం ఇది.
2. పీఎం జీవన్ జ్యోతి బీమా యోజన: ఇది కూడా బలహీన వర్గాల వారికి లైఫ్ ఇన్సూరెన్స్ ఇచ్చే పథకం.
3. అటల్ పెన్షన్ యోజన: ఇది పెన్షన్ పొందేందుకు ఉద్దేశించిన పథకం.
4. విశ్వకర్మ యోజన: చెప్పులు కుట్టేవారు, వడ్రంగులు, టైలర్లు, కుమ్మరులు వంటి చేతివృత్తుల వారికి రుణాలు ఇచ్చి సాయం చేసే పథకం.
5. దీన్ దయాళ్ అశక్త్ పునర్వాసి యోజన: అశక్తుల పునరావాసం కోసం ఉద్దేశించిన పథకం.
6. దీనదయాళ్ ఉపాధ్యాయ గ్రామజ్యోతి యోజన: గ్రామీణ ప్రాంతాల్లోని అన్ని ఇళ్లకు నిరంతర విద్యుత్ అందించడమే దీని లక్ష్యం.
7. డిజిటల్ ఇండియా: ప్రజలకు డిజిటల్ సేవలు సక్రమంగా అందేలా చూడటం దీని ఉద్దేశ్యం.
8. గ్రామీణ భండారన్ యోజన: గ్రామీణ ప్రాంతాల్లో వ్యవసాయ ఉత్పత్తులను శాస్త్రీయంగా నిల్వ చేసుకునేందుకు వీలు కల్పించే సౌకర్యాలను అభివృద్ధి చేయాలనేది దీని లక్ష్యం.
9. మహాత్మా గాంధీ జాతీయ గ్రామీణ ఉపాధి హామీ చట్టం (MNREGA): గ్రామీణ ప్రాంతాల్లోని ప్రతి ఇంటిలో ఒక సభ్యునికి సంవత్సరానికి కనీసం 100 రోజుల కూలి పని లభిస్తుందని హామీ ఇచ్చే పథకం.
10. పీఎం కిసాన్ యోజన: రైతు కుటుంబాలకు ఆర్థిక సహాయం అందించే పథకం.
11. నమామి గంగే: గంగా నదిని శుభ్రం చేయడానికి ఉద్దేశించిన పథకం.
12. సాక్షరతా మిషన్: ప్రతి ఒక్కరూ చదువుకునేలా చేయడమే దీని లక్ష్యం.
13. పీఎం జన్ ధన్ యోజన: పేద ప్రజలందరికీ బ్యాంక్ అకౌంట్లు తెరిచేందుకు ప్రోత్సహించే పథకం.
14. పీఎం జన్ ఆరోగ్య యోజన (ఆయుష్మాన్ భారత్): వృద్ధులు, బలహీన వర్గాల వారికి సంవత్సరానికి రూ.5 లక్షల వరకు ఆరోగ్య బీమా అందించే పథకం.
15. పీఎం గ్రామ సడక్ యోజన: మారుమూల గ్రామాలకు మంచి రోడ్డు సౌకర్యాన్ని కల్పించడం దీని లక్ష్యం.
16. ఆర్ఎన్టిసిపి : క్షయ వ్యాధిని నియంత్రించడానికి ఉద్దేశించిన పథకం.
17. సుకన్య సమృద్ధి యోజన: బాలికల భవిష్యత్తును సురక్షితం చేయడానికి తల్లిదండ్రులకు అవకాశం కల్పించే పొదుపు పథకం.
18. స్మార్ట్ సిటీ మిషన్: నగరాలను అభివృద్ధి చేయడానికి ఉద్దేశించిన పథకం.
19. పీఎం ఆవాస్ యోజన: నగరాల్లో మంచి నివాసాలను నిర్మించడానికి సహాయం చేసే పథకం.
20. అంత్యోదయ అన్న యోజన: పేద కుటుంబాలకు రేషన్ అందించే పథకం.
21. నేషనల్ ఫుడ్ సెక్యూరిటీ మిషన్: దేశంలో ఆహార కొరత రాకుండా వ్యవసాయ ఉత్పత్తిని పెంచడం, అవసరమైన ఆహార పదార్థాలు మార్కెట్లో లభించేలా చూడటం దీని లక్ష్యం.
22. ఈ-శ్రమ్ కార్డ్: అసంఘటిత రంగంలోని 16 నుండి 59 సంవత్సరాల వయస్సు గల కార్మికులకు సంవత్సరానికి రూ.2 లక్షల ప్రమాద బీమా, ఇతర సంక్షేమ పథకాలు లభించేలా చూస్తుంది.
23. పీఎం ముద్ర యోజన: చిన్న వ్యాపారాలకు రూ.10 లక్షల వరకు వ్యాపార రుణాలు అందించే పథకం.
24. నమో డ్రోన్ దీది: వ్యవసాయ రంగంలో డ్రోన్ల వినియోగం గురించి గ్రామీణ మహిళలకు శిక్షణ ఇచ్చి, సబ్సిడీ ధరలకు డ్రోన్లు కొని వారి జీవనోపాధికి సహాయం చేస్తుంది.
25. ఉజ్వల యోజన: బీపీఎల్ కుటుంబాల మహిళలకు ఉచిత ఎల్పీజీ గ్యాస్ కనెక్షన్, సబ్సిడీ ధరలో సిలిండర్లను అందించే పథకం.
26. పీఎం స్వనిధి యోజన: వీధి వ్యాపారులకు ఎటువంటి హామీ లేకుండా రూ.50,000 వరకు రుణాలు అందించే పథకం.
