జర్నలిస్టుగా ప్రస్థానం మొదలుపెట్టి రాజకీయ నాయకుడిగా ఎదిగి.. ప్రస్తుతం ఏపీ వ్యవసాయశాఖ మంత్రిగా కొనసాగుతున్న కురసాల కన్న బాబు ప్రాణాలకు ముప్పు ఉందని తెలిసింది. ఉగ్రవాదుల నుంచి ఆయన ప్రాణాలకు ముప్పు ఉన్నట్లు ఇంటెలిజెన్స్ వర్గాలు తెలిపాయి. ఇంటెలిజెన్స్ విభాగం నుంచి వచ్చిన నిర్దిష్ట సమాచారం ఆధారంగా, ఆంధ్రప్రదేశ్ ప్రభుత్వం కన్న బాబుకు బుల్లెట్ ప్రూఫ్ వాహనాన్ని కేటాయించి పటిష్ట భద్రతను కల్పించింది.
Also Read: రేకింగ్: శిరోముండనం కేసులో నూతన్ నాయుడు అరెస్టు
కన్నబాబును ఉగ్రవాదులు టార్గెట్ చేశారని.. 10 రోజుల క్రితం రాష్ట్ర పోలీసు విభాగానికి నివేదిక ఇచ్చింది. గత కొన్ని నెలలుగా కన్న బాబు కదలికలపై నిఘా శాఖ నిఘా పెట్టినట్లు తెలుస్తోంది. మంత్రి కన్నబాబు ఎక్కువ సమయం తన సాధారణ కారులో ప్రయాణిస్తాడు. చాలా ఎక్కువగా ప్రజలలోకి వెళ్తాడు. అతను తూర్పు గోదావరి జిల్లాలోని అటవీ ప్రాంతాలకు కూడా వెళ్తాడు. ఈ క్రమంలోనే మావోయిస్టులు, ఉగ్రవాదులు ఆయన కిడ్నాప్ కు పథకం వేశారని నిఘా విభాగానికి ఉప్పు అందింది.
ఇది వరకు టీడీపీ హయాంలోనూ విశాఖలో ఓ టీడీపీ ఎమ్మెల్యేని కిడ్నాప్ చేసి చంపిన దృష్ట్యా పోలీసులు మంత్రి కన్నబాబుకు పటిష్ట భద్రత కల్పించారు. కన్న బాబు ఉగ్రవాదులకు లక్ష్యంగా మారే అవకాశం ఉందని ఇంటెలిజెన్స్ విభాగం భావించి ఈ చర్య చేపట్టింది.
Also Read: జగన్ సీక్రెట్: ఆ టీడీపీ కుంభకోణం తవ్వుతున్నాడా?
ఈ బెదిరింపులు రావడంతో మంత్రికి బుల్లెట్ ప్రూఫ్ వాహనాన్ని అందించాలని నిఘా విభాగం రాష్ట్ర పోలీసు ప్రధాన కార్యాలయానికి సిఫారసు చేసింది. కన్న బాబు ఇకపై ఎక్కడికి వెళ్లినా బుల్లెట్ ప్రూఫ్ వాహనాలను మాత్రమే ఉపయోగించాలని పోలీసులు సూచించారు. ఈ విషయంలో పోలీసులతో సహకరించాలని వారు మంత్రిని కోరారు. పోలీసులు ఆయనకు సెక్యూరిటీని పెంచారు.
