Prashant Kishor: తెలంగాణ అసెంబ్లీ ఎన్నికలకు సమయం దగ్గర పడుతోంది. ఈమేరకు ఎన్నికల సంఘం కూడా ఏర్పాట్లు చేస్తోంది. బీఆర్ఎస్ ఇప్పటికే 115 అభ్యర్థులను ప్రకటించింది. కాంగ్రెస్, బీజేపీ అభ్యర్థుల ఎంపికలో నిమగ్నమయ్యాయి. మరోవైపు తెలంగాణతోపాటు ఐదు రాష్ట్రాల ఎన్నికలకు కూడా నోటిఫికేషన్ వచ్చే అవకాశం ఉందన్న చర్చ జరుగుతోంది. ఈ నేపథ్యంలో మీడియా దృష్టి అంతా తెలంగాణ రాజకీయాలపై ఉంది. ఈ క్రమంతో తాజాగా జాతీయ న్యూస్ చానెల్ కూడా ఎన్నికల స్ట్రాటజిస్టు ప్రశాంత్కిశోర్ను ఐదు రాస్ట్రాల ఎన్నికల ఫలితాల అంచనాపై ఇంటర్వ్యూ చేసింది. ఇందులో తెలంగాణ ఫలితాలపైనా స్పష్టత ఇచ్చారు.
మళ్లీ బీఆర్ఎస్సే..
తెలంగాణలో ప్రస్తుత రాజకీయ పరిస్థితులు చూస్తుంటే.. బీఆర్ఎస్కే అనుకూలంగా ఉందని ప్రశాంత్ కిశోర్ వెల్లడించారు. కర్ణాటక ఎన్నికల తర్వాత కాంగ్రెస్ కాస్త పుంజుకున్నా.. అధికారంలోకి రాదని స్పష్టం చేశారు. ఇక మధ్యప్రదేశ్, రాజస్థాన్లో మాత్రం బీజేపీ, బీఆర్ఎస్ మధ్య టఫ్ ఫైట్ ఉంటుందని వెల్లడించారు. ఛత్తీస్గఢ్లో మాత్రం కాంగ్రెస్కు ఎడ్జ్ ఇచ్చారు పీకే. రాజస్థాన్లో బీజేపీకే అవకాశాలు ఉన్నాయని తెలిపారు. మధ్యప్రదేశ్లో మాత్రం పోటాపోటీ ఉంటుందని ఇప్పుడు చెప్పలేమని వ్యాఖ్యానించారు.
బీఆర్ఎస్కు వ్యూహకర్తగా..
ప్రస్తుత బీఆర్ఎస్.. టీఆర్ఎస్గా ఉన్నప్పుడు అంటే సుమారుగా ఏడాదిన్న క్రితం ప్రశాంత్ కిశోర్ ఆ పార్టీకి ఎన్నికల వ్యూహకర్తగా పనిచేశారు. ఈమేరకు తన టీంను రంగగంలోకి దించి నియోజకవర్గాల వారీగా సర్వే చేయించారు. ఎమ్మెల్యేల పనితీరును అంచనావేసి నివేదికను కేసీఆర్కు అందించారు. ఇందులో 60 మంది ఎమ్మెల్యేలపై వ్యతిరేకత ఉందని, వారిని మార్చకుంటే మళ్లీ అధికారంలోకి రావడం కష్టమని పేర్కొన్నట్లు అప్పట్లో వార్తలు వచ్చాయి. అయితే రాజకీయ వ్యూహాల్లో తలపండిన నేతగా ఉన్న కేసీఆర్.. తన పార్టీ గెలుపు కోసం మరో వ్యూహకర్తను నియమించుకోవడం కూడా అప్పట్లో చర్చనీయాంశమైంది. మరోవైపు పీకే నివేదిక సగం మంది ఎమ్మెల్యేలకు వ్యతిరేకంగా ఉండడం కూడా కేసీఆర్కు నచ్చలేదు. దీంతో తర్వాత పీకేను దూరం పెట్టారు గులాబీ బాస్.
