Lipstick Making Process
Lipstick Making Process : కొంతమంది మహిళలు లిప్స్టిక్ లేకుండా ఇంటి నుంచి అడుగు కూడా బయటపెట్టరు. వారు ప్రతిరోజూ లిప్‌స్టిక్‌ను ఉపయోగించి తమ అందాన్ని రెట్టింపు చేసుకుంటారు. దీనిని ఫ్యాషన్‌లో భాగంగా చూడకూడదు. ఈ లిప్‌స్టిక్‌ను ధరించడం వల్ల కూడా కొన్ని ప్రయోజనాలు ఉన్నాయని నిపుణులు అంటున్నారు. లిప్‌స్టిక్‌ను పెదవులను మృదువుగా చేయడానికి ఉపయోగించవచ్చు. తద్వారా పెదవులు తరచుగా హైడ్రేట్ అవుతాయి. అవి తేమగా, అందంగా కనిపిస్తాయి. లిప్స్టిక్ కేవలం సౌందర్య సాధనం కాదు. ఇది మహిళల ఆత్మవిశ్వాసం, ఆకర్షణను పెంచుతుందని అనేక అధ్యయనాలు చూపించాయి. అందుకే లిప్స్టిక్ ధరించేవారు కాన్ఫిడెంట్ గా ఉంటారని అంటారు.
కొన్ని లిప్‌స్టిక్‌లకు మాయిశ్చరైజింగ్, సన్‌స్క్రీన్ లక్షణాలు ఉంటాయి, కాబట్టి అవి సూర్యకాంతి, గాలి, చలి నుండి పెదవులను రక్షిస్తాయి. షార్ప్, బోల్డ్, డ్రమాటిక్ రంగులు లేదా సహజమైన లిప్‌స్టిక్‌లు మీ అందాన్ని రెట్టింపు చేస్తాయి. ఇది పది మందిలో మిమ్మల్ని ఆకర్షణీయంగా కనిపించేలా చేస్తుంది. తన జీవితంలో లిప్‌స్టిక్‌ను ఉపయోగించని మహిళ ప్రపంచంలోనే ఉండదు. మహిళల అలంకరణలో, వారి అందాన్ని మెరుగుపరచడంలో లిప్ స్టిక్ చాలా ముఖ్యమైన భాగం. దాదాపు అందరు మహిళలు మేకప్ చేసేటప్పుడు ఖచ్చితంగా లిప్‌స్టిక్‌ని ఉపయోగిస్తారు. మార్కెట్‌లో అత్యంత ఖరీదైన, చౌకైన లిప్‌స్టిక్‌లు అందుబాటులో ఉన్నాయి. అన్ని రకాల వ్యక్తులు వారి బడ్జెట్ ప్రకారం కొనుగోలు చేయవచ్చు. లిప్‌స్టిక్‌ను తయారుచేసే పద్ధతికి సంబంధించి చాలా మంది మనసులో రకరకాల ప్రశ్నలు ఉంటాయి.
లిప్స్టిక్ తయారీలో జంతు నూనెను ఉపయోగిస్తారని కొందరు అనుకుంటారు.. ఇది నిజంగా నిజమేనా? లిప్స్టిక్ తయారీకి జంతు నూనెను వాడుతున్నారా? ఈ ప్రశ్నకు సమాధానం తెలుసుకుందాం. కొన్ని లిప్‌స్టిక్‌లను తయారు చేయడానికి చేప నూనెను ఉపయోగిస్తారనేది నిజం. ఇందులో షార్క్ కాలేయ నూనెను స్క్వాలీన్ అంటారు. పెదాలలో తేమను పెంచడానికి, మెరుస్తూ ఉండటానికి ఇవి ఉపయోగపడతాయి. అయితే, ఇప్పుడు దాని వినియోగం గణనీయంగా తగ్గుతోంది. చాలా లిప్స్టిక్ కంపెనీలు మొక్కలు, కూరగాయల నుండి పొందిన నూనెలను ఉపయోగిస్తాయి. ఇంతకుముందు జంతువుల నూనెను మాత్రమే కాకుండా వాటి శరీర భాగాలను కూడా లిప్స్టిక్ చేయడానికి ఉపయోగించారు. కానీ ఇప్పుడు చాలా బ్రాండ్లు శాకాహారి సౌందర్య సాధనాలను ఇష్టపడటం ప్రారంభించాయి. అంటే లిప్ స్టిక్ తయారీలో యానిమల్ ఆయిల్ వాడడం నిజమే. అయితే ఇప్పుడు అందులో భారీ తగ్గుదల చోటు చేసుకుంది. ఇప్పుడు మరిన్ని బ్రాండ్లు సహజ పదార్ధాలను మాత్రమే ఉపయోగించి లిప్‌స్టిక్‌ను తయారు చేస్తున్నాయి.
